Freenbeek

Vun Wikipedia
Zur Navigation springen Zur Suche springen
Wapen/Flagg Koort

Wapen vun Freenbeek

Freenbeek
Laag vun Freenbeek in Düütschland
Basisdaten
Bundsland: Neddersassen
Landkreis: Stood
Samtgemeen: Freenbeek
Gemeen: Freenbeek
Inwahners:
Postleettall: 21717
Vörwahl: 04149
Geograafsche Laag:
Koordinaten:53° 31′ N, 9° 24′ O
53° 31′ N, 9° 24′ O
Watermöhl in Freenbeek

Freenbeck (hoochdüütsch Fredenbeck) is de Hauptoort von de Gemeen Freenbeek in de Samtgemeen Freenbeek, Landkreis Stood, Neddersassen.

De beiden Öörd Groot Freenbeek un Lüttjen Freenbeek weren noch bet to de Kommunalreform in Neddersassen 1972 twee egenstännige Gemenen, warrt vondaag aver mehrstendeels as een Oort opfaat, ofschoonst dat Daal von’n Möhlenbeek de beiden Oortsdelen noch jümmer rüümlich trennt.

Geografie[ännern | Bornkood ännern]

De Oort liggt op de Stoder Geest. Dat Water ut dat Rebeed flütt över’n Möhlenbeek na de Swing hen af. Dat Daal von’n Möhlenbeek billt deelwies dat Naturschuulrebeed Freenbeker Möhlenbeek. In’n Oosten liggt ok noch dat Naturschuulrebeed Deinster Möhlenbeek.

De Naveröörd sünd Wiepenkathen in’n Noorden, Hagen in’n Noordoosten, Deinst un Helmst in’n Oosten, Lünenspecken, Frankenmoor un Wehl in’n Süden, Bokel un Kutenhult in’n Süüdwesten, Mulsen in’n Westen un Hogenoh un Swing in’n Noordwesten.

Historie[ännern | Bornkood ännern]

Freenbeek kummt 1255 as Vreddebecke dat eerste Maal in de Oorkunnen vör.

Religion[ännern | Bornkood ännern]

Freenbeek is evangeelsch-luthersch präägt un billt mit de Martin-Luther-Kark en egen Kaspel. De Kark is 1960/1961 boot worrn. Vörher hett de Oort to dat Kaspel von de Primus-Kark in Bargst höört.

Von 1968 bet 2003 harr Freenbeek mit de Lukas-Kark ok en kathoolsche Kark. De Kark is denn dichtmaakt worrn, üm Geld to sporen. Vondaag höört Freenbeek to de Karkengemeen von de Hillig-Geist-Kark in Stood. En annere kathoolsche Kark in de Ümgegend is de Michael-Kark in Harsfeld.

Kultur un wat to bekieken is[ännern | Bornkood ännern]

Sport[ännern | Bornkood ännern]

De Spood von de Handballmannschopen vun den örtlichen Sportvereen VfL Freenbeek hett Freenbeek in Düütschland bekannt mookt.

Verenen[ännern | Bornkood ännern]

De Freewillige Füürwehr von Lüttjen Freenbeek is an’n 20. Juli 1935 grünnt worrn un de von Groot Freenbeek an’n 31. Juli 1935. De beiden Füürwehrn sünd an’n 1. Juni 2003 denn tohoopleggt worrn.

Weertschop un Infrastruktur[ännern | Bornkood ännern]

Freenbeek gellt na dat Regionale Ruumordnungsprogramm as Grundzentrum för de Öörd in de Ümgegend.

Ünnernehmens[ännern | Bornkood ännern]

In Freenbeek in de Hauptstraat 5 is de Seet von de Volksbank Freenbeek-Olendörp. De Kreisspoorkass Stood hett in de Bahnhoffstraat 2 en Filiaal.

Scholen[ännern | Bornkood ännern]

In Freenbeek gifft dat de Grundschool Freenbeek un as Oberschool de Geestlandschool.

Weblenken[ännern | Bornkood ännern]