Rohr (Gemeen Deins)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Rohr
Laag vun Rohr in Düütschland
Basisdaten
Bundsland: Neddersassen
Landkreis: Rodenborg
Samtgemeen: Sürsen
Gemeen: Deins
Inwahners:
Postleettall: 27446
Vörwahl: 04284
Geograafsche Laag:
Koordinaten:53° 23′ N, 9° 14′ O
53° 23′ N, 9° 14′ O

Rohr (hoochdüütsch Rohr) is en lütten Oort in de Gemeen Deins (Samtgemeen Sürsen) in’n Landkreis Rodenborg, Neddersassen. De Oort höört polietsch al von öllers bi Deins mit bi. Vondaag warrt mehrstendeels ok de Hoff Rugenbarg un en poor annere Hööv mit to Rohr tellt.

Geografie[ännern | Bornkood ännern]

En poor hunnert Meter in’n Süden flütt de Duxbeek langs.

De Naveröörd sünd de Hoff Rugenbarg, Hastenbeek, Ölkershusen un Hogenfeld in’n Noordoosten, Winnershusen un Ohrel in’n Oosten, Annerlingen in’n Süüdoosten, Haßel in’n Süden, Sürsen un Parnwinkel in’n Süüdwesten un Deins in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Sürsen in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Böörd Sürsen in dat Amt Zeven tohöört un is denn Deel von dat Amt Bremervöör worrn. Na 1885 weer dat in’n Kreis Bremervöör un na 1932 in’n ne’en, grötteren Kreis Bremervöör. 1977 is dat Deel von’n Landkreis Rodenborg worrn.

Rohr hett von öllers to de Gemeen Deins tohöört. Von 1967 bet 1974 hett de Gemeen Deins to de ole Samtgemeen Sürsen tohöört. De is an’n 1. März 1974 mit de Gemeenreform in Neddersassen oplööst worrn. Sietdem höört dat Rebeed to de gröttere Gemeen Deins in de gröttere Samtgemeen Sürsen.

Inwahnertall[ännern | Bornkood ännern]

Johr Inwahners
1793-00-001793[1] 2 Füürsteden
1824-00-001824[2] 1 Füürsteed
1848-00-001848[3] 12 Lüüd. 1 Huus
1871-12-011. Dezember 1871[4] 9 Lüüd. 1 Huus

Religion[ännern | Bornkood ännern]

Rohr is evangeelsch-luthersch präägt un höört to dat Kaspel von de Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Rohr liggt an en Blangenstraat von de Bundsstraat 71, de in’n Noordwesten över Bevern na Bremervöör geiht un dor Ansluss an de Bundsstraten 74 un 495 hett. In’n Süüdoosten geiht de B 71 över Sürsen na Zeven un Rodenborg. Ans is Rohr ok an de Kreisstraat 118 in Ohrel anbunnen un an de K 108 in Deins.

De nächste Autobahn is de Autobahn 1. De Opfohrt 48 Elsdörp liggt so 22 Kilometer in’n Süüdoosten von Rohr.

De nächsten Bahnhööv sünd so bi 13 Kilometer wied weg in’n Noorden/Noordoosten de Bahnhoff Heesdörp un de Bahnhoff Kutenhult an de Bahnlien Bremerhoben–Buxthu. Fröher hett dat in de Neegd ok Bahnhööv an de Bahnlien Bremervöör–Wasra geven. Dat weren de Bahnhoff Deins veer Kilometer in’n Noordwesten un de Bahnhoff Sürsen veer Kilometer in’n Süüdwesten. Dor hett dat von 1890 bet 1968 Personenverkehr geven.

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 194: https://books.google.de/books?id=jN5QAAAAcAAJ&pg=PA194
  2. C. H. Jansen: Statistisches Handbuch des Königreichs Hannover. 1824, Sied 516: http://books.google.de/books?id=tG0AAAAAcAAJ&pg=PA516
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144: https://books.google.de/books?id=qTZDAQAAMAAJ&pg=RA2-PA144