Kutenhult
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Hööchd: | 24 m över NN | |
| Postleettall: | 27449 | |
| Vörwahl: | 04762 | |
| Geograafsche Laag: | Koordinaten:53° 29′ N, 9° 19′ O53° 29′ N, 9° 19′ O | |
|
| ||
Kutenhult (hoochdüütsch Kutenholz) is de Hauptoort von de Gemeen Kutenhult in de Samtgemeen Freenbeek, Landkreis Stood, Neddersassen.
De lüttje Oort Bullenholt höört al von öllers bi Kutenholt mit bi.
Geografie
[ännern | Bornkood ännern]Kutenhult liggt op de Stoder Geest. Fröher geev dat veel Woold un Hochmoor in dit Rebeet. En Deel is erholen, dat Mehrste is nu för de Bueree.
De Naveröörd von Kutenhult sünd Freenbeek un Wehl in’n Noordoosten, Frankenmoor in’n Oosten, Aasp in’n Süüdoosten, Baast in’n Süden, Byhusen in’n Süüdwesten, Heesdörp un Sprakel in’n Westen, Eßel un Tinst in’n Noordwesten un Mulsen in’n Noorden.
Historie
[ännern | Bornkood ännern]Dat eerste Mool is de Oort in’n Johr 1313 as Cvtenholte beneumt worrn.
An’t Enn von’n Tweten Weltkrieg kemen en Barg britsche Panzers von de 7. Panzerdivision von Brest her dör Kutenhult. Twee von de Sherman-Panzers sünd an’n 30. un 31. April 1945 dör von Hand utlööste Minen in de Luft gahn. Dör sünd söven oder acht britsche Soldaten bi doodbleven.[1]
In’n Eersten Weltkrieg sünd 42 Soldaten ut Kutenhult fullen oder vermisst un in’n Tweten 95 Lüüd.[2]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Kutenhult in’n Kanton Harsfeld höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Ohlers in’n Kanton Hornborg.
Vör 1852 weer dat Dörp in de Böörd Mulsen binnen dat Amt Harsfeld. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.
Soors is an’n 1. Januar 1929 Deel von de Gemeen Kutenhult worrn. Mit de Gemeenreform in Neddersassen an’n 1. Juli 1972 sünd de Gemenen Kutenhult, Aasp, Eßel un Mulsen to de Gemeen Kutenhult tohoopleggt worrn.
De Gemeen Kutenhult weer toletzt in de Tied vör 1972 Deel von de Samtgemeen Kutenhult. 1972 is de Samtgemeen Kutenhult oplööst worrn un de Gemeen keem an de Samtgemeen Freenbeek.
Inwahnertall
[ännern | Bornkood ännern]| Johr | Inwahners |
|---|---|
| 1791[3] | 25 Füürsteden |
| 1824[4] | 31 Füürsteden |
| 1848[5] | 443 Lüüd, 79 Hüüs* |
| 1. Dezember 1871[6] | 466 Lüüd, 81 Hüüs |
| 1. Dezember 1885[7] | 419 Lüüd, 84 Hüüs |
| 1. Dezember 1905[8] | 566 Lüüd, 94 Hüüs |
| 1. Dezember 1910[9] | 623* |
| 1925[10] | 656* |
| 1933[10] | 719* |
| 1939[10] | 747* |
- * mit Bullenholt
Religion
[ännern | Bornkood ännern]Kutenhult is evangeelsch-luthersch präägt un höört to dat Kaspel von de Petrus-Kark in Mulsen.
För de Kathoolschen weer von 1968 bet 2003 de Lukas-Kark in Freenbeek tostännig. De Kark is denn dichtmaakt worrn, üm Geld to sporen. Vondaag höört de Oort to de Karkengemeen von de Hillig-Geist-Kark in Stood. En annere kathoolsche Kark in de Ümgegend is de Michael-Kark in Harsfeld.
Börgermeesters
[ännern | Bornkood ännern]- -1945: Diedrich Fitschen
- 1956-30. Juni 1972: Klaus Schmetjen (CDU)
Wapen
[ännern | Bornkood ännern]
Dat Wapen vun den Oort Kutenhult wiest en sülvern Eek mit fiev gollen Eckern up roden Grund. Dit Wapen hett de Raad von de Gemeen Kutenhult an’n 5. November 1947 beslaten.
Kultur un wat to bekieken is
[ännern | Bornkood ännern]- Heimatvereen
- Heimathuus „Op de Heidloh“
- „Peter Kors sin olet Huus“
In Kutenhult warrt jümmer an’n Sünnavend vör’n eersten Advent bi dat Heimathuus Wiehnachtsmarkt fiert.
Verenen
[ännern | Bornkood ännern]De Schüttenvereen Kutenhult is 1951 grünnt worrn un de Sportvereen VfL Kutenhult 1906.
Weertschop un Infrastruktur
[ännern | Bornkood ännern]De Ansluss mit elektrischen Stroom wöör in de Johren 1921/1922.
De Freewillige Füürwehr is in’n Mai 1933 grünnt worrn. Vörher harr de Oort en Plichtfüürwehr. 2017/2018 hett de Füürwehr en ne’en Anbo för dat Sprüttenhuus kregen mit ünner annern en ne’e Fohrtüüghall mit dree Stellplätz. De Kösten sünd 1,1 Milljonen Euro.[11]
Verkehr
[ännern | Bornkood ännern]Kutenhult hett över de Landsstraat 123 Ansluss över Heesdörp na Bremervöör in’n Westen un an de Bundsstraat 73 in Hornborg in’n Oosten, de wiederföhrt no Stood, Buxthu un Hamborg. Von de L 123 gaht de Kreisstraten K 42, K 70 un K 2 af. De K 42 geiht in’n Süüdwesten över Soors, Byhusen, Malst un Deins na de Bundsstraat 71. De K 2 föhrt von Bullenholt in’n Noorden na Mulsen un denn bi Hogenoh an de B 74. Un de K 70 löppt in’n Noordoosten na Freenbeek.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 20 Kilometer in’n Noordoosten von Kutenhult an de L 111.
De Oort hett mit’n Bahnhoff Kutenhult en egen Bahnhoff an de Bahnlien Bremerhoben–Buxthu, de knapp twee Kilometer in’n Süden von dat Zentrum von Kutenhult liggt.
Ünnernehmens
[ännern | Bornkood ännern]In de Schoolstraat 12 hett de Volksbank Freenbeek-Olendörp en Filiaal un in de Hauptstraat 13 de Kreisspoorkass Stood.
Gröttste Arbeitgever is de RPC Verpackung Kutenhult mit en Produkschoon för Plastikbuddels.
Scholen
[ännern | Bornkood ännern]In Kutenhult is een von de twee Standöörd von de Grundschool Kutenhult-Mulsen.
Lüüd
[ännern | Bornkood ännern]Ut Kutenhult stammt de Schriever Hinnerk Braasch, de hier 1878 boren is. De Politiker Klaus Schmetjen is 1919 in Kutenhult boren un de Politikerin Petra Tiemann 1958.
Literatur
[ännern | Bornkood ännern]- Heinz Hauschild: Kutenholz mit den Ortsteilen Aspe und Essel - früher und heute. 1983
Footnoten
[ännern | Bornkood ännern]- ↑ Hans-Lothar Kordländer: Wem gehört die Stahlplatte?, Stader Tageblatt an’n 25. Juni 2014
- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 34
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 348
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 134
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 152
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
- ↑ Moderner Gerätehaus-Anbau für 1,1 Millionen Euro. Wochenblatt an’n 6. September 2017, Sied 14
Weblenken
[ännern | Bornkood ännern]- Websteed von’n Heimatvereen Kutenhult (hoochdüütsch)
Balje | Bargst | Beekdörp | Bliersdörp | Brest | Burweg | Buxthu | Deinst | Dollern | Drochters | Düünbeudel | Engelschopp | Esdörp | Freenbeek | Freiborg | Gauderhandviddel | Gothenborg | Greundiek | Grootweurn | Hammoh | Harsfeld | Heinbockel | Himmelpoorten | Hornborg | Hullern-Twielenfleth | Jörk | Kronenborg | Krummendiek | Kutenhult | Mittelskark | Neekark | Nottensdörp | Obbens | Oederquart | Ohlers | Olendörp | Sounsiek | Steenkark | Stood | Wischhoben