Moorexpress

Vun Wikipedia
Oosterholt-Scharmbeck–Stood
Moorexpress an’n Bahnhoff Worpsweed
Moorexpress an’n Bahnhoff Worpsweed
Moorexpress an’n Bahnhoff Worpsweed
Kursbookstreck (DB):12121, ex 217b (Bremervöör–Stood)
ex 217f (Bremervöör–Oosterholt)
Streckennummer:1260 Bremervöör–Stood
9132 Bremervöör–Oosterholt
Spoorwiedt:1435 mm (Normalspoor)
Hööchstgeswinnigkeit:60 km/h
Streck – liekut
Bahnlien Bremen–Bremerhoben
Bahnhoff, Station
Oosterholt-Scharmbeek
   
na Bremerhoben
Bahnhoff, Station
47,8 Oosterholt-Scharmbeek Oost
Haltepunkt, Haltesteed
45,6 Ahrensfeld
Haltepunkt, Haltesteed
43,3 Nee Kamerun siet 1932
   
Hamm
Haltepunkt, Haltesteed
40,5 Weyermoor
Bahnhoff, Station
38,5 Worpsweed
   
36,8 Weyerdelen-Umbeek
Bahnhoff, Station
33,6 Nee St. Jürgen
Bahnhoff, Station
31,7 Huttenbusch
Haltepunkt, Haltesteed
29,3 Heudorp-Huttendorp
Haltepunkt, Haltesteed
26,8 Oostersood
Haltepunkt, Haltesteed
24,9 Noordsood siet 1922
Haltepunkt, Haltesteed
20,8 Korlshöben
Bahnhoff, Station
18,7 Gnarrenborg
Haltepunkt, Haltesteed
17,2 Gnarrenborg Noord
Haltepunkt, Haltesteed
14,8 Brillit
   
10,8 Basdaal Kluust
Haltepunkt, Haltesteed
7,9 Barchel
Haltepunkt, Haltesteed
5,8 Örel
   
Bremervöör Süüd fröher Ennpunkt
   
von Bremerhoben
Bahnhoff, Station
0,0
36,1
Bremervöör
   
Oost
   
na Wasra
Bahnhoff, Station
40,0
0,0
Heesdörp
   
na Buxthu
Haltepunkt, Haltesteed
5,5 Eßel
Bahnhoff, Station
8,1 Mulsen-Eßel
Bahnhoff, Station
14,4 Freenbeek
Bahnhoff, Station
18,1 Deinst
Streck – liekut
Düütsch Feld- un Lüttbahnmuseum
Haltepunkt, Haltesteed
20,4 Hagen
   
Nedderelvbahn von Hamborg
Bahnhoff, Station
25,6 Stood
Streck – liekut
na Cuxhoben

De Moorexpress is en Iesenbahnlien in’t Elv-Werser-Dreeeck in’t nöördliche Neddersassen. De Bahn verkehrt op Normalspoor twüschen Stood un Bremen un juckelt dorbi över de Öörd Bremervöör, Gnarrenborg, Worpsweed un Oosterholt-Scharmbeck.

Daten un Tallen[ännern | Bornkood ännern]

De Bremervörer-Oosterholter Iesenbahn is dat Karnstück vun’n Moorexpress mit en Streckenläng vun 47,8 km. An’n 15. Oktober 1907 is de Sellschop „Lüttbahn Bremervöör-Oosterholt“ grünnt worrn, twee Johr dorop, an’n 23. Juni 1909 weer dat Deelstück vun Bremervöör bit na Gnarrenborg in Bedriev nahmen. Dat Deelstück vun Gnarrenborg wieter na Oosterholt-Scharmbeck weer an’n 9. Februar 1911 apen maakt. In’t Johr 1942 is de Naam vun de Sellschop ännert woorn na „Bremervörer-Oosterholter Iesenbahn“.

An’n 5. Oktober 1952 is op de Streck Stood-Bremervöör-Bremen en Gautogverbinnen inricht worrn. De hett enige Johrteihten op disse Lien Lüüd transporteert, man an’n 18. März 1978 weer de Personenverkehr instellt. Eerst an’n 1. Mai 2000 is in’n Rahmen vun en Wekenenn-Sünnerverkehr na de EXPO 2000 de Personenverkehr wedder opnahmen worrn. Toeerst is de „Moorexpress“ as denn wedder twüschen Stood un Oosterholt bedreven worrn. Siet den 29. April 2006 föhrt de Bahn ok wedder bit na Bremen in’n Rahmen vun en touristisch Projekt.

Fohrgasttallen
1928 1935 1938 1960 1965 1970
207.121 115.600 215.263 605.415 514.200 491.900

Historie[ännern | Bornkood ännern]

Bremervöör — Oosterholt[ännern | Bornkood ännern]

De nee grünnte „Lüttbahn Bremervöör-Oosterholt GmbH“ (KBO) güng af 1909 doran, dat noch to wiete Delen wille Düvelsmoor praat to maken, üm en 47,8 km lange Iesenbahnstreck to boen. De is in twee Afsnitten in Bedriev nahmen worrn. De eerste 1909 vun Bremervöör na Gnarrenborg, de tweete twee Johr later wieter bit na Oosterholt-Scharmbeck. De Tog fohr fiefmol an’n Dag af in Richt Bremervöör.

De Personenverkehr, de bit dorhen regelmatig dör de Bremervörer-Oosterholter Iesenbahn GmbH (BOE) aflööp, is an’n 18. März 1978 op de Streck instellt un op Busverkehr verlagert worrn. De lütte Göderverkehr is bit vundaag wietergahn, un de Personenverkehr besteiht nu wedder in Sünnerfohrten-Verkehr mit Fohrttüch vun de ehmolige Bremervörer-Oosterholter Iesenbahn un vun de DB an Wekenennen. Bedreven warrt de vun de Iesenbahnen un Verkehrsbedrieven Elv-Werser GmbH (EVB). Siet Mai 2006 geiht de Moorexpress vun Stood bit na Bremen.

Bremervöör — Stood[ännern | Bornkood ännern]

De Streck twüschen Bremervöör un Stood is an’n 1. Oktober 1898 as eerste Iesenbahnverbinnen na Bremervöör in Bedriev nahmen worrn. Se weer in’n Staatsbesitt un is jümmer vun de staatlichen Iesenbahnen bedreven worrn. An’n 27. September 1992 is disse Streck vun de EVB övernahmen worrn, man een Johr later weer de Verkehr instellt, vunwegen dat de anliggen Gemenen för den Personenverkehr keen Toschüss geven künnen. De Personentöög in Richt Bremerhoben fohrt siether över Harsfeld na Buxthu un to’n Deel wieter no Hamborg-Neegraven.

De Bedrievers un Anstöters vun den Moorexpress hebbt sik vörnahmen, nu dör den spoodriek inrichten Touristik-Verkehr op lange Sicht den Apentlichen Personen-Naverkehr (ÖPNV) in’n Elv-Werser-Ruum wedder op de Schien torüch to bringen. En wichtigen Schritt in disse Richt is maakt worrn, as de Landkreis Rodenborg (Wümm) de Streck nu in sien regional Ruumordenprogramm as en Projekt to’n Wedderingangbringen vun’n ÖPNV opnahmen hett.

Antokieken[ännern | Bornkood ännern]

De Bahnstreck is nich blots dör de Öörd bekannt worrn, de se verbinnen deit. Dorto hebbt ok de in’n Bedrievsmiddelpunkt liggen Oort Gnarrenborg bidragen, woneem in de Marienhütt lange Johren Glas maakt worrn is, dat in de hele Welt verschickt weer. Un ok de Künstlerkolonie Worpsweed an’n Foot vun’n Weyerbarg hett de Bahn düchtig bekannt maakt. De Künstler Heinrich Vogeler hett för vele vun de Bahnhöff langs de Bahnlien de Vörlaag maakt. De Bahnhoff vun Worpsweed is dat beste Bispeel dorför. In’n Bahnhoff vun Gnarrenborg kann een dat Gnarrenborger Glasmuseum bekieken, un in Deins steiht dat Düütsche Feld- un Lüttbahnmuseum. In Gnarrenborg sitt ok de Bremervörer-Oosterholter Iesenbahnfrünnen, de dor den ehmoligten Lokschuppen vun de BOE afwohrt un as Museum instandhollt.

Verkehrshenwiesen[ännern | Bornkood ännern]

  • In’n Moorexpress künnt ok Fahrrööd mitnahmen warrn.
  • De Fohrkorten för de Sünnerfohrten, de twüschen Mai un Oktober maakt warrt, künnt direkt bi’t Personal in’n Tog löst oder bi de öördlichen Touristik-Agenturen köfft warrn.
  • De Moorexpress-Verkehr heet sien eegen Fohrpriesen, he höört nich to den Verkehrsverbund Bremen-Neddersassen (VBN) un ok nich to den Hamborger Verkersverbund (HVV).
  • Dat gifft en Audioföhren vun Infotrail. Dormit kann sik de Fohrgast wiel de Fohrt öve en MP3-Speler Informatschonen un Geschichten över de Bahn un de Region anhören.

Literatur[ännern | Bornkood ännern]

  • Peter Elze, Karl-Robert Schütze: Der Moorexpress. Worpsweder Verlag, 2. Oplaag 1984
  • Dieter-Theodor Bohlmann: Die Eisenbahnen und Verkehrsbetriebe Elbe-Weser. Zeunert, Gifhorn 1984, ISBN 3-924335-51-6
  • Gerd Wolff: Deutsche Klein- und Privatbahnen Band 10: Niedersachsen 2. EK-Verlag, Freiburg 2007, ISBN 978-3-88255-669-8

Websteden[ännern | Bornkood ännern]