Telegrafenbarg
| Telegrafenbarg | ||
|---|---|---|
| Barggrupp: | ||
| Hööchd: | 44 m över NN | |
| Land: | Düütschland | |
| Laag: | Landkreis Cuxhoben | |
| Kuntinent: | Europa | |
| Koordinaten: | Koordinaten:53° 38′ N, 9° 12′ O53° 38′ N, 9° 12′ O | |
| ||
De Telegrafenbarg is en Barg bi Klint in de Gemeen Heckthusen, de 44 m över de See hoog reckt.
De Öörd ümto sünd Bornbarg in’n Noordoosten, Heckthusen in’n Oosten, Klint in’n Süüdoosten, Lohmöhlen in’n Süüdwesten un Ihlbeek in’n Noordwesten.
De Telegrafenbarg is de höögste Steed in de Ümgegend. Den Naam hett de Barg 1837 kregen, as de Hambörger optische Telegraf inricht worrn is. Vörher is de Barg Klintbarg nöömt worrn. De optische Telegraf bestünn ut en Reeg von Signalanlagen twüschen Cuxhoben un Hamborg, över de Narichten (vör allen över Scheep, de in de Elv inlopen deen) schickt worrn sünd. Düsse Signalanlagen stünnen an besünners hoge Punkten, so dat de wiedhen to sehn weren. Dat weer nödig, üm mit mööglichst wenig Signalanlagen uttokamen.
De Naversignaals weren de Fahlbarg in’n Noordwesten in Dobrook un in’n Süüdoosten op’n Hogenwedel bi Stood.
1846 is noch en Dwarslien inricht worrn, de de Statschoon op’n Telegrafenbarg över Loomst, Beers un Elm mit de Statschoon Bremerhoben von de Optische Telegrafenlien Bremen-Bremerhoben verbunnen hett.
De Bedriev is denn 1849 instellt worrn, nadem 1848 twüschen Cuxhoben un Hamborg en elektrischen Telegraf inricht worrn is, de de Narichten veel lichter un gauer överdregen kunn.