Esdörp (Landkreis Stood)

Vun Wikipedia
Wapen/Flagg Koort

Wapen vun Esdörp

Esdörp
Laag vun Esdörp in Düütschland
Basisdaten
Bundsland: Neddersassen
Landkreis: Stood
Samtgemeen: Olendörp-Himmelpoorten
Gemeen: Esdörp
Inwahners: 610 (2012-01-011. Januar 2012)
Postleettall: 21727
Vörwahl: 04140
Geograafsche Laag:
Koordinaten:53° 35′ N, 9° 12′ O
53° 35′ N, 9° 12′ O

Karte

Esdörp is en Dörp in de Gemeen Esdörp in de Samtgemeen Olendörp-Himmelpoorten. Dat liggt in’n Landkreis Stood in Neddersassen.

Geografie[ännern | Bornkood ännern]

Dat Dörp liggt in’n Westen vun’n Landkreis Stood. In’n Noorden grenzt Esdörp an de Dörper Brobargen un Kronenborg. In’n Oosten liggt Olendörp, in’n Süden Beeß un Öölm un in’n Westen Gröpel un Schönau.

Dat Water ut Esdörp flütt över Gröpeler Möhlenbeek un Wiemelken na de Oost hen af.

Historie[ännern | Bornkood ännern]

Toeerst in de Oorkunnen dükert Esdörp 1111 ünner den Naam Esgkesthorp op.[1]

Vör 1885 weer dat Dörp Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.

1972 bi de Gemeenreform in Neddersassen is Esdörp mit de Gemenen Gröpel un Beeß to de ne’e Gemeen Esdörp tohoopfaat worrn.

Inwahnertall[ännern | Bornkood ännern]

Johr Inwahners
1824-00-001824[2] 46 Füürsteden
1848-00-001848[3] 367 Lüüd, 72 Hüüs
1871-12-011. Dezember 1871[4] 517 Lüüd, 81 Hüüs
1910-12-011. Dezember 1910[5] 526
1925-00-001925[6] 509
1933-00-001933[6] 525
1939-00-001939[6] 499
1961-06-066. Juni 1961[7] 671
1970-05-2727. Mai 1970[8] 589
2002-12-3131. Dezember 2002 657
2006-00-002006 674
2012-01-011. Januar 2012[9] 610

Religion[ännern | Bornkood ännern]

Esdörp is evangeelsch-luthersch präägt un höört to dat Kaspel Olendörp.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Wapen[ännern | Bornkood ännern]

Dat Wapen wiest op grönen Grund en sülvern afhaut Boomstamm mit twee Aststümp op jede Sied.

De Stamm kummt ut dat Wapen vun de ehmaligen Herren von Esdörp.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Esdörp is 1936 grünnt worrn un de Sportvereen MTV Esdörp 1926.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Esdörp löppt de Landsstraat 114, de bi Himmelpoorten an de Bundsstraat 73 rangeiht, de denn na Stood un Hamborg wiederföhrt. Bi Öölm hett de L 114 Ansluss an de Bundsstraat 74 na Bremervöör. Lüttjere Straten gaht na Brobargen un Gröpel.

De nächste Bahnhoff is in Himmelpoorten an de Nedderelvbahn von Cuxhoben na Hamborg, wat so bi teihn Kilometer weg is.

Scholen[ännern | Bornkood ännern]

Esdörp hett mit de Grundschool Esdörp en egen Grundschool. Op Haupt- un Realschool gaht de Schölers na dat Schoolzentrum Olendörp un op Gymnasium na de Vincent-Lübeck-School in Stood oder na dat Gymnasium Bremervöör.

Ünnernehmens[ännern | Bornkood ännern]

In de Straat Wietstruk harr de Volksbank Freenbeek-Olendörp en Filiaal, de 2016 aver dichtmaakt hett.

Versorgung[ännern | Bornkood ännern]

Dat Afwater warrt siet September 1991 in dat Klärwark Gröpel klärt.[10]

Literatur[ännern | Bornkood ännern]

  • Friedrich Holst: Grupilinga und die Töchter, die Geschichte der Gemeinde Estorf. 1981

Footnoten[ännern | Bornkood ännern]

  1. Hamburgisches Urkundenbuch. Band 1, Perthes-Besser, 1842, Sied 125
  2. C. H. Jansen: Statistisches Handbuch des Königreichs Hannover. 1824, Sied 176: http://books.google.de/books?id=tG0AAAAAcAAJ&pg=PA176
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142
  5. http://www.gemeindeverzeichnis.de/gem1900/gem1900.htm?hannover/stade.htm
  6. a b c http://www.verwaltungsgeschichte.de/stade.html
  7. Zensus 1961
  8. Zensus 1970
  9. http://www.samtgemeinde-oldendorf.de/estorf.html
  10. http://www.twv-staderland.de/de/aeo/gebiet.html