Weyerbarg

Vun Wikipedia
Zur Navigation springen Zur Suche springen
De Weyerbarg (ünnen rechts) in de Ümgegend von Düvelsmoor un de Hamm
Neddersassensteen
Sandkuhl an’n Weyerbarg. Bild von Paula Modersohn-Becker (1899)

De Weyerbarg is en 54,4 Meter hogen Geestbarg in’t Düvelsmoor bi Worpsweed in’n Landkreis Oosterholt. De Weyerbarg is in de Iestied billt worrn un raagt nu as en Eiland ut dat Moor ümto rut.

Bi’n Barg sünd en Barg Funnen ut de Jungsteentied maakt worrn, ünner annern Steenwarktüüg un Smucksaken. Ut de Tied 1100 v. Chr. sünd an’n Süüdhang „Achtern Barg“ Urnengräver funnen worrn. Disse Tied, in de Minschen an’n Barg leevt hebbt, hett bet 500 v. Chr. duurt.

Op’n Weyerbarg steiht de „Neddersassensteen“ von Bernhard Hoetger. Dat is en 18 Meter hoog Monument ut Tegelsteen, dat 1922 för de Soldaten ut de Ümgegend opstellt worrn is, de in’n Eersten Weltkrieg doodbleven sünd. 1957 is de Stiftung Worpsweed grünnt worrn, de Land an’n Weyerbarg opköfft, üm to verhinnern, dat dor noch mehr Sand afboot warrt.

De Barg dükert op veel Biller von Künstlers ut de Künstlerkolonie Worpsweed op.

Dat gifft en Saag dor över, wo de Weyerbarg herkummt: dor is maal en Hüün ween, de hett Hüüklüüt heten un weer en Minschenfreter. De wull sik von en Fischer dor dat Moor leiden laten. De Fischer hett em seggt, dat he önnig Sand mitnehmen schull, den kunn he jümmer vör sik smieten, dat he nich in dat Moor insackt. De Fischer hett em ok jümmer vertellt, woneem he den Sand hensmieten müss. As se denn aver merrn in ’t Moor weren, hett de Fischer em wat ophuckt un em seggt, he kunn den nächsten Schridd so doon. Aver de Hüün is insackt un kunn nich wedder rutkamen. He weer füünsch un hett den Rest Sand, den he noch in’e Hand harr, na’n Fischer smeten. He hett em nich drapen, aver ut dissen Sand is de Weyerbarg worrn.

Weblenken[ännern | Bornkood ännern]

Commons-logo.svg Weyerbarg. Mehr Biller, Videos oder Audiodateien to’t Thema gifft dat bi Wikimedia Commons.



Koordinaten:53° 13′ N, 8° 55′ O