Bahnhoff Heesdörp

Vun Wikipedia

De Bahnhoff Heesdörp is en Bahnhoff bi dat Dörp Heesdörp. De Bahnhoff liggt an de Bahnlienen Bremerhoben–Buxthu un Bremerhoben–Stood. Ok de Museumsbahn von’n Moorexpress, de twüschen Stood un Bremen föhrt, höllt in Heesdörp. De Moorexpress föhrt blots veer Maal an’n Dag an Wekenennen un Fierdaag.

De Bahnhoff liggt in’n Noorden von Heesdörp an de Horner Straat.

Historie[ännern | Bornkood ännern]

1898 is de Bahnlien Bremerhoben–Stood boot worrn. To de Tied is ok de Bahnhoff Heesdörp inricht worrn. Tosätzlich is 1902 de Bahnlien Bremervöör–Bookholt anleggt worrn, de in Bremervöör an de Bahnlien Bremerhoben–Stood anslaten weer. De Lien von Bremervöör na Bookholt is to’n 26. Mai 1968 instellt worrn. Dat hett denn blots noch Verkehr von Bremerhoben na Stood geven.

Nadem de Iesenbahnen un Verkehrsbedrieven Elv-Werser (EVB) 1993 mit de Buxthu-Harsfeller Iesenbahn tohoopgahn is, hett de EVB an’n 26. September 1993 den Fohrplaan ümstellt. Nu kunnen se von Bremerhoben över Buxthu direkt na Neegraven (mit Ansluss an de Lien S 3 von de S-Bahn Hamborg) föhren. Nadem de Lien S 3 to’n Winterfohrplaan 2007/2008 bet na Stood verlängert worrn is, is de EVB nich mehr bet na Neegraven föhrt. Dat Enn von de Lien (mit Övergang na de S 3) weer nu Buxthu.

1936 is in’t Horner Holt in’n Noorden von Heesdörp de Muna Heesdörp anleggt worrn. Na disse Militäranlaag gifft dat Siedengleis, dat in’n Bahnhoff Heesdörp aftwiegt. De beiden Lienen na Stood un na Buxthu loopt so bi een Kilometer in’n Oosten von’n Bahnhoff Heesdörp uteneen.

De Afkörten in dat Bahnamtliche Betriebsstellenverzeichnis is AHOF[1] un de Internatschonale Bahnhoffsnummer 617818.

De Bahnhoff hett dree Gleise mit twee Middelbahnstiegen dor twüschen. Dat gifft keen Park&Ride-Anlaag för Autos, aver en Bike&Ride-Stellplatz mit 20 Plätz för Fohrrääd.[2]

Dat Bahnhoffsgebüüd warrt siet 2005 ok as Atelier von Tetjus Tügel junior bruukt, den Söhn von Otto Tetjus Tügel.

Personenverkehr[ännern | Bornkood ännern]

Bedriever Öörd KBS Takt
EVB BuxthuObbensRuschwedelHarsfeldBargstBrest-AaspKutenhultHeesdörpBremervöörÖrelOp de HöövFrellsdorpGeestensethWehdelSellstWulsdörpBremerhoben Hauptbahnhoff KBS 122 elk Stünn
EVB BremenBorgHu’eOosterholt-Scharmbeek – Ohrensfeld – Worpsweed – Nee Sankt Jürgen – Huttenbusch – Oostersood – Noordsood – Gnarrenborg – Gnarrenborg-Noord – Brillit – Basdaal – Barchel – BremervöörHeesdörp – Eßel – Mulsen-Eßel – Freenbeek – Deinst – Hagen – Stood Museumsbahn Moorexpress an Wekenennen un fierdaags

Footnoten[ännern | Bornkood ännern]

  1. Übersicht der Betriebsstellen und deren Abkürzungen aus der Richtlinie 100, dbnetze.com
  2. Bahnhoff Heesdörp bi evb.de


Koordinaten:53° 28′ N, 9° 12′ O