Haßel (Gemeen Sürsen)
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 8,26 km² | |
| Inwahners: | ||
| Postleettall: | 27446 | |
| Vörwahl: | 04284 | |
| Geograafsche Laag: | Koordinaten:53° 22′ N, 9° 14′ O53° 22′ N, 9° 14′ O | |
|
| ||
Haßel (hoochdüütsch Haaßel) is en Dörp in de Gemeen Sürsen in’n Landkreis Rodenborg, Neddersassen. Bi Haßel höört von öllers ok Twistenbossel mit bi.
Geografie
[ännern | Bornkood ännern]In’n Süden von Haßel hett de Sürser Beek sien Born.
De Naveröörd sünd Deins un Rohr in’n Noorden, Ohrel in’n Noordoosten, Annerlingen in’n Oosten, Twistenbossel in’n Süüdoosten, Seedörp in’n Süden un Sürsen in’n Westen.
Historie
[ännern | Bornkood ännern]In’n Eersten Weltkrieg sünd söven Soldaten ut Haßel fullen oder vermisst un in’n Tweten Weltkrieg 18[1]. Bi Sürsen gifft dat ok noch en Kriegsgräversteed, op de dree russ’sche un een serbschen Soldaten begraven liggt.
Haßel is an’n 1. März 1974 mit de Gemeenreform in Neddersassen Deel von de Gemeen Sürsen worrn. De Gemeen Haßel weer von 1965 bet 1974 Deel von de Samtgemeen Sürsen. De is 1974 oplööst worrn un dor is de ne’e un gröttere Samtgemeen Sürsen billt worrn, to de de Oort sietdem tohöört.
Inwahnertall
[ännern | Bornkood ännern]| Johr | Inwahners |
|---|---|
| 1824[2] | 6 Füürsteden |
| 1848[3] | 130 Lüüd, 23 Hüüs |
| 1. Dezember 1910[4] | 144 |
| 1925[5] | 168 |
| 1933[5] | 193 |
| 1939[5] | 184 |
Religion
[ännern | Bornkood ännern]Haßel is evangeelsch-luthersch präägt un höört to dat Kaspel von de St.-Lamberti-Kark in Sürsen.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Kultur
[ännern | Bornkood ännern]In’t Dörp steiht en Denkmaal för de Fullenen ut de twee Weltkrieg’.
Haßel hett 1989 bi’n Weddstried Uns Dörp schall schöner warrn en Goldmedallj wunnen.
Infrastruktur
[ännern | Bornkood ännern]Verkehr
[ännern | Bornkood ännern]Haßel liggt an de Kreisstraat 109, de in’n Oosten na Annerlingen löppt un in’n Westen in Sürsen an de Bundsstraat 71 rangeiht. Lüttjere Straten gifft dat ans na Twistenbossel un Seedörp.
Von 1908 bet 1968 hett dat in Sürsen en Bahnhoff an de Bahnlien Bremervöör–Wasra geven. Vondaag sünd de nächsten Bahnhööv an de Bahnlien Buxthu-Bremerhoben, de so teihn Kilometer in’n Noorden langslöppt.
Footnoten
[ännern | Bornkood ännern]- ↑ http://www.denkmalprojekt.org/2009/haassel_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 250: http://books.google.de/books?id=tG0AAAAAcAAJ&pg=PA250
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ a b c http://www.verwaltungsgeschichte.de/bremervoerde.html
