Bahnhoff Harsfeld

Vun Wikipedia
Zur Navigation springen Zur Suche springen

De Bahnhoff Harsfeld is en Bahnhoff mit twee Gleise in’n Oort Harsfeld. De Bahnhoff liggt an de Bahnlien Bremerhoben–Buxthu. De Bahnhoff höört to’n HVV.

He liggt in’n Süüdwesten von’n Oort an de Eck von Landsstraat 124 un Kreisstraat 26n.

Historie[ännern | Bornkood ännern]

1902 hett de Bahnlien Bremervöör–Bookholt apenmaakt, de in Bremervöör an de Bahnlien Bremerhoben–Stood anslaten hett. Dor is denn ok de eerste Bahnhoff boot worrn.

An’n 19. Dezember 1928 hett de Buxthu-Harsfeller Iesenbahn de Bahnlien Buxthu–Harsfeld apenmaakt.

De Personenverkehr twüschen Bremervöör un Bookholt is an’n 26. Mai 1968 instellt worrn un de Personenverkehr twüschen Buxthu un Harsfeld an’n 31. Mai 1969.

Nadem de Iesenbahnen un Verkehrsbedrieven Elv-Werser (EVB) 1993 mit de Buxthu-Harsfeller Iesenbahn tohoopgahn is, hett de EVB an’n 26. September 1993 sien Fohrplaan ümstellt. Vörher sünd se von Bremerhoben na Stood föhrt. Nu kunnen se von Bremerhoben över Buxthu direkt na Neegraven (mit Ansluss an de Lien S3 von de S-Bahn Hamborg) föhren. Siet disse Tied warrt dat as Bahnlien Bremerhoben–Buxthu bedreven. Nadem de Lien S3 to’n Winterfohrplaan 2007/2008 bet na Stood verlängert worrn is, is de EVB nich mehr bet na Neegraven föhrt. Dat Enn von de Lien (mit Övergang na de S3) weer nu Buxthu.

De Afkörten in dat Bahnamtliche Betriebsstellenverzeichnis is AHFD[1] un de Internatschonale Bahnhoffsnummer 614574.

De Bahnstieg an Gleis 1 is Huus- un Siedenbahnstieg, de von Gleis 2 en Middelbahnstieg. De Park&Ride-Anlaag hett 30 Parkplätz för Autos un de Bike&Ride-Stellplatz üm un bi 65 Plätz för Fohrrääd.[2]

Personenverkehr[ännern | Bornkood ännern]

Bedriever Öörd KBS Takt
EVB BuxthuObbensRuschwedelHarsfeldBargstBrest-AaspKutenhultHeesdörpBremervöörÖrelOp de HöövFrellsdorpGeestensethWehdelSellstWulsdörpBremerhoben Hauptbahnhoff KBS 122 elk Stünn

Footnoten[ännern | Bornkood ännern]

  1. Übersicht der Betriebsstellen und deren Abkürzungen aus der Richtlinie 100, dbnetze.com
  2. Bahnhoff Harsfeld bi evb.de


Koordinaten:53° 27′ N, 9° 30′ O