Schönau

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Olendörp-Himmelpoorten Gemeen: Esdörp
Inwahners:
Postleettall:	21727
Vörwahl:	04140
Geograafsche Laag:	53° 35′ N, 9° 10′ O

Schönau (hoochdüütsch Schönau) is en lütten Oort in de Gemeen Esdörp in’n Landkreis Stood, Neddersassen. Dat liggt op dat rechte Över von de Oost.

Geografie

Schönau liggt op’n Rand von en Geestsporn, de hier bet dicht an de Oost stött.

De Naveröörd sünd Brobargen in’n Noordoosten, Esdörp in’n Süüdoosten, Gröpel in’n Süden un Oostendörp in’n Westen op de annere Sied von de Oost (wat to’n Landkreis Rodenborg höört).

Historie

Verwaltungsgeschicht

Schönau höört von öllers al to Gröpel mit to un weer keen egen Gemeen. An’n 1. Juli 1972 is Schönau tohoop mit Gröpel Deel von de Gemeen Esdörp worrn.

Vör 1885 weer Schönau Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.

Inwahnertall

Johr	Inwahners
1824-00-001824	1 Füürsteed
1848-00-001848	11 Lüüd, 1 Huus
1871-12-011. Dezember 1871	11 Lüüd, 2 Hüüs

Religion

Schönau is evangeelsch-luthersch präägt un höört to dat Kaspel von de Martinskark in Olendörp.

Weertschop un Infrastruktur

Verkehr

Schönau liggt an en Blangenstraat von de Kreisstraat 82, de in’n Noordoosten över Brobargen, Kronenborg un Blomendol na Burweg an de Bundsstraat 73 ran löppt un in’n Süüdwesten dör Gröpel na de Landsstraat 114 geiht. Över lüttjere Straten is Schönau ok mit Esdörp verbunnen.

De nächste Bahnhoff is de Bahnhoff Himmelpoorten an de Nedderelvbahn von Cuxhoben na Hamborg, wat so bi 13 Kilometer weg is.

Scholen

De Schoolkinner gaht na de Grundschool Esdörp. Na Haupt- oder Realschool köönt se denn na dat Schoolzentrum Olendörp gahn oder op’t Gymnasium in Stood (Vincent-Lübeck-Gymnasium) oder in Bremervöör (Gymnasium Bremervöör).