Hammohermoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21710 | |
| Vörwahl: | 04144 | |
| Geograafsche Laag: | Koordinaten:53° 39′ N, 9° 21′ O53° 39′ N, 9° 21′ O | |
|
| ||
Hammohermoor (hoochdüütsch Hammahermoor) is en lütt Dörp in de Gemeen Engelschopp (Samtgemeen Olendörp-Himmelpoorten) in’n Landkreis Stood, Neddersassen.
Geografie
[ännern | Bornkood ännern]De Oort liggt in dat Moor an’n Rand von de Masch von de Oost hen na de Stoder Geest. Dat Water ut dat Rebeed flütt över’n Borgbeekkanaal af.
De Naveröörd sünd Waterkroog in’n Noorden, Ritschermoor in’n Noordoosten, Groot-Steernbarg un Hammoh in’n Süüdoosten, Borg un Ossenpohl in’n Süüdwesten, dat Vörwark von Neeland in’n Westen un Engelschopp in’n Noordwesten.
Historie
[ännern | Bornkood ännern]Hammohermoor is as Moorsiedlung grünnt worrn un weer bet in dat 20. Johrhunnert en egen Gemeen, bet dat denn mit de Gemeen Engelschopp tohoopleggt worrn is.
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Hammoh in’n Kanton Himmelpoorten höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Himmelpoorten in’n Kanton Himmelpoorten.
Vör 1885 weer dat Dörp Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn, de 1932 mit de Kreise Jörk un Keden to’n hüdigen Kreis Stood tohoopgahn is.
In’n Eersten Weltkrieg is een Soldaat ut Hammohermoor fullen oder vermisst un in’n Tweten söss Lüüd.[1]
Inwahnertall
[ännern | Bornkood ännern]| Johr | Inwahners |
|---|---|
| 1824[2] | 8 Füürsteden |
| 1848[3] | 61 Lüüd, 10 Hüüs |
| 1. Dezember 1871[4] | 68 Lüüd, 13 Hüüs |
| 1. Dezember 1885[5] | 58 Lüüd, 12 Hüüs |
| 1. Dezember 1905[6] | 52 Lüüd, 11 Hüüs |
| 1. Dezember 1910[7] | 42 |
Religion
[ännern | Bornkood ännern]Hammohermoor is evangeelsch-luthersch präägt un höört to dat Kaspel von de Marienkark in Himmelpoorten. Bet 1794 hett de Oort to dat Kaspel von de Martinskark in Olendörp tohöört.
För de Kathoolschen is de Hillig-Geist-Kark in Stood tostännig.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Himmelpoorten.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]De Oort liggt an de Kreisstraat 63, de in’n Westen mit de K 62 verbunnen is, de na Engelschopp un Himmelpoorten geiht. In’n Oosten geiht de K 63 an de K 3, de in’n Noordwesten na Ritschermoor un in’n Süüdwesten na Groot-Steernbarg löppt.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 17 Kilometer in’n Süüdoosten von Hammohermoor an de B 73.
De nächsten Bahnhööv sünd in Himmelpoorten (wat so bi veer Kilometer weg is) un Hammoh (so bi fiev Kilometer weg) an de Nedderelvbahn von Cuxhoben na Hamborg.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 238
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 151
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160
- ↑ Inwahnertallen op gemeindeverzeichnis.de
