Mairie Himmelpoorten
De Mairie Himmelpoorten weer in de Franzosentied (1810 bet 1813) een von de veer Mairien, in de de Kanton Himmelpoorten indeelt weer. De Seet weer in Himmelpoorten. Se harr 2635 Inwahners.[1]
Historie
[ännern | Bornkood ännern]De Ümgegend von Himmelpoorten hett vör de Franzosentied to dat Amt Himmelpoorten in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Himmelpoorten een von de negen Mairien in’n Kanton Himmelpoorten von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Himmelpoorten weer nu een von de veer Mairien in’n Kanton Himmelpoorten, Distrikt Stood, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de fiev Mairien Himmelpoorten, Bredenwisch, Öölm, Gröpel un Hammoh (all fiev in’n Kanton Himmelpoorten) höört harrn. De Mairie Hammoh is aver nich kumplett an de Mairie Himmelpoorten gahn. De annern Öörd sünd in de Mairie Stood wesselt.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd
[ännern | Bornkood ännern]Dor hebbt düsse Öörd tohöört:
- Kaiserriek Frankriek:[1]
- Himmelpoorten, Ramels, Ossenpohl, Löh, Kuhla (tohoop 526 Inwahners)
- Hammoh, Hammohermoor, Middelsdörp, Düünbeudel, Schregenmoor, Haddörp (351 Inwahners)
- Bredenwisch, Engelschopp (680 Inwahners)
- Öölm, Willah, Gröpel, Schierel, Esdörp, Möhl in Esdörp, Vörhoorn, Forst, Brobargen, Beeß, Huud (1078 Inwahners)
Vondaag sünd düsse Öörd Deel von de Samtgemeen Olendörp-Himmelpoorten. Blots Öölm mit Schierel un Vörhoorn höört to de Stadt Bremervöör un Haddörp to de Stadt Stood.
Footnoten
[ännern | Bornkood ännern]- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 64
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 8