Schölisch
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Hööchd: | 0 m över de See | |
| Postleettall: | 21682 | |
| Vörwahl: | 04141 | |
| Geograafsche Laag: | Koordinaten:53° 37′ N, 9° 28′ O53° 37′ N, 9° 28′ O | |
|
| ||
Schölisch is en Dörp in de Gemeen Stood in’n Landkreis Stood, Neddersassen.
Geografie
[ännern | Bornkood ännern]Schölisch liggt an’n Rand von Geest, Masch un Moor na Keden hen. Dat Water ut dat Rebeed flütt in’n Noordoosten över den Hörn-Götzdörper Kanaal af un in’n Süüdwesten över de Haschenfleter Wettern.
De Naveröörd sünd Götzdörp in’n Noorden, Snee in’n Noordoosten, Melau in’n Oosten, Stood in’n Süden, Hohenwedel in’n Süüdwesten un Stodermoor in’n Noordwesten.
Historie
[ännern | Bornkood ännern]Schölisch dükert 1204 toeerst in de Oorkunnen op, as Hinnerk V. Wiepenkathen un Haddörp an dat Klooster St. Marien schenkt hett. Schölisch warrt dor as en Naveroord nöömt.
In’n Eersten Weltkrieg sünd 23 Soldaten ut Mulsen fullen oder vermisst un in’n Tweten 39 Lüüd[1].
Verwaltungsgeschicht
[ännern | Bornkood ännern]De Oort hett vör 1852 to de Vaagdie Schölisch in dat Amt Wischhoben tohöört un is bi de Verwaltungs- un Justizreform an’n 1. Oktober 1852 in dat Königriek Hannover dör Verordnung von’n 28. September 1852 an dat Amt Stood kamen.[2] In dat Amt Stood weer de Oort von 1852 bet 1859 un denn von 1859 bet 1885 in dat Amt Himmelpoorten. Dat Amt Himmelpoorten is 1885 denn in’n Kreis Stood opgahn un de 1932 tohoop mit de Kreise Jörk un Keden in’n ne’en, grötteren Kreis Stood.
Schölisch is an’n 1. Juli 1972 bi de Gemeenreform in Neddersassen Deel von de Gemeen Stood worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[3] | 69 Füürsteden |
| 1. Dezember 1871[4] | 205 Lüüd, 35 Hüüs |
| 1. Dezember 1910[5] | 562 |
| 1925[6] | 311 |
| 1933[6] | 283 |
| 1939[6] | 292 |
Religion
[ännern | Bornkood ännern]Schölisch is evangeelsch-luthersch präägt un höört to dat Kaspel von de Cosmae-Kark in Stood. Fröher hett de Oort to de Wilhadi-Kark in Stood tohöört.
För de Kathoolschen is de Hillig-Geist-Kark in Stood tostännig.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht an de Schölischer Straat.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Schölisch liggt an de Kreisstraat 31, de in’n Süüdoosten an de Glückstädter Straat ranlöppt un in’n Noorden na Götzdörp geiht. Von de K 31 geiht in’n Noorden de K 27 af, de denn na Noordwesten na Stodermoor geiht un ok mit’n Hogenwedel verbunnen is. Ans gifft dat noch en lüttjere Straat na Snee.
De nächste Bahnhoff is de Bahnhoff Stood an de Nedderelvbahn.
Scholen
[ännern | Bornkood ännern]Schölisch hett en egen Kita. Op Grundschool gaht de Kinner na de Grundschool Bockhorster Weg, op Hauptschool na de Hauptschool Thuner Straat, op Realschool na de Realschool Camper Höh, op de Integreerte Gesamtschool na Hogenwedel un op Gymnasium na dat Vincent-Lübeck-Gymnasium.
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/schoelisch_wk1u2_ns.htm
- ↑ Hannoversche Gesetzgebung über Staats- und Gemeinde-Verwaltung. Helwing, Hannover 1852, Sied 80b
- ↑ C. H. Jansen: Statistisches Handbuch des Königreichs Hannover. 1824, Sied 546: http://books.google.de/books?id=tG0AAAAAcAAJ&pg=PA546
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=RA2-PA143
- ↑ http://www.gemeindeverzeichnis.de/gem1900/gem1900.htm?hannover/stade.htm
- ↑ a b c http://www.verwaltungsgeschichte.de/stade.html