Grasbarg

Vun Wikipedia
Zur Navigation springen Zur Suche springen
Wapen/Flagg Koort

Wapen vun Grasbarg

Grasbarg
Laag vun Grasbarg in Düütschland
Basisdaten
Bundsland: Neddersassen
Landkreis: Oosterholt
Gemeen: Grasbarg
Inwahners:
Postleettall: 28879
Vörwahl: 04208
Geograafsche Laag:
Koordinaten:53° 11′ N, 8° 59′ O
53° 11′ N, 8° 59′ O

Grasbarg (hoochdüütsch Grasberg) is en Dörp in de Gemeen Grasbarg in’n Landkreis Oosterholt, Neddersassen.

Geografie[ännern | Bornkood ännern]

De Oort liggt in dat Düvelsmoor direkt an de Wörp.

De Naveröörd sünd Wörpdörp in’n Noorden, Wilstermoor in’n Noordoosten un Eekdorp in’n Oosten un Süden.

Historie[ännern | Bornkood ännern]

Bevör von Jürgen Christian Findörp mit Wörpdörp (1751) un Eekdorp (1753) de eersten Öörd in dat Düvelsmoor anleggt worrn sünd, hebbt in de Ümgegend noch keen Minschen leevt. De Grasbarg weer en sieden Sandbarg, de mit 5 över de See eben ut dat Moor ümto rutkieken dee. As in de Johren 1780 noch mehr Moorkolonien grünnt worrn sünd, schullen düsse ne’en Dörper en egen Kark kriegen. De Karkenbo hett 1785 op düssen Sandbarg anfungen. Inwieht worrn is de Kark an’n 1. November 1789. Bi de Kark stünnen to düsse Tied ok noch twee annere Hüüs. In’n Loop von dat 19. Johrhunnert is de Siedlung denn to en lütt Dörp ranwussen, de aver noch to Eekdorp tohören dee. Eerst an’n 1. Januar 1831 is op Andrag von de Bewahners Grasbarg egenstännig worrn un hett nich mehr to Eekdorp höört. Bi de Gemeenreform in Neddersassen an’n 1. März 1974 is Grasbarg as Karkenoort Seet von de grote Eenheitsgemeen Grasbarg worrn. Eerst na disse Tied is de Oort dör Borebeden stark wussen un to’n Zentraaloort worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hu’e in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Moorvaagdie Grasdörp in dat Amt Otterbarg tohöört un von 1852 bet 1885 to dat Amt Leendaal. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort hett sik 1968 mit Wörpdörp un Eekdorp to een Gemeen tohoopslaten. Disse Gemeen is an’n 1. März 1974 mit de Gemeenreform in Neddersassen Deel von de nu veel gröttere Gemeen Grasbarg worrn.

Inwahnertall[ännern | Bornkood ännern]

Johr Inwahners
1791-00-00 1791[1] 2 Füürsteden
1812-00-00 1812[2] 14
1824-00-00 1824[3] 5 Füürsteden
1848-00-00 1848[4] 121 Lüüd. 18 Hüüs
1871-12-011. Dezember 1871[5] 137 Lüüd. 24 Hüüs
1885-12-011. Dezember 1885[6] 175 Lüüd. 26 Hüüs
1905-12-011. Dezember 1905[7] 166 Lüüd. 26 Hüüs
1910-12-011. Dezember 1910[8] 159
1925-00-00 1925[9] 175
1933-00-00 1933[9] 253
1939-00-00 1939[9] 261

Religion[ännern | Bornkood ännern]

Grasbarg is evangeelsch-luthersch präägt un billt mit de Findörp-Kark en egen Kaspel.

För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.

De Karkhoff von Grasbarg liggt rund üm de Findörp-Kark.

Weertschop un Infrastruktur[ännern | Bornkood ännern]

Grasbarg hett en egene freewillige Füürwehr.

De Oort gellt na dat Regionale Ruumordnungsprogramm as Grundzentrum för de Öörd in de Ümgegend.

De Volksbank Oosterholt-Scharmbeek hett in Grasbarg in de Straat Karkdamm 1 en Filiaal.

Verkehr[ännern | Bornkood ännern]

Dör Grasbarg löppt de Kreisstraat 10, de in’n Noordwesten de Landsstraat 133 krüüzt un na Worpsweed geiht un in’n Süden över Meinershusen na Rutendorp an de L 154. De L 133 föhrt in’n Süüdwesten na Falkenbarg un Leendaal un in’n Noordoosten na Tarms un Zeven.

De nächste Autobahn is de Autobahn 27 (Afsnidd BremenWasra). De Opfohrt 19 Horn-Leh liggt so 16 Kilometer in’n Süüdwesten von Grasbarg an de Leendaler Heerstraat.

De nächste Bahnhoff is so bi 15 Kilometer wied weg in’n Süden de Bahnhoff Sao’ern an de Bahnlien Hamborg–Bremen. Op de Bahnlien Bremen–Tarms hett dat von 1900 bet 1956 Personenverkehr geven. Grasbarg harr en egen lütten Bahnhoff an düsse Bahnlien.

Scholen[ännern | Bornkood ännern]

De Kinner ut Grasbarg gaht na de Grundschool Grasbarg.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 86
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 218
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 167
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142
  8. Inwahnertallen op gemeindeverzeichnis.de
  9. 9,0 9,1 9,2 Inwahnertallen op verwaltungsgeschichte.de