Villah
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21714 | |
| Vörwahl: | 04144 | |
| Geograafsche Laag: | Koordinaten:53° 37′ N, 9° 25′ O53° 37′ N, 9° 25′ O | |
|
| ||
Villah (hoochdüütsch Villah) is en lütten Oort in de Gemeen Hammoh in’n Landkreis Stood, Neddersassen.
Geografie
[ännern | Bornkood ännern]Villah liggt an’n Süüdrand von dat Kedener Moor op en lüttje Geestinsel hen na de Stoder Geest. Dat Water ut dat Rebeed flütt över de Haschenfleter Wettern af.
De Naveröörd sünd Ritschermoor un Aßlermoor in’n Noorden, Bützfletermoor un Stodermoor in’n Noordoosten, Schölisch, Bockhorst, Hogenwedel un Hahl in’n Süüdoosten, Steernbarg un Haddörp in’n Süden, Middelsdörp in’n Süüdwesten, Hammoh in’n Westen un Groot-Steernbarg in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Stood in’n Kanton Stood höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to dat Amt Stood-Gothenborg tohöört un denn von 1859 bet 1885 to dat Amt Himmelpoorten. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.
In de Midd von dat 19. Johrhunnert is ut de Hööv Hahl, Steernbarg, Villah un Bockhorst de Gemeen Eenstellige Hööv billt worrn. De hett bet to’n 1. Oktober 1938 bestahn. An den Dag is Villah in de Gemeen Groot-Steernbarg wesselt un Hahl, Steernbarg un Bockhorst sünd Deel von de Gemeen Stood worrn.
De Oort is an’n 1. Juli 1972 as Deel von Groot-Steernbarg mit de Gemeenreform in Neddersassen an de Gemeen Hammoh kamen.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 2 Füürsteden |
| 1848[2] | 28 Lüüd, 5 Hüüs |
| 1. Dezember 1871[3] | 16 Lüüd, 3 Hüüs |
Religion
[ännern | Bornkood ännern]Villah is evangeelsch-luthersch präägt un höört to dat Kaspel von de Wilhadi-Kark in Stood.
För de Kathoolschen is de Hillig-Geist-Kark in Stood tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]An Villah langs löppt de Kreisstraat 80, de in’n Noordwesten na Groot-Steernbarg an de K 3 geiht un in’n Oosten na Stodermoor an de K 27. De K 3 geiht von Groot-Steernbarg na Süden över Hammoh an de Bundsstraat 73 ran un de K 27 löppt över de K 31 na Stood.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so ölven Kilometer in’n Süüdoosten von Villah.
De nächste Bahnhoff is so bi söss Kilometer wied weg in’n Süüdwesten de Bahnhoff Hammoh an de Nedderelvbahn.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 235: https://books.google.de/books?id=jN5QAAAAcAAJ&pg=PA235
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=RA2-PA143