Gemeen Esdörp

Vun Wikipedia
Wapen/Flagg Koort

Wapen vun Esdörp Flagg vun Esdörp

Esdörp
Laag vun Esdörp in Düütschland
Basisdaten
Samtgemeen: Olendörp-Himmelpoorten
Landkreis: Stood
Bundsland: Neddersassen
Flach: 29,42 km²
Inwahners: 1489 (31. Dezember 2022)
Hööchd: 12 m över de See
Postleettall: 21727
Vörwahl: 04140
Geograafsche Laag:
Koordinaten:53° 35′ N, 9° 12′ O
53° 35′ N, 9° 12′ O
Grenzen bi OSM: 445789 445789
Gemeenslötel: 03 3 59 016
Öörd in de Gemeen: 3
Börgermeester: Hans-Werner Hinck
Websteed: www.samtgemeinde-oldendorf.de
Koort
Kreis
Karte
Balje (Neddersassen)Krummendiek (Neddersassen)Freiborg (Elv)ÖderquartGemeen WischhobenGemeen DrochtersGrootweurnGemeen EngelschoppHammahDüünbeudelGemeen HimmelpoortenGemeen BurwegGemeen KronenborgGemeen EsdörpOlendörpGemeen HeinbockelGemeen StoodDeinstGemeen FreenbeekGemeen KutenhultGemeen JörkGemeen BuxthuGemeen ObbensGemeen BeekdörpGemeen SounsiekGemeen OhlersGemeen BrestBargstGemeen HarsfeldNottensdörpBliersdörpHornborgDollernGothenborgLandkreis StoodNeddersassenLandkreis CuxhobenLandkreis RodenborgLandkreis HorborgHamborgSleswig-HolsteenSleswig-HolsteenGreundiekMittelskarkNeekark (Olland)GauderhandviddelSteenkark (Olland)Hullern-Twielenfleth
Laag von de Gemeen Gemeen Esdörp in’n Landkreis Stood (Koort lett sik anklicken)

Esdörp is ene Gemeen in de Samtgemeen Olendörp-Himmelpoorten. Dat liggt in’n Landkreis Stood in Neddersassen. Se hett 1489 Inwahners (Stand 31. Dezember 2022).

To de Gemeen höört de dree Dörper Esdörp, Gröpel un Beeß.

Inwahners hebbt de Öörd (Stand 1. Oktober 2010):

  • Esdörp: 628 Inwahners (mit’n Böötz)
  • Gröpel: 667 Inwahners (mit Schönau)
  • Beeß: 147 Inwahners (tohoop mit Forst un Huud)

Geografie[ännern | Bornkood ännern]

De Gemeen liggt in’n Westen von’n Landkreis Stood an de Oost. In’n Noorden grenzt se an de Gemeen Kronenborg mit dat Dörp Brobargen. In’n Oosten liggt de Olendörp.

In’n Süden un Westen liggt de Dörper Öölmerheid, Öölm, Neer-Ochenhusen, Ottendörp un Oostendörp, de all to de Gemeen Bremervöör höört. Bi Oostendörp reckt de Gemeen mit de Feldmark vun Gröpel as eenzig Rebeet in’n Landkreis blangen en Deel vun Brobargen op dat linke Siet vun de Oost.

Historie[ännern | Bornkood ännern]

De Gemeen Esdörp is tostann kamen as 1972 bi de Gemeenreform in Neddersassen de Gemenen Esdörp, Gröpel un Beeß tohoopleggt worrn sünd. Dorbi is denn ok de Samtgemeen Olendörp grünnt worrn, to de Esdörp tohöört hett. Disse Samtgemeen harr Bestand bet to’n 1. Januar 2014, as de Samtgemeen Olendörp mit de Samtgemeen Himmelpoorten to de Samtgemeen Olendörp-Himmelpoorten tohoopgahn is.

Inwahnertall[ännern | Bornkood ännern]

Johr 2002 2006 2010
Inwahners 1508 1531 1442

Politik[ännern | Bornkood ännern]

Gemeenraad[ännern | Bornkood ännern]

Gemeenraad
Johr \ Partei Tall CDU SPD WG BGE
2001 11 3 3 5
2006 11 4 4 3
2011 11 4 5 2
2016 11 11
Liddmaten
  • 2016:
    BGE: Dennis Buck, Holger Buck, Andreas Duhn, Hans-Werner Hinck, Marga Hoops, Klaus Günter Lührs, Viktor Pusswald, Hermann Rademacker, Andreas Rausche, Jörg Schlesselmann (in’n Dezember 2017 rut, för em is Hans-Jakob Tiedemann narückt), Günter Sommerfeld

Börgermeesters[ännern | Bornkood ännern]

Naam Tied
Hans-Werner Hinck vör 2002 bet nu

Wapen[ännern | Bornkood ännern]

Dat Wapen von de Gemeen Esdörp hett de Gemeenraad an’n 21. September 1973 beslaten un is den 17. Dezember 1973 von’n Regerungspräsident in Stood genehmigt worrn.

Dat Wapen wiest vörn op gröön en sülvern afhaut Boomstamm mit twee Aststümp op jede Sied, de mit de Spitz na buten wiest. Achtern is op sülvern Grund en gröön Grapen mit twee sülvern Bannen afbillt. Över’n Grapen sünd twee gröne, krüüzte Peerköpp, de na buten kiekt.

De Stamm kummt ut dat Wapen vun de ehmaligen Herren von Esdörp. Dat Motiv stammt ut dat Wapen vun dat Dörp Esdörp.

De Grapen is en Symbol för Gröpel, dat den Grapen ok in’t Wapen hett.

De krüüzten Peerköpp staht för Beeß un siene Neddersassenhüüs.

De Flagg von de Gemeen is baven gröön un ünnen sülvern un wiest in de Midd dat Wapen.

Weertschop[ännern | Bornkood ännern]

Verkehr[ännern | Bornkood ännern]

Dör Esdörp löppt de Landsstraat 114, de bi Himmelpoorten an de Bundsstraat 73 rangeiht, de denn na Stood un Hamborg wiederföhrt. Bi Öölm hett de L 114 Ansluss an de Bundsstraat 74 na Bremervöör. Vun Gröpel ut geiht de Kreisstraat 82 na Brobargen. Verkehr mit de linke Sied vun de Oost is blot in’n Sommer över de lütte Gröpler Prahmfähr mööglich oder ans över de faste Brüch över de Oost in Bremervöör.

Scholen[ännern | Bornkood ännern]

Esdörp hett de Grundschool Esdörp. Op Haupt- un Realschool gaht de Schölers na dat Schoolzentrum Olendörp un op Gymnasium na de Vincent-Lübeck-School in Stood. Fröher harr ok Gröpel en Grundschool, de denn later en Deel vun de Esdörper Grundschool weer un de dat nu gornich mehr gifft. Dor is nu en Kinnergoorn binnen.

Literatur[ännern | Bornkood ännern]

  • Friedrich Holst: Grupilinga und die Töchter, die Geschichte der Gemeinde Estorf. 1981

Weblenken[ännern | Bornkood ännern]

Gemeen Esdörp. Mehr Biller, Videos oder Audiodateien to’t Thema gifft dat bi Wikimedia Commons.

Footnoten[ännern | Bornkood ännern]