Middelsdörp
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21714 | |
| Vörwahl: | 04144 | |
| Geograafsche Laag: | Koordinaten:53° 36′ N, 9° 22′ O53° 36′ N, 9° 22′ O | |
|
| ||
Middelsdörp (hoochdüütsch Mittelsdorf) is en Dörp in de Gemeen Hammoh in’n Landkreis Stood, Neddersassen. To’n Oort höört ok Middelsdörp-Siedlung, dat an’n Middelsdörper Weg na Haddörp hen liggt.
Geografie[ännern | Bornkood ännern]
Dat Water ut dat Rebeed flütt in’n Oosten över den Grenzgraven Middelsdörp-Hammoh un den Oosterbeek na de Haschenfleter Wettern af.
De Naveröörd sünd Hammoh in’n Noorden, Haddörp in’n Oosten, Düünbeudel in’n Süden un Himmelpoorten in’n Westen.
Historie[ännern | Bornkood ännern]
Middelsdörp dükert 1204 toeerst in de Oorkunnen op, as Hinnerk V. Wiepenkathen un Haddörp an dat Klooster St. Marien schenkt hett. Middelsdörp warrt dor as en Naveroord nöömt.
Vör 1885 weer dat Dörp Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.
Middelsdörp höört siet de Gemeenreform in Neddersassen an’n 1. Juli 1972 to de Gemeen Hammoh.
In’n Eersten Weltkrieg sünd fiev Soldaten ut Middelsdörp fullen oder vermisst, in’n Tweten Weltkrieg weren dat 14 Soldaten[1].
Inwahnertall[ännern | Bornkood ännern]
| Johr | Inwahners |
|---|---|
| 1824[2] | 18 Füürsteden |
| 1848[3] | 107 Lüüd, 22 Hüüs |
| 1. Dezember 1871[4] | 150 Lüüd, 26 Hüüs |
| 1910[5] | 130 |
| 1925[6] | 125 |
| 1933[6] | 121 |
| 1939[6] | 140 |
Religion[ännern | Bornkood ännern]
Middelsdörp is evangeelsch-luthersch präägt un höört to dat Kaspel von de Marienkark in Himmelpoorten. Bet 1794 hett de Oort to dat Kaspel von de Martinskark in Olendörp tohöört.
För de Kathoolschen is de Hillig-Geist-Kark in Stood tostännig.
Kultur[ännern | Bornkood ännern]
Bi’n Middelsdörper Karkhoff steiht en Denkmaal för de Fullenen ut de twee Weltkrieg’.
Middelsdörp hett en egene Freewillige Füürwehr, de 1936 grünnt worrn is. Dat hüdige Füürwehrhuus is 2006 boot worrn.
Verkehr[ännern | Bornkood ännern]
Dör Middelsdörp geiht de Kreisstraat 3, de von Hammoh kummt un twischen Düünbeudel un Haddörp an de Bundsstraat 73 ranlöppt. Lüttjere Straten gaht direkt na Düünbeudel un Haddörp un na Himmelpoorten.
Footnoten[ännern | Bornkood ännern]
- ↑ http://www.denkmalprojekt.org/2008/hammah-mittelsdorf_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 410
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142
- ↑ http://www.gemeindeverzeichnis.de/gem1900/gem1900.htm?hannover/stade.htm
- ↑ a b c http://www.verwaltungsgeschichte.de/stade.html