Öölmerheid

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Öölmerheid
Laag vun Öölmerheid in Düütschland
Basisdaten
Bundsland: Neddersassen
Landkreis: Rodenborg
Gemeen: Bremervöör
Inwahners:
Postleettall: 27432
Vörwahl: 04761
Geograafsche Laag:
Koordinaten:53° 32′ N, 9° 15′ O
53° 32′ N, 9° 15′ O

Öölmerheid (hoochdüütsch Elmerheide) is en lütten Oort in de Gemeen Bremervöör in’n Landkreis Rodenborg, Neddersassen. Binnen de Gemeen höört de Oort to de polietsche Oortschop Öölm.

Geografie[ännern | Bornkood ännern]

De Oort liggt op de Stoder Geest. In’n Noorden liggt dat Hoge Moor, dat ok en Naturschuulrebeed is. Dat Water ut dat Rebeed flütt in’n Süden un Oosten över Gravens na de Swing hen af un in’n Westen un Noorden över de Seebeek na de Oost.

De Naveröörd sünd de Böötz un Kaken in’n Noorden, Siedlung Olendörp un Hogenoh in’n Noordoosten, Willah un Willahermoor in’n Oosten, Mulsen, Grööndörp un Schierel in’n Süüdoosten, Hogenmoor in’n Süden, Vörhoorn un Öölm in’n Süüdwesten un Beeß un Forst in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett fröher to’n Landkreis Bremervöör höört un is 1977 Deel von’n Landkreis Rodenborg worrn.

De Oort hett fröher to de Gemeen Öölm tohöört, de an’n 1. März 1974 mit de Gemeenreform in Neddersassen Deel von de Gemeen Bremervöör worrn is. Sietdem höört de Oort binnen de Gemeen to de Oortschop Öölm, de en egen Oortsraad un Oortsbörgermeester hett.

Inwahnertall[ännern | Bornkood ännern]

Johr Inwahners
1905-12-011. Dezember 1905[1] 25 Lüüd. 5 Hüüs

Religion[ännern | Bornkood ännern]

Öölmerheid is evangeelsch-luthersch präägt un höört to dat Kaspel von de Paul-Gerhardt-Kark in Öölm. Bevör düsse Kark egenstännig worrn is, hett de Oort to dat Kaspel von de Petrus-Kark in Mulsen höört.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur[ännern | Bornkood ännern]

För Öölmerheid is de freewillige Füürwehr Öölm mit tostännig.

Verkehr[ännern | Bornkood ännern]

Dör Öölmerheid löppt de Bundsstraat 74, de in’n Noordoosten över Hogenoh un Wiepenkathen na Stood geiht un in’n Süüdwesten över Öölm na Bremervöör.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 19 Kilometer in’n Noordoosten von Öölmerheid an de B 73.

De nächste Bahnhoff is so bi teihn Kilometer wied weg in’n Süüdwesten de Bahnhoff Bremervöör an de Bahnlien Bremerhoben–Buxthu.

Footnoten[ännern | Bornkood ännern]

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 22