Markus-Kark (Stood)

Vun Wikipedia
Zur Navigation springen Zur Suche springen

De Markus-Kark is en evangeelsch-luthersche Kark in’n Stadtdeel Hahl von Stood (Karkenkreis Stood). Ehren Naam hett se von’n Evangelist Markus.

De Markuskark vun Noorden

De Kark steiht in’n Lerchenweg. Dat Rebeed, dat de Karkengemeen von de Markus-Kark billt, hett vörher to dat Kaspel von de Cosmae-Kark höört.

In Hahl hebbt kort na’n Tweten Weltkrieg en Barg Minschen in Baracken leevt. Ünner annern weer Theodor Zöckler mit Lüüd ut sien Zöcklerische Anstalten ut Galizien na Stood kamen. För de Lüüd, de dor nu leevt hebbt - dor weren veel ole Lüüd mank - hebbt se in de Barack Renate denn Goddsdeensten fiert. 1954 is dat Rebeed denn en egen Parrbezirk binnen dat Kaspel worrn. Kort nadem 1959 de Pastoor Bernhard Thomas sien Amt in dissen Parrbezirk övernahmen hett, hett de Karkenvörstand von de Cosmae-Kark beslaten, dat in Hahl en ne’e Kark boot warrn schull. Plaant hett de Kark de Architekt Horst Fischer ut Hamborg. De Grundsteen is denn an’n 6. Dezember 1963 leggt worrn. An’n 5. September 1965 is de ne’e Kark denn von Landssupperndent Hans Hoyer inweiht worrn un dor is denn en egen Karkengemeen von worrn.

De grote Klock wiggt 890 kg. De Kark hett en ümbooten Ruum von 5860 Kubikmeter.

Pastoorn[ännern | Bornkood ännern]

  • 1959-: Bernhard Thomas
  • opstunns: Volker Dieterich-Domröse
  • -31. Juli 2018: Christian Berndt
  • Oktober 2019-: Jan Wutkewicz
  • 1. August 2016-31. Juli 2019: Dominik Wolff

Kaspel[ännern | Bornkood ännern]

To de Karkengemeen höört de Öörd Wiepenkathen (mit Parlbarg), Wittenmoor, Hahl, Haddörp un dat Rebeed üm’n Swarten Barg.

De Naverkaspels sünd de Cosmae-Kark in’n Noordoosten, de Johannis-Kark in’n Oosten, Mulsen in’n Süden, Olendörp in’n Westen un Himmelpoorten in’n Noordwesten.

Weblenken[ännern | Bornkood ännern]

Commons-logo.svg Markuskark (Stood). Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 36′ N, 9° 26′ O