Groot-Steernbarg

Vun Wikipedia
Zur Navigation springen Zur Suche springen
Wapen/Flagg Koort

Wapen vun Groot-Steernbarg

Groot-Steernbarg
Laag vun Groot-Steernbarg in Düütschland
Basisdaten
Bundsland: Neddersassen
Landkreis: Stood
Samtgemeen: Olendörp-Himmelpoorten
Gemeen: Hammoh
Inwahners:
Postleettall: 21714
Vörwahl: 04144
Geograafsche Laag:
Koordinaten:53° 38′ N, 9° 22′ O
53° 38′ N, 9° 22′ O

Hünengraff in Groot-Steernbarg

Groot-Steernbarg (hoochdüütsch Groß Sterneberg) is en Dörp in de Gemeen Hammoh (Samtgemeen Olendörp-Himmelpoorten) in’n Landkreis Stood, Neddersassen.

Geografie[ännern | Bornkood ännern]

Groot-Steernbarg liggt an de Süüdkant von dat Kedener Moor. Twischen Groot-Steernbarg un Stodermoor liggt de Roodslamm-Deponie von dat AOS-Wark in Bützfleet.

Dat Water ut dat Rebeed flütt in’n Noorden över den Borgbeekkanaal af un in’n Oosten över de Haschenfleter Wettern.

Historie[ännern | Bornkood ännern]

In Groot-Steernbarg gifft dat Hünengräver ut de Vörtied, de Stellbargen. De Oort sülvs is aver eerst 1892 as Moorkolonie op 742 Hektar un as Stratendörp grünnt worrn. Dat hett toeerst Hoochmoor heten[1], un 1905 sien hüdigen Naam kregen. De Stellbargen sünd ok eerst 1913 ut dat Moor opdükert, as dat entwässerte Moor tohoopsackt is. De Boden is in de eerste 14 Johr na 1892 üm 2,95 Meter sackt.

An’n 1. Oktober 1938 is de Hoff Lütt-Villah, de vörher to de Gemeen Eenstellige Hööv tohöört hett, Deel von de Gemeen Groot-Steernbarg worrn.

Siet de Gemeenreform in Neddersassen 1972 is Groot-Steernbarg Deel von de Gemeen Hammoh.

An’n 10. Juli 1984 is in Groot-Steernbarg en F-104 Starfighter von de Bundswehr mit en utfullen Motoor dalkamen un in en Buurhuus stört. Dree Lüüd sünd dorbi doodbleven un twee Lüüd sünd swoor verletzt worrn[2][3]. Den Piloot is nix passeert.

Inwahnertall[ännern | Bornkood ännern]

Johr Inwahners
1910-12-011. Dezember 1910[1] 175
1925-00-001925[4] 213
1933-00-001933[4] 245
1939-00-001939[4] 282

Religion[ännern | Bornkood ännern]

Groot-Steernbarg is evangeelsch-luthersch präägt un höört to dat Kaspel von de Marienkark in Himmelpoorten.

För de Kathoolschen is de Hillig-Geist-Kark in Stood tostännig.

Verkehr[ännern | Bornkood ännern]

Groot-Steernbarg is över lüttjere Straten mit Stodermoor in’n Oosten, Hammoh in’n Süden, Ritschermoor in’n Noorden un in’n Westen de Öörd Hammohermoor, Borg un Engelschopp verbunnen.

Footnoten[ännern | Bornkood ännern]

  1. a b http://www.gemeindeverzeichnis.de/gem1900/gem1900.htm?hannover/stade.htm
  2. http://www.spiegel.de/spiegel/print/d-13509036.html
  3. http://www.angelikaseibel.de/stade1.htm
  4. a b c http://www.verwaltungsgeschichte.de/stade.html