Haddörp

Vun Wikipedia
Zur Navigation springen Zur Suche springen
Wapen/Flagg Koort

Wapen vun Haddörp

Haddörp
Laag vun Haddörp in Düütschland
Basisdaten
Bundsland: Neddersassen
Landkreis: Stood
Gemeen: Stood
Inwahners: 2.468 (2002-08-00 August 2002)
Postleettall: 21683
Vörwahl: 04141
Geograafsche Laag:
Koordinaten:53° 36′ N, 9° 22′ O
53° 36′ N, 9° 22′ O

Funktoorn in Haddörp

Haddörp (hoochdüütsch Haddorf) is en Dörp in de Gemeen Stood in’n Landkreis Stood, Neddersassen.

Geografie[ännern | Bornkood ännern]

Dat Water ut dat Rebeed flütt in’n Noorden över den Oosterbeek na de Haschenfleter Wettern af.

De Naveröörd sünd Stood mit Hahl in’n Oosten, Wiepenkathen un Düünbeudel in’n Süden, Middelsdörp mit Middelsdörp-Siedlung in’n Westen un Hammoh in’n Noordwesten.

Historie[ännern | Bornkood ännern]

Haddörp dükert as Hardestorp 1204 toeerst in de Oorkunnen op, as Hinnerk V. den Oort tohoop mit Wiepenkathen an dat Klooster St. Marien schenkt hett.

Haddörp höört siet de Gemeenreform in Neddersassen an’n 1. Juli 1972 to de Gemeen Stood.

In’n Eersten Weltkrieg sünd negen Soldaten ut Haddörp fullen oder vermisst, in’n Tweten Weltkrieg weren dat veer Soldaten[1].

Inwahnertall[ännern | Bornkood ännern]

Johr Inwahners
1824-00-001824[2] 8 Füürsteden
1848-00-001848[3] 51 Lüüd. 8 Hüüs
1871-12-011. Dezember 1871[4] 76 Lüüd. 11 Hüüs
1910-00-001910[5] 144
1925-00-001925[6] 112
1933-00-001933[6] 113
1939-00-001939[6] 123
1950-00-001950 203
1972-00-001972 430
1991-00-001991 793
2002-08-00 August 2002 2.468

Religion[ännern | Bornkood ännern]

Haddörp is evangeelsch-luthersch präägt un höört to de Karkengemeen von de Markus-Kark in Hahl. Vördem de Karkengemeen 1965 grünnt worrn is, hett Haddörp to dat Kaspel von de Cosmae-Kark in Stood tohöört.

Politik[ännern | Bornkood ännern]

De Oortsbörgermeester is siet 30. November 2006 Torsten Schmidt.

De Oortsraad hett 13 Maten.

Sitten in’n Oortsraad
Johr CDU SPD
2006[7] 7 6
2011[7] 7 6

Kultur[ännern | Bornkood ännern]

Bi’n Haddörper Karkhoff steiht en Denkmaal för de Fullenen ut de twee Weltkrieg’.

Infrastruktur[ännern | Bornkood ännern]

De 158 Meter hoge Feernsehtoorn von Stood steiht in Haddörp. He is von Stahlbeton boot un von de Düütsche Telekom AG bedreven.

Von 1965 bet 2014 harr dat Dörp en Filiaal von de Spoor- un Kreditbank Hammoh.

Verkehr[ännern | Bornkood ännern]

In’n Süden löppt an Haddörp de Bundsstraat 73 langs, de dat Dörp mit Stood un Düünbeudel verbinnt. Lüttjere Straten gaht na Middelsdörp, Hahl un na Lütt-Villah. De nächste Bahnhoff is de Bahnhoff Stood. Fröher harr Haddörp en egen Bahnhoff an de Nedderelvbahn von Cuxhaven na Horborg, de vondaag aver stillleggt is.

Haddörp is över de Buslien 2001 all halve Stünn an Stood anslaten un över de Buslien 2027 an Stood un Bremervöör.

Scholen[ännern | Bornkood ännern]

Haddörp hett en Kinnergoorn un en Grundschool. För de högeren Scholen mööt de Schölers na Stood. För’t Gymnasium normalerwies na de Vincent-Lübeck-School un för de Realschool na de Realschool Hohenwedel.

Bet 1850 sünd de Kinner ut Haddörp in Wiepenkathen na School gahn. Denn hett dat Dörp sien egen Schoolmeester kregen, de ok de Kinner ut Eenstellige Hööv Ünnerricht geven hett. De School weer toeerst in en Olendelerhuus ünnerbröcht.

Footnoten[ännern | Bornkood ännern]

  1. http://www.denkmalprojekt.org/2009/stade-haddorf_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 232: http://books.google.de/books?id=tG0AAAAAcAAJ&pg=PA232
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142
  5. http://www.gemeindeverzeichnis.de/gem1900/gem1900.htm?hannover/stade.htm
  6. a b c http://www.verwaltungsgeschichte.de/stade.html
  7. a b http://tageblatt.de/main.cfm?MID=20579&Orig_DID=2154440&DID=2154440

Weblenken[ännern | Bornkood ännern]

Commons-logo.svg Haddörp. Mehr Biller, Videos oder Audiodateien to’t Thema gifft dat bi Wikimedia Commons.