Oostersood
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27726 | |
| Vörwahl: | 04794 | |
| Geograafsche Laag: | Koordinaten:53° 19′ N, 8° 58′ O53° 19′ N, 8° 58′ O | |
|
| ||
Oostersood (hoochdüütsch Ostersode) is en Dörp in de Gemeen Worpsweed in’n Landkreis Oosterholt, Neddersassen.
Geografie
[ännern | Bornkood ännern]En poor hunnert Meter in’n Süden von Oostersood flütt de Rummeldeisbeek langs, de denn in’n Süüdwesten von dat Dörp in de Hamm münnt.
De Naveröörd sünd Noordsood in’n Noorden, Korlshöben un Glinst in’n Noordoosten, Hanst un Breddörp in’n Süüdoosten, Heudorp un Huttendorp in’n Süden, Bornrieh in’n Süüdwesten, Friedensheim un Vollerso in’n Westen un Giehlermoor un Meinershagen in’n Noordwesten.
Historie
[ännern | Bornkood ännern]Oostersood is 1760 as Moorkolonie un Stratendörp mit 25 Füürsteden in dat Düvelsmoor grünnt worrn.
De Windmöhl in Oostersood is 1852 boot worrn. De Windmöhl hett 1930 tosätzlich en Dampmaschien un later en Elektromotoor kregen.
In de Franzosentied von 1810 bet 1814 hett de Oort to de Mairie Gnarrenborg in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Hambargen von dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en, grötteren Kreis Oosterholt worrn.
1929 sünd Noordsood un Meinershagen Deel von de Gemeen Oostersood worrn.
De Oort is an’n 1. März 1974 Deel von de Gemeen Worpsweed worrn.
In’n Eersten Weltkrieg sünd 17 Soldaten ut Oostersood fullen oder vermisst un in’n Tweten Weltkrieg 27.[1]
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 25 Füürsteden |
| 1812[3] | 163 |
| 1824[4] | 25 Füürsteden |
| 1848[5] | 191 Lüüd, 25 Hüüs |
| 1. Dezember 1871[6] | 177 Lüüd, 25 Hüüs |
| 1. Dezember 1910[7] | 155 |
| 1925[8] | 174 |
| 1933[8] | 351 |
| 1939[8] | 321 |
Religion
[ännern | Bornkood ännern]Oostersood is evangeelsch-luthersch präägt un höört to dat Kaspel von de Kark in Huttenbusch. Bet 1790 hett dat to dat Kaspel von de Cosmae-un-Damiani-Kark in Hambargen tohöört un is denn in dat Kaspel von de Paulus-Kark in Gnarrenborg wesselt. Eerst later is de Oort noch wedder wesselt in dat Kaspel von de Zion-Kark op’n Weyerbarg un dor denn in dat Kaspel von de Filialkark in Huttenbusch kamen.
För de Kathoolschen gifft dat in Worpsweed de Maria-Freden-Kapell, de to de Goden-Hirt-Kark in Leendaal höört. De Goden-Hirt-Kark höört siet 1. September 2012 to de Karkengemeen von de Hillige-Familie-Kark in Oosterholt-Scharmbeek.
Dat Dörp hett keen egen Karkhoff. De Doden warrt op’n Karkhoff Huttenbusch begraven.
Kultur
[ännern | Bornkood ännern].jpg)
In Oostersood steiht en Denkmaal för de Fullenen ut de twee Weltkrieg’.
Verenen
[ännern | Bornkood ännern]Oostersood hett en egene freewillige Füürwehr, de 1943 grünnt worrn is, un en Schüttenvereen.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Oostersood liggt an de Landsstraat 165, de in’n Noordoosten na Korlshöben an de Landsstraat 122 ran geiht un in’n Süden över Huttenbusch na Weyerbarg. De L 165 warrt krüüzt von de Kreisstraat 19, de in’n Westen na Vollerso un in Wallhöben an de Bundsstraat 74 ran geiht un in’n Süüdoosten in’n Landkreis Rodenborg in de K 135 övergeiht un na Breddörp löppt.
De Opfohrt 16 Bremen-Noord op de Autobahn 27/270 liggt so 29 Kilometer in’n Süüdwesten von Oostersood.
De nächste Bahnhoff is so bi 14 Kilometer wied weg in’n Süüdwesten de Bahnhoff Olenbüttel an de Bahnlien Bremen–Bremerhoben. Von 1911 bet 1978 harr dat Dörp ok en egen Bahnhoff an de Bahnlien Stood–Oosterholt.
Footnoten
[ännern | Bornkood ännern]- ↑ http://www.denkmalprojekt.org/2008/worpswede-ostersode_wk1u2_ns.htm
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 178: https://books.google.de/books?id=jN5QAAAAcAAJ&pg=PA178
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 103: http://books.google.de/books?id=Q 5OAAAAcAAJ&pg=PA103
- ↑ C. H. Jansen: Statistisches Handbuch des Königreichs Hannover. 1824, Sied 564: http://books.google.de/books?id=tG0AAAAAcAAJ&pg=PA564
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156: https://books.google.de/books?id=qTZDAQAAMAAJ&pg=RA2-PA156
- ↑ http://www.gemeindeverzeichnis.de/gem1900/gem1900.htm?hannover/osterholz.htm
- ↑ a b c http://www.verwaltungsgeschichte.de/osterholz.html
Huttenbusch | Mevenst | Nee Sankt Jürgen | Oostersood | Slussdorp | Överhamm | Waakhusen | Worpsweed