Hogenwedel
| Hogenwedel | ||
|---|---|---|
| Barggrupp: | ||
| Hööchd: | 26 m över NN | |
| Land: | Düütschland | |
| Laag: | Landkreis Stood | |
| Kuntinent: | Europa | |
| Koordinaten: | Koordinaten:53° 37′ N, 9° 27′ O53° 37′ N, 9° 27′ O | |
| ||
De Hogenwedel is en Barg in’n Noordwesten von Stood. He liggt op 26,2 m över NN.
Geografie
[ännern | Bornkood ännern]Na Süüdoosten fallt dat Gelänn af na de Maschen von de Swing un na Noordoosten na Geestrandmoor un Maschen von Keden. Na Westen geiht dat Gelänn in siede Geest över. Na Süüdwesten sett sik dat högere Gelänn foort na’n Swarten Barg.
De Öörd ümto sünd Schölisch in’n Oosten, Stood in’n Süüdoosten, Hahl un Haddörp in’n Süüdwesten, de Hööv Steernbarg un Bockhorst in’n Westen un Stodermoor in’n Noordwesten.
Historie
[ännern | Bornkood ännern]1837 is de Hambörger optische Telegraf inricht worrn. De optische Telegraf bestünn ut en Reeg von Signalanlagen twüschen Cuxhoben un Hamborg, över de Narichten (vör allen över Scheep, de in de Elv inlopen deen) schickt worrn sünd. Düsse Signalanlagen stünnen an besünners hoge Punkten, so dat de wiedhen to sehn weren. Dat weer nödig, üm mit mööglichst wenig Signalanlagen uttokamen.
De Naversignaals weren de Telegrafenbarg in’n Noordwesten bi Heckthusen un in’n Süüdoosten Schulau op de anner Sied Elv.
De Bedriev is denn 1849 instellt worrn, nadem 1848 twüschen Cuxhoben un Hamborg en elektrischen Telegraf inricht worrn is, de de Narichten veel lichter un gauer överdregen kunn.
Dat Rebeed von’n Hogenwedel billt vondaag den Karkhoff Geestbarg, dat Land ümto is nu Wahnrebeed un Deel von Stood.
