Bahnhoff Kutenhult
De Bahnhoff Kutenhult is en Bahnhoff mit een Gleis bi dat Dörp Kutenhult. De Bahnhoff liggt an de Bahnlien Bremerhoben–Buxthu un höört to’n HVV.
He liggt in’n Süüdwesten von Kutenhult an de Lange Straat (K 42).
Historie[ännern | Bornkood ännern]
1902 is de Bahnlien Bremervöör–Bookholt boot worrn, de in Bremervöör an de Bahnlien Bremerhoben–Stood anslaten hett. To de Tied is ok de Bahnhoff Kutenhult inricht worrn. De Personenverkehr twüschen Bremervöör un Bookholt is to’n 26. Mai 1968 instellt worrn. Dat hett denn en ganze Tied an’n Bahnhoff Kutenhult keen Personenverkehr mehr geven.
Nadem de Iesenbahnen un Verkehrsbedrieven Elv-Werser (EVB) 1993 mit de Buxthu-Harsfeller Iesenbahn tohoopgahn is, hett de EVB an’n 26. September 1993 den Fohrplaan ümstellt. Vörher sünd se von Bremerhoben na Stood föhrt. Nu kunnen se von Bremerhoben över Buxthu direkt na Neegraven (mit Ansluss an de Lien S 3 von de S-Bahn Hamborg) föhren. Nadem de Lien S 3 to’n Winterfohrplaan 2007/2008 bet na Stood verlängert worrn is, is de EVB nich mehr bet na Neegraven föhrt. Dat Enn von de Lien (mit Övergang na de S 3) weer nu Buxthu.
De Afkörten in dat Bahnamtliche Betriebsstellenverzeichnis is AKTH[1] un de Internatschonale Bahnhoffsnummer 619342.
De Bahnhoff hett een Bahnstieg, dat is en Siedenbahnstieg op de Noordsied. De Park&Ride-Anlaag hett acht Parkplätz för Autos un de Bike&Ride-Stellplatz 20 Plätz för Fohrrääd.[2]
Personenverkehr[ännern | Bornkood ännern]
| Bedriever | Öörd | KBS | Takt |
|---|---|---|---|
| EVB | Buxthu – Obbens – Ruschwedel – Harsfeld – Bargst – Brest-Aasp – Kutenhult – Heesdörp – Bremervöör – Örel – Op de Hööv – Frellsdorp – Geestenseth – Wehdel – Sellst – Wulsdörp – Bremerhoben Hauptbahnhoff | KBS 122 | elk Stünn |
Footnoten[ännern | Bornkood ännern]
- ↑ Übersicht der Betriebsstellen und deren Abkürzungen aus der Richtlinie 100, dbnetze.com
- ↑ Bahnhoff Kutenhult bi evb.de
Koordinaten:53° 28′ N, 9° 19′ O