Wilstermoor

Vun Wikipedia
Wesseln na: Navigatschoon, Söök
Wapen/Flagg Koort

Wapen vun Wilstermoor

Wilstermoor
Laag vun Wilstermoor in Düütschland
Basisdaten
Bundsland: Neddersassen
Landkreis: Oosterholt
Gemeen: Grasbarg
Inwahners: 72 (2010-00-00 2010)
Postleettall: 28879
Vörwahl: 04208
Geograafsche Laag:
Koordinaten:53° 12′ N, 9° 2′ O
53° 12′ N, 9° 2′ O

Wilstermoor (hoochdüütsch Wilstedtermoor) is en lütt Dörp in de Gemeen Grasbarg in’n Landkreis Oosterholt, Neddersassen.

Geografie[ännern | Bornkood ännern]

De Oort liggt in dat Düvelsmoor, de Zevener Geest fangt so bi dree Kilometer in’n Oosten an. Bi Wilstermoor münnt von rechts de Schaapsgraven un von links de Wilstermoorer Schippgraven in de Wörp.

De Naveröörd sünd Tüschendörp in’n Noorden, Tarmst in’n Noordoosten, Wilst in’n Oosten, Bookholt un Smalenbeek in’n Süüdoosten, Eekdorp in’n Süüdwesten un Wörpdörp in’n Noordwesten.

Historie[ännern | Bornkood ännern]

Wilstermoor is in de Tied üm 1820 rüm as Anbo von Wilst ut grünnt worrn. De Oort höört nich to de findörpschen Moorkolonien, de na faste Plaans in dat Düvelsmoor anleggt worrn sünd. De Oort is ahn fasten Plaan von de Buurn ut Wilst anleggt worrn.

Verwaltungsgeschicht[ännern | Bornkood ännern]

Polietsch weer Wilstermoor in de eerste Tied jümmer Deel von de Gemeen Wilst.

De Oort hett vör 1859 to de Amtsvaagdie Wilst in dat Amt Otterbarg tohöört un denn von 1859 bet 1885 to dat Amt Zeven. Na 1885 weer dat in’n Kreis Zeven un is 1932 Deel von’n Kreis Bremervöör worrn.

An’n 1. Juli 1976 is Wilstermoor, wat vörher en Deel von de Gemeen Wilst weer, Deel von de Gemeen Grasbarg worrn un dorbi von’n Landkreis Bremervöör in’n Landkreis Oosterholt wesselt. Wilstermoor harr to de Tied knapp 50 Inwahners. Dat keem op Andrag von de Inwahners von Wilstermoor, von wegen dat de Oort so slecht an Wilst anbunnen weer.[1]

Inwahnertall[ännern | Bornkood ännern]

Johr Inwahners
1871-12-011. Dezember 1871[2] 53 Lüüd. 9 Hüüs
2010-00-00 2010[1] 72

Religion[ännern | Bornkood ännern]

Wilstermoor is evangeelsch-luthersch präägt un höört to dat Kaspel von de Findörp-Kark in Grasbarg. Fröher hett de Oort to de Petri-Kark in Wilst höört.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

En Stück in’n Süüdoosten op Grasbarger Rebeed staht twee Windrääd. In’n Oosten, op Wilster Rebeed, liggt tosätzlich en Windpark mit negen Windrääd.

Verkehr[ännern | Bornkood ännern]

Von Wilstermoor besteiht över den Möhlendamm in’n Noorden Ansluss an de Landsstraat 133, de in’n Noordoosten na Tarmst un Zeven geiht un in’n Süüdwesten na Grasbarg un Leendaal. En Stück in’n Süden geiht de Kreisstraat 42/150 langs, de in’n Noordoosten na Wilst geiht un in’n Süüdwesten na Huxfeld.

De nächsten Autobahnen sünd de Autobahn 27 (Afsnidd BremenCuxhoben) un de Autobahn 7 (Afsnidd BremenHamborg), de all beid mit en Afstand von so 20 Kilometer an’n Oort langs loopt. De Opfohrt 19 Horn-Leh op de A 27 liggt so 19 Kilometer in’n Süüdwesten von Wilstermoor un de Opfohrt 50 Stuckenbossel op de A 7 21 Kilometer in’n Süüdoosten an de L 168/B 75.

De nächste Bahnhoff is so bi 16 Kilometer wied weg in’n Süden de Bahnhoff Sagehoorn an de Bahnlien Hamborg–Bremen. Von 1917 bet 1964 hett dat ok Personenverkehr op de Bahnlien Wilst–Töst geven. De Bahnhoff Wilst weer söss Kilometer in’n Oosten. Noch dichter bi weer de Bahnhoff Eekdorp von de Kleenbahn Bremen–Tarmst, de von 1900 bet 1956 bedreven worrn is. De leeg blots en poor hunnert Meter in’n Noordwesten an’n Möhlendamm.

Scholen[ännern | Bornkood ännern]

De Kinner ut Wilstermoor gaht na de Grundschool Grasbarg.

Footnoten[ännern | Bornkood ännern]

  1. 1,0 1,1 Hermann Burfeind, Hermann Poppe: Das Wilstedter Moor, ein Teil des Teufelsmoores und der Ortsteil „Wilstedtermoor“
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 173