Noordweed
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27726 | |
| Vörwahl: | 04792 | |
| Geograafsche Laag: | Koordinaten:53° 12′ N, 8° 54′ O53° 12′ N, 8° 54′ O | |
|
| ||
Noordweed (hoochdüütsch Nordwede) is en Dörp in de Gemeen Worpsweed in’n Landkreis Oosterholt, Neddersassen. Binnen de Gemeen höört de Oort to de polietsche Oortschop Worpsweed.
De Oort hett ok den Ökelnaam Sniederdörp.
Geografie
[ännern | Bornkood ännern]De Oort liggt in dat Düvelsmoor in’n Süüdwesten von’n Weyerbarg. Dat Water ut dat Rebeed flütt över de Semkenfohrt na de Hamm hen af.
De Naveröörd sünd Weyermoor un Wörpdaal in’n Noordoosten, Worpsweed in’n Noordoosten, Oostendörp in’n Oosten, Süüdweed in’n Süüdoosten, Worpheim in’n Süden un Waakhusen in’n Westen.
Historie
[ännern | Bornkood ännern]Noordweed is 1764 as Moorkolonie in dat Düvelsmoor anleggt worrn un harr 13 Anbosteden.
In’n Eersten Weltkrieg sünd veer Soldaten ut Noordweed fullen oder vermisst un in’n Tweten Weltkrieg een.[1]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Worpheim in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie St. Jürgen in’n Kanton Leendaal.
De Oort hett vör 1885 to de Vaagdie St. Jürgen von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en grötteren Kreis Oosterholt tohoopgahn is.
De Oort weer fröher en egenstännige Gemeen. Düsse Gemeen is an’n 1. April 1929 mit Weyermoor, Süüdweed, Wörpdaal un Worpheim to de ne’e Gemeen Worpheim tohoopleggt worrn. Düsse Gemeen hett denn blots bet to’n 1. Oktober 1936 bestahn, as de Gemeen Worpheim Deel von de Gemeen Worpsweed worrn is. De Gemeen Worpsweed is mit de Gemeenreform in Neddersassen an’n 1. März 1974 noch wedder grötter worrn. Siet 1974 is Noordweed binnen de Gemeen Worpsweed Deel von de Oortschop Worpsweed, de en egen Oortsvörsteiher hett.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 12 Füürsteden |
| 1812[3] | 82 |
| 1824[4] | 13 Füürsteden |
| 1848[5] | 99 Lüüd, 13 Hüüs |
| 1. Dezember 1871[6] | 79 Lüüd, 16 Hüüs |
| 1. Dezember 1885[7] | 87 Lüüd, 14 Hüüs |
| 1. Dezember 1905[8] | 82 Lüüd, 14 Hüüs |
| 1. Dezember 1910[9] | 81 |
Religion
[ännern | Bornkood ännern]Noordweed is evangeelsch-luthersch präägt un höört to dat Kaspel von de Zion-Kark in Worpsweed.
För de Kathoolschen gifft dat in Worpsweed de Maria-Freden-Kapell, de to de Goden-Hirt-Kark in Leendaal höört. De Goden-Hirt-Kark höört siet 1. September 2012 to de Karkengemeen von de Hillige-Familie-Kark in Oosterholt-Scharmbeek.
Kultur
[ännern | Bornkood ännern]Gedenktafeln för de Fullenen ut de twee Weltkrieg’ hängt in Worpsweed in de Kark.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]In’n Noorden an Noordweed langs löppt de Kreisstraat 11, de in’n Noordoosten in Worpsweed in de Landsstraat 153 münnt un in’n Süüdwesten över Waakhusen un Viehland na de K 9 bi Oosterholt-Scharmbeek un Hu’e löppt. De L 153 föhrt von Worpsweed in’n Noorden na Huttenbusch un in’n Süden na Leendaal.
De nächste Autobahn is de Autobahn 27 (Afsnidd Bremerhoben–Bremen). De Opfohrt 17 Bremen-Industriehavens liggt so 15 Kilometer in’n Süüdwesten von Noordweed an de Hu’er Heerstraat.
De nächste Bahnhoff is so bi teihn Kilometer wied weg in’n Noordwesten de Bahnhoff Oosterholt-Scharmbeek an de Bahnlien Bremen–Bremerhoben. Von 1911 bet 1978 hett dat ok Personenverkehr op de Bahnlien Stood–Oosterholt-Scharmbeek geven. De Bahnhoff Weyermoor weer dree Kilometer in’n Noordwesten.
Scholen
[ännern | Bornkood ännern]Bet 1853 harr Noordweed en egen lüttje Volksschool. In dat Johr hett Weyermoor mit Noordweed, Wörpdaal un Delen von Waakhusen un Worpsweed en Schoolverband grünnt. De ne’e School stünn denn in Wörpdaal. Düsse School hett bet Oostern 1956 bestahn.
Literatur
[ännern | Bornkood ännern]- 200 Jahre Findorff-Dörfer. Südwede, Nordwede, Worpheim. 1964
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 169
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 448
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142
- ↑ Inwahnertallen op gemeindeverzeichnis.de