Sprakel

Dit Woort hett noch annere Bedüden: kiek dorför ünner Spraokel.

Wapen/Flagg

Koort

Basisdaten

27446

04284

Sprakel (hoochdüütsch Sprakel) is en lütten Oort in de Gemeen Annerlingen (Samtgemeen Sürsen) in’n Landkreis Rodenborg, Neddersassen.

De Oort höört von öllers bi Grafel mit bi.

Geografie

De Oort liggt op de Zevener Geest. Dat Water ut dat Rebeed flütt över Gravens un den Fehrenbroker Beek na de Twiest hen af.

De Naveröörd sünd Mojenhoop, Grafel un Fehrenbrook in’n Noordoosten, Viehbrook un Wens in’n Süüdoosten, Tzassenholt in’n Süden, Annerlingen in’n Süüdwesten un Winnershusen un Ohrel in’n Noordwesten.

De Oort weer fröher in’n Kreis Bremervöör. 1977 is de Oort Deel von’n Landkreis Rodenborg worrn.

De Oort hett von öllers to de Gemeen Grafel höört, de mit de Gemeenreform in Neddersassen an’n 1. März 1974 Deel von de Gemeen Annerlingen worrn is.

Sprakel is evangeelsch-luthersch präägt un höört to dat Kaspel von de Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

För Sprakel is de freewillige Füürwehr Grafel mit tostännig.

An Sprakel langs löppt de Kreisstraat 109, de in’n Noorden na Fehrenbrook, Farm un Soors geiht un in’n Süüdwesten na Annerlingen, Haßel un Sürsen an de Bundsstraat 71. De B 71 wedder löppt in’n Noorden na Bremervöör un in’n Süden na Zeven un Rodenborg.

De nächste Autobahn is de Autobahn 1 (Afsnidd Hamborg–Bremen). De Opfohrt 48 Elsdörp liggt so 21 Kilometer in’n Süden von Sprakel an de L 131 un de Opfohrt 47 Zittens so 22 Kilometer in’n Süüdoosten an de L 130.

De nächsten Bahnhööv sünd so bi ölven Kilometer wied weg in’n Noorden de Bahnhööv Kutenhult un Brest-Aasp an de Bahnlien Bremerhoben–Buxthu.

Dieter Borchers: Dorfchronik der Dörfer Grafel, Fehrenbruch, Winderswohlde, Mojenhop, Sprakel. 2002