Winnershusen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27446 | |
| Vörwahl: | 04284 | |
| Geograafsche Laag: | Koordinaten:53° 24′ N, 9° 17′ O53° 24′ N, 9° 17′ O | |
|
| ||
Winnershusen (hoochdüütsch Windershusen) is en lütten Oort in de Gemeen Annerlingen (Samtgemeen Sürsen) in’n Landkreis Rodenborg, Neddersassen. De Oort höört polietsch al von öllers bi Ohrel mit bi.
Geografie
[ännern | Bornkood ännern]Winnershusen liggt an dat linke Över von’n Duxbeek.
De Naveröörd sünd Malst in’n Noorden, Ohrel in’n Noordoosten, Grafel un Mojenhoop in’n Oosten, Annerlingen in’n Süüdoosten, Haßel, Sürsen un Parnwinkel in’n Süüdwesten un Rohr un de Hoff Rugenbarg, Deins un Ölkershusen in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Sürsen in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Böörd Sürsen in dat Amt Zeven tohöört un is denn Deel von dat Amt Bremervöör worrn. Na 1885 weer dat in’n Kreis Bremervöör un na 1932 in’n ne’en, grötteren Kreis Bremervöör. 1977 is dat Deel von’n Landkreis Rodenborg worrn.
De Oort is an’n 1. März 1974 as Deel von de Gemeen Ohrel mit de Gemeenreform in Neddersassen an de Gemeen Annerlingen kamen.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 1 Füürsteed |
| 1824[2] | 1 Füürsteed |
| 1848[3] | 17 Lüüd, 3 Hüüs |
| 1. Dezember 1871[4] | 9 Lüüd, 1 Huus |
Religion
[ännern | Bornkood ännern]Winnershusen is evangeelsch-luthersch präägt un höört to dat Kaspel von de St.-Lamberti-Kark in Sürsen.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Winnershusen liggt an de Kreisstraat 118, de in’n Süüdwesten na Sürsen an de Bundsstraat 71 geiht un in’n Noorden an de K 122 na Farm un Malst. Von de K 118 in Ohrel geiht de K 110 na Annerlingen af.
De nächste Autobahn is de Autobahn 1 (Afsnidd Hamborg–Bremen). De Opfohrten 48 Elsdörp un 47 Zittens doot so 24 Kilometer in’n Süüdoosten von Winnershusen liggen.
De nächste Bahnhoff is so bi ölven Kilometer wied weg in’n Noordoosten de Bahnhoff Kutenhult an de Bahnlien Bremerhoben–Buxthu. Fröher hett dat in de Neegd ok en Bahnhoff an de Bahnlien Bremervöör–Wasra geven. Dat weer de Bahnhoff Sürsen söss Kilometer in’n Süüdwesten. Dor hett dat von 1890 bet 1968 Personenverkehr geven.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 252: https://books.google.de/books?id=jN5QAAAAcAAJ&pg=PA252
- ↑ C. H. Jansen: Statistisches Handbuch des Königreichs Hannover. 1824, Sied 670: http://books.google.de/books?id=tG0AAAAAcAAJ&pg=PA670
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 145: https://books.google.de/books?id=qTZDAQAAMAAJ&pg=RA2-PA145