Waakhusen
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 6,465 km² | |
| Inwahners: | 113 (31. Dezember 2010) | |
| Inwahnerdicht: | 17,5 Inwahners pro km² | |
| Hööchd: | 1 m över NN | |
| Postleettall: | 27726 | |
| Vörwahl: | 04792 | |
| Geograafsche Laag: | Koordinaten:53° 12′ N, 8° 52′ O53° 12′ N, 8° 52′ O | |
|
| ||
Waakhusen (hoochdüütsch Waakhausen) is en Dörp in de Gemeen Worpsweed in’n Landkreis Oosterholt, Neddersassen. Bi Waakhusen höört ok de Oort Viehland to.
Waakhusen billt tohoop mit Viehland ok en Oortschop binnen de Gemeen Worpsweed.
Geografie[ännern | Bornkood ännern]
Een Kilometer in’n Noordwesten flütt de Hamm langs. In’n Noordoosten geiht von de Hamm de Semkenfohrt af.
Waakhusen liggt op Moorgrund, de över en Ünnergrund ut Sand liggt. As dat Land fröher noch fakener överswemmt is, is dat fakener vörkamen, dat Water twüschen Sand un Moor indrungen is un dat Land denn swemmen dee. Dat kunn ok vörkamen, dat dat Land afdreven is.
De Naveröörd sünd Weyermoor, Wörpdahl un Worpsweed in’n Noordoosten, Noordweed, Süüdweed un Westerweed in’n Oosten, Lüninghusen, Worpheim un Frankenborg in’n Süüdoosten, Wührn in’n Süden, Viehland, Veerhusen, Millbüern un Moorhusen in’n Süüdwesten un Oosterholt, Ahrensfeld un Neenfeld in’n Noordwesten.
Historie[ännern | Bornkood ännern]
Waakhusen kummt in dat 13. Johrhunnert toeerst in de Oorkunnen vör. De Oort leeg temlich deep un in’n Winter weer dat Land mehrstendeels överswemmt. De Hüüs legen op Worten, en Diek hett dat fröher nich geven. Noch bet in dat 20. Johrhunnert sünd de Wischen von Waakhusen un Viehland noch jeden Winter överswemmt worrn. Över lange Tieden kunnen de Minschen blots mit Bööd na de Hüüs henkamen. Eerst 1956 is en 850 Hektar groten Polder mit en Schöppwark an’n Waakhüser Kanaal anleggt worrn. Sietdem is dat Rebeed vör dat Water schuult.
De Straat von Oosterholt-Scharmbeek na Worpsweed (Kreisstraten K 9 un K 11) is von 1936 bet 1940 boot worrn. Se liggt op en Damm, de 2,5 Meter över dat Moorland ümto rutkickt.
In’n Eersten Weltkrieg sünd dree Soldaten ut Waakhusen fullen oder vermisst un in’n Tweten Weltkrieg söss.[1]
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Sankt Jürgen in’n Kanton Leendaal höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n Landkreis Oosterholt worrn.
De Gemeen Viehland is 1929 Deel von de Gemeen Waakhusen worrn. An’n 1. Oktober 1936 müss Waakhusen de Hüüs Nr. 1–8 an de Gemeen Worpsweed afgeven, hett de aver an’n 1. April 1952 wedder trüggkregen. Waakhusen is an’n 1. März 1974 mit de Gemeenreform in Neddersassen denn Deel von de Gemeen Worpsweed worrn. Mit dissen Dag is ut de Gemeen Waakhusen denn de polietsche Oortschop Waakhusen worrn, de en egen Oortsvörsteiher hett.
Inwahnertall[ännern | Bornkood ännern]
| Johr | Inwahners |
|---|---|
| 1812[2] | 187 |
| 1824[3] | 28 Füürsteden |
| 1848[4] | 147 Lüüd, 20 Hüüs |
| 1. Dezember 1910[5] | 122 |
| 1925[6] | 113 |
| 1933[6] | 116 |
| 1939[6] | 102 |
Religion[ännern | Bornkood ännern]
Waakhusen is evangeelsch-luthersch präägt un höört to dat Kaspel von de Zion-Kark in Worpsweed. Bevör de Kark in Worpsweed 1759 anleggt worrn is, hett de Oort to dat Kaspel von de Willehadi-Kark in Scharmbeek höört.
För de Kathoolschen gifft dat in Worpsweed de Maria-Freden-Kapell, de to de Goden-Hirt-Kark in Leendaal höört. De Goden-Hirt-Kark höört siet 1. September 2012 to de Karkengemeen von de Hillige-Familie-Kark in Oosterholt-Scharmbeek.
Börgermeesters/Oortsvörsteihers[ännern | Bornkood ännern]
Börgermeesters:
- –1936: Johann Warnken
- 1936–: Diedrich Pape
- 1946–1948: Nothroth
- 1948–: Pape
Oortsvörsteihers:
- opstunns: Wolfgang Wedelich
Kultur[ännern | Bornkood ännern]
En Denkmaal för de Fullenen ut de twee Weltkrieg’ steiht bi de Kark in Worpsweed.
Verenen[ännern | Bornkood ännern]
Waakhusen hett en egene freewillige Füürwehr, de 1943 grünnt worrn is.
Weertschop un Infrastruktur[ännern | Bornkood ännern]
Elektrischen Stroom hett Waakhusen 1929/1920 kregen. Fleten Water hebbt de Hüüs eerst 1965 kregen.
De Campingplatz in Waakhusen is 1933 von’n Düütschen Kanu-Verband grünnt worrn.
Verkehr[ännern | Bornkood ännern]
Dör Waakhusen löppt de Kreisstraat 11, de in’n Noordoosten na Worpsweed an de Landsstraat 153 ran geiht un in’n Süüdwesten över de K 8/9 na Oosterholt-Scharmbeek un Hu’e an de Bundsstraat 74 ran. En lüttjere Straat gifft dat ans noch in’n Süüdoosten na Lüninghusen.
De Opfohrt 16 Bremen-Noord op de Autobahn 27/270 liggt so 14 Kilometer in’n Süüdwesten von Waakhusen an de B 74.
De nächste Bahnhoff is so bi negen Kilometer wied weg in’n Noordwesten de Bahnhoff Oosterholt-Scharmbeek an de Bahnlien Bremen–Bremerhoben.
Scholen[ännern | Bornkood ännern]
De Volksschool in Waakhusen hett al in dat 19. Johrhunnert bestahn. To’n Schoolbezirk hebbt ok veer Hüüs von Worpheim mit tohöört. 1874 is de School in Viehland oplööst worrn un de Oort hett denn ok mit to’n Schoolbezirk höört. En egen Schoolhuus harr de Schoolverband to de Tied noch nich. Dat eerste Schoolhuus is 1880/1881 boot worrn. De School hett 1967 dichtmaakt un de Kinner sünd denn na de Findörpschool in Oosterholt-Scharmbeek gahn.
Lüüd[ännern | Bornkood ännern]
De Moorkommissar för dat Düvelsmoor, Dierck Kohlmann, is 1754 in Waakhusen boren.
Footnoten[ännern | Bornkood ännern]
- ↑ http://www.denkmalprojekt.org/2010/worpswede_zionskirche_wk1u2_ns.htm
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 96: http://books.google.de/books?id=Q 5OAAAAcAAJ&pg=PA96
- ↑ C. H. Jansen: Statistisches Handbuch des Königreichs Hannover. 1824, Sied 630: http://books.google.de/books?id=tG0AAAAAcAAJ&pg=PA630
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ http://www.gemeindeverzeichnis.de/gem1900/gem1900.htm?hannover/osterholz.htm
- ↑ a b c http://www.verwaltungsgeschichte.de/osterholz.html
Weblenken[ännern | Bornkood ännern]
- Ut de Schoolkröönk von Waakhusen (hoochdüütsch)
Huttenbusch | Mevenst | Nee Sankt Jürgen | Oostersood | Slussdorp | Överhamm | Waakhusen | Worpsweed