Worpheim
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27726 | |
| Vörwahl: | 04792 | |
| Geograafsche Laag: | Koordinaten:53° 12′ N, 8° 54′ O53° 12′ N, 8° 54′ O | |
|
| ||
Worpheim (hoochdüütsch Worpheim) is en Dörp in de Gemeen Worpsweed in’n Landkreis Oosterholt, Neddersassen. Binnen de Gemeen höört de Oort to de polietsche Oortschop Worpsweed.
Geografie
[ännern | Bornkood ännern]De Oort liggt in dat Düvelsmoor in’n Süüdwesten von’n Weyerbarg. Dat Water ut dat Rebeed flütt över de Semkenfohrt na de Hamm hen af. In’n Süden grenzt de Oort an dat Naturschuulrebeed Westen Half von dat Lange Moor.
De Naveröörd sünd Wörpdaal un Noordweed in’n Noorden, Süüdweed in’n Noordoosten, Westerweed un Lüninghusen in’n Oosten, Lüningsee un Worphusen in’n Süüdoosten, Lüttmoor, Frankenborg un Öberenn in’n Süden, Millbüern un Wührn in’n Süüdwesten un Waakhusen in’n Westen.
Historie
[ännern | Bornkood ännern]Worpheim is twüschen 1764 un 1772 as Moorkolonie in dat Düvelsmoor grünnt worrn.
In’n Eersten Weltkrieg sünd söven Soldaten ut Worpheim fullen oder vermisst un in’n Tweten Weltkrieg veer.[1]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Worpheim in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie St. Jürgen in’n Kanton Leendaal.
De Oort hett vör 1885 to de Vaagdie St. Jürgen von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en grötteren Kreis Oosterholt tohoopgahn is.
De Oort weer fröher en egenstännige Gemeen. Düsse Gemeen is an’n 1. April 1929 mit Wörpdaal, Noordweed, Süüdweed un Weyermoor to de ne’e Gemeen Worpheim tohoopleggt worrn. Düsse Gemeen hett denn blots bet to’n 1. Oktober 1936 bestahn, as de Gemeen Worpheim tohoop mit Oostendörp, Oosterweed, en Deel von Waakhusen un Worpsweed de Gemeen Worpsweed billt hett. De Gemeen Worpsweed is mit de Gemeenreform in Neddersassen an’n 1. März 1974 noch wedder grötter worrn. Siet 1974 is Worpheim binnen de Gemeen Worpsweed Deel von de Oortschop Worpsweed, de en egen Oortsvörsteiher hett.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 7 Füürsteden |
| 1812[3] | 47 |
| 1824[4] | 10 Füürsteden |
| 1848[5] | 95 Lüüd, 12 Hüüs |
| 1. Dezember 1871[6] | 89 Lüüd, 14 Hüüs |
| 1. Dezember 1885[7] | 98 Lüüd, 15 Hüüs |
| 1. Dezember 1905[8] | 161 Lüüd, 27 Hüüs |
| 1. Dezember 1910[9] | 145 |
| 1925[10] | 120 |
Religion
[ännern | Bornkood ännern]Worpheim is evangeelsch-luthersch präägt un höört to dat Kaspel von de Zion-Kark in Worpsweed. En Deel von Worpheim hett histoorsch aver ok to dat Kaspel von de Jürgen-Kark in dat St.-Jürgensland tohöört.
För de Kathoolschen gifft dat in Worpsweed de Maria-Freden-Kapell, de to de Goden-Hirt-Kark in Leendaal höört. De Goden-Hirt-Kark höört siet 1. September 2012 to de Karkengemeen von de Hillige-Familie-Kark in Oosterholt-Scharmbeek.
Kultur
[ännern | Bornkood ännern]Gedenktafeln för de Fullenen ut de twee Weltkrieg’ hängt in Worpsweed in de Kark.
Weertschop un Infrastruktur
[ännern | Bornkood ännern]Elektrischen Stroom hett de Oort 1928 kregen.
Verkehr
[ännern | Bornkood ännern]De Dörpstraat von Worpheim föhrt in’n Noordwesten na de Kreisstraat 11 in Waakhusen un in’n Süüdoosten na de Lüninghuser Straat. De K 11 geiht von Waakhusen ut in’n Noordoosten na Worpsweed an de Landsstraat 153 un in’n Süüdwesten över Viehland na de K 9 bi Oosterholt-Scharmbeek un Hu’e. De Lüninghuser Straat löppt in’n Süüdwesten na Falkenborg an de K 8 un in’n Noordoosten an de L 153 bi Lüninghusen un Nee Mooringen. De L 153 löppt von Worpsweed in’n Noorden na Huttenbusch un von dor na Oosterholt-Scharmbeek. In’n Süden geiht de Straat na Leendaal.
De nächste Autobahn is de Autobahn 27 (Afsnidd Bremerhoben–Bremen). De Opfohrt 17 Bremen-Industriehavens liggt so 15 Kilometer in’n Süüdwesten von Worpheim an de Hu’er Heerstraat.
De nächste Bahnhoff is so bi teihn Kilometer wied weg in’n Noordwesten de Bahnhoff Oosterholt-Scharmbeek an de Bahnlien Bremen–Bremerhoben. Von 1911 bet 1978 hett dat ok Personenverkehr op de Bahnlien Stood–Oosterholt-Scharmbeek geven. De Bahnhoff Weyermoor weer knapp veer Kilometer in’n Noorden.
Literatur
[ännern | Bornkood ännern]- 200 Jahre Findorff-Dörfer. Südwede, Nordwede, Worpheim. 1964
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 255
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 678
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 171
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144
- ↑ Inwahnertallen op gemeindeverzeichnis.de
- ↑ Inwahnertallen op verwaltungsgeschichte.de