Oostendörp (Landkreis Oosterholt)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Oostendörp
Laag vun Oostendörp in Düütschland
Basisdaten
Bundsland: Neddersassen
Landkreis: Oosterholt
Gemeen: Worpsweed
Inwahners:
Postleettall: 27726
Vörwahl: 04792
Geograafsche Laag:
Koordinaten:53° 13′ N, 8° 56′ O
53° 13′ N, 8° 56′ O

Oostendörp (hoochdüütsch Ostendorf) is en Dörp in de Gemeen Worpsweed in’n Landkreis Oosterholt, Neddersassen.

Geografie[ännern | Bornkood ännern]

De Oort liggt in dat Düvelsmoor an’n Oostrand von’n Weyerbarg. In’n Süüdoosten von Oostendörp löppt de Bargdörper Schippgraven langs, de an’n Süüdrand von’n Oort in de Semkenfohrt münnt.

De Naveröörd sünd Oosterweed in’n Noorden, Bargdörp in’n Oosten, Mooringen in’n Süüdoosten, Westerweed un Süüdweed in’n Süüdwesten, Noordweed un Wörpdahl in’n Westen un Weyermoor un Worpsweed in’n Noordwesten.

Historie[ännern | Bornkood ännern]

In’n Eersten Weltkrieg sünd 18 Soldaten ut Oostendörp fullen oder vermisst un in’n Tweten Weltkrieg 23.[1]

Künstlerkolonie Worpsweed[ännern | Bornkood ännern]

En Reeg von de Künstlers von de Künstlerkolonie Worpsweed hebbt in Oostendörp leevt. 1894 hett de Maler Heinrich Vogeler in Oostendörp den Barkenhoff köfft, in den vondaag dat Heinrich-Vogeler-Museum ünnerbrocht is. In’n Sommer 1900 hett sik Paula Becker op’n Brünjeshoff inmeedt un dor bet to ehren Dood 1907 en Atelier hatt. Ok Otto Modersohn is dor faken ween. Von 1910 af an hett Carl Emil Uphoff op’n Brünjeshoff leevt.

Bernhard Hoetger hett von 1915 af an in Oostendörp wahnt.

Verwaltungsgeschicht[ännern | Bornkood ännern]

De Oort hett vör 1852 to de Vaagdie Worpsweed in dat Amt Oosterholt tohöört un denn von 1852 bet 1885 to dat Amt Leendaal. Na 1885 weer dat in’n Kreis Oosterholt. 1932 is dat Deel von’n nu grötteren Kreis Oosterholt worrn.

De Oort is an’n 1. Oktober 1936 mit Oosterweed, en Deel von Waakhusen, Worpheim un Worpsweed to de Gemeen Worpsweed tohoopleggt worrn.

Inwahnertall[ännern | Bornkood ännern]

Johr Inwahners
1848-00-001848[2] 224 Lüüd. 37 Hüüs
1871-12-011. Dezember 1871[3] 315 Lüüd. 48 Hüüs
1910-12-011. Dezember 1910[4] 365
1925-00-001925[5] 357

Religion[ännern | Bornkood ännern]

Oostendörp is evangeelsch-luthersch präägt un höört to dat Kaspel von de Zionkark in Worpsweed.

För de Kathoolschen is de Hillige-Familie-Kark in Oosterholt-Scharmbeek tostännig.

Kultur[ännern | Bornkood ännern]

Tafeln för de Fullenen ut de twee Weltkrieg’ hängt in Worpsweed in de Kark.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Oostendörp löppt de Landsstraat 153, de in’n Noorden na Worpsweed un Nee Sankt Jürgen geiht un in’n Süden na Worphusen un denn an de L 133. De L 133 löppt in’n Noordoosten na Grasbarg un Tarmst un in’n Süüdwesten na Leendaal un na Bremen.

De nächste Autobahn is de Autobahn 27 (Afsnidd BremenCuxhoben). De Opfohrt 17 Bremen-Industriehavens (Dreeeck Bremen-Industriehavens mit Övergang na de A 281) liggt so 18 Kilometer in’n Süüdwesten von Oostendörp an de Hu’er Heerstraat un de Opfohrt 16 Bremen-Noord (an de B 74) 18 Kilometer. De B 74 geiht dor ok in de A 270 na Blomendal över.

De nächste Bahnhoff is so bi 13 Kilometer wied weg in’n Westen de Bahnhoff Oosterholt-Scharmbeek an de Bahnlien Bremen–Bremerhoben. Von 1911 bet 1978 hett dat ok Personenverkehr op de Bahnlien Stood–Oosterholt-Scharmbeek geven. De Bahnhoff Worpsweed an disse Bahnlien leeg dree Kilometer in’n Noordwesten.

Footnoten[ännern | Bornkood ännern]

  1. http://www.denkmalprojekt.org/2010/worpswede_zionskirche_wk1u2_ns.htm
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
  4. Inwahnertallen op gemeindeverzeichnis.de
  5. Inwahnertallen op verwaltungsgeschichte.de