Hogenoh

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Olendörp-Himmelpoorten Gemeen: Heinbockel
Inwahners:	679 (2013-01-011. Januar 2013)
Postleettall:	21726
Vörwahl:	04149
Geograafsche Laag:	53° 33′ N, 9° 20′ O

Hogenoh (hoochdüütsch Hagenah) is en Dörp mit 679 Inwahners (Stand 2013) in de Gemeen Heinbockel (Samtgemeen Olendörp-Himmelpoorten). Dat liggt in’n Landkreis Stood in Neddersassen. An’n Süüdrand vun Hogenoh flütt de Swing langs.

Geografie

Hogenoh liggt op de Stoder Geest.

De Naveröörd sünd Heinbockel in’n Noorden, Wittenmoor in’n Noordoosten, Swing in’n Oosten, Freenbeek in’n Süüdoosten, Mulsen in’n Süden un Willah, Grööndörp un Öölmerheid in’n Westen.

Historie

Een von de öllsten Nawiesen för Minschen in de Ümgegend von Hogenoh, is de Steenkist von Hogenoh, de ut de Bronztied (üm un bi 1500-1250 v. Chr.) stammt.

Vör 1885 weer dat Dörp Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.

An’n 1. Juli 1972 is de Gemeen mit de Gemeenreform in Neddersassen to de Gemeen Heinbockel kamen.

In’n Eersten Weltkrieg sünd 23 Soldaten ut Hogenoh fullen oder vermisst un in’n Tweten Weltkrieg 22.

Inwahnertall

Johr	Inwahners
1824-00-001824	15 Füürsteden
1848-00-001848	254 Lüüd, 34 Hüüs
1871-12-011. Dezember 1871	272 Lüüd, 35 Hüüs
1890-00-001890	315
1910-12-011. Dezember 1910	324
1925-00-001925	315
1933-00-001933	359
1939-00-001939	313
2005-00-002005	730
2010-07-011. Juli 2010	689

Religion

Hogenoh is evangeelsch-luthersch präägt un höört to dat Kaspel Olendörp.

Kultur

En Denkmaal för de Fullenen ut de twee Weltkrieg’ steiht in Hogenoh op’n Karkhoff. Blangen de Fullenen ut Heinbockel sülvs is dat Denkmaal ok för fiev Lüüd dor, de ut de Oostrebeden kemen un de-ehr Familien na’n Tweten Weltkrieg as Verdrevene in Heinbockel ünnerkamen sünd.

Verenen

Hogenoh hett en egene freewillige Füürwehr. De Füürwehr is för en ganz Enn von de Bundsstraat 74 tostännig un hett dorüm veel mit Unfäll to doon.

In de Johren 1970 weer de Füürwehr mit een Fohrtüüg un twee Anhängers utrüst. Een Anhänger mit Reedschoppen för Füür un een för technische Hülp. 1987 hett de Füürwehr en Löschgruppenfohrtüüg von’n Typ LF 8 kregen, dat mit Reedschoppen för de technische Hülp utrüst weer. 2014 hett de Wehr en ne’en Wagen von’n Typ HLF 10 kregen (Kösten 196.000 Euro). Dat Füürwehrhuus is 2006 bet 2008 kumplett neet boot worrn.

De TSV Hogenoh speelt in de 2. Fuustball-Bundsliga Noord (Mannslüüd un Froonslüüd).

Weertschop un Infrastruktur

Verkehr

Hogenoh liggt an de Bundsstraat 74 na Bremervöör un Stood. Na Heinbockel in’n Noorden löppt de Kreisstraat 57. Lüttjere Straten gaht ans na Olendörp un Mulsen.

De nächste Autobahn is de Autobahn 26 (Afsnidd Stood–Hamborg). De Anfang von disse Autobahn in Stood (Opfohrt 2 Stood-Süüd) liggt so 14 Kilometer in’n Oosten von Hogenoh. De Opfohrt 47 Zittens op de Autobahn 1 (Afsnidd Hamborg–Bremen) liggt 38 Kilometer in’n Süüdoosten.

De nächste Bahnhoff is in Hammah an de Nedderelvbahn von Cuxhoben na Hamborg, wat so bi teihn Kilometer weg is.

Scholen

En egen School hett Hogenoh nich mehr, bloot noch en egen Kinnergoorn. Op Haupt- un Realschool gaht de Kinner na dat Schoolzentrum Olendörp, op Gymnasium na de Vincent-Lübeck-School in Stood.

Infrastruktur

Dat Afwater warrt in dat Klärwark Olendörp klärt.

Lüüd

De Maler Karl Dönselmann is 1902 as Söhn von’n Schoolmeester in Hogenoh boren.

Literatur

• Bernhard Hellweeg, Friedrich Holst: Hügelgräber, Dörfer und Höfe. Die Geschichte der Dörfer Heinbockel und Hagenah. Dammann, Bliersdörp 1989