Drochtersermoor

Vun Wikipedia
Zur Navigation springen Zur Suche springen
Wapen/Flagg Koort

Wapen vun Drochtersermoor

Drochtersermoor
Laag vun Drochtersermoor in Düütschland
Basisdaten
Bundsland: Neddersassen
Landkreis: Stood
Gemeen: Drochters
Inwahners:
Postleettall: 21706
Vörwahl: 04148
Geograafsche Laag:
Koordinaten:53° 41′ N, 9° 21′ O
53° 41′ N, 9° 21′ O

Drochtersermoor (hoochdüütsch Drochtersermoor) is en Oort in de Gemeen Drochters in’n Landkreis Stood, Neddersassen.

Geografie[ännern | Bornkood ännern]

Drochtersermoor liggt in’t Kedener Moor. In’n Süden liggt dat Naturschuulrebeed Waterkroger Moor. Dat Water ut dat Rebeed flütt över Lannern un Vörfloters af na dat Gauensieker Slüsenfleet un in de Wischhobener Süderelv/Kruutsanner Binnenelv.

De Naveröörd sünd Aschhoorn in’n Noorden, Drochters, Gauensiek, Ritsch un Aßel in’n Noordoosten, Gauensiekermoor, Ritschermoor un Groot-Steernbarg in’n Süüdoosten, Hammohermoor un Waterkroog in’n Süden, Engelschopp in’n Süüdwesten, Neelannermoor un Neeland in’n Westen un Aschhoornermoor in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to dat Grevengericht Bützfleet tohöört un denn von 1852 bet 1859 to dat Amt Wischhoben. Von 1859 bet 1885 weer dat in dat Amt Freeborg un na 1885 in’n Kreis Keden. 1932 is dat Deel von’n Kreis Stood worrn.

Drochtersermoor hett polietsch al von öllers bi Drochters mit bihöört. De Oort is an’n 1. Juli 1972 mit de Gemeenreform in Neddersassen Deel von de ne’e un noch gröttere Gemeen Drochters worrn.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 89 Lüüd. 16 Hüüs

Religion[ännern | Bornkood ännern]

Drochtersermoor is evangeelsch-luthersch präägt un höört to dat Kaspel von de Johannis- un Katharinen-Kark in Drochters.

För de Kathoolschen is de Hillig-Geist-Kark in Stood tostännig.

Weertschop un Infrastruktur[ännern | Bornkood ännern]

De Oort hett en egene freewillige Füürwehr.

Verkehr[ännern | Bornkood ännern]

Dör Drochtersermoor löppt de Kreisstraat 27, de in’n Noorden na Drochters an de Landsstraat 111 ran geiht un in’n Süüdoosten över de Moordörper un Schölisch na Stood an de Freebörger Straat ran.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so 19 Kilometer in’n Süüdoosten von Drochtersermoor an de L 111.

De nächste Bahnhoff is so bi teihn Kilometer wied weg in’n Süden de Bahnhoff Hammoh an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinner gaht na Grundschool op de Grundschool Aßel un later veel na de Kooperative Gesamtschool Drochters oder op Gymnasium na de Vincent-Lübeck-School in Stood.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136