Huxfeld
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 28879 | |
| Vörwahl: | 04208 | |
| Geograafsche Laag: | Koordinaten:53° 10′ N, 9° 2′ O53° 10′ N, 9° 2′ O | |
|
| ||
Huxfeld (hoochdüütsch Huxfeld) is en Dörp in de Gemeen Grasbarg in’n Landkreis Oosterholt, Neddersassen.
Geografie[ännern | Bornkood ännern]
De Oort liggt in dat Düvelsmoor. Dat Water ut dat Rebeed warrt över Gravens na de Wörp hen afföhrt.
De Naveröörd sünd Smalenbeek in’n Noordoosten, Rutendorp un Middelsmoor in’n Süden, Meinershusen in’n Süüdwesten, Grasdörp in’n Westen un Eekdorp in’n Noordwesten.
Historie[ännern | Bornkood ännern]
Huxfeld is 1789 as 3,5 Kilometer lang Stratendörp un findörpsche Moorkolonie grünnt worrn. De Naam schall trügggahn op en Jäger Huxfeld ut Bookholt, de bi de Jagd op Aanten in en Moorsee op dat hüdige Rebeed von dat Dörp verdrunken is.
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Hu’e in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Moorvaagdie Grasdörp in dat Amt Otterbarg tohöört un is denn in dat Amt Leendaal wesselt. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.
1929 is Middelsmoor an de Gemeen Huxfeld anslaten worrn. De Oort is an’n 1. März 1974 mit de Gemeenreform in Neddersassen Deel von de Gemeen Grasbarg worrn.
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 22 Füürsteden |
| 1812[2] | 116 |
| 1824[3] | 23 Füürsteden |
| 1848[4] | 210 Lüüd, 27 Hüüs |
| 1. Dezember 1871[5] | 240 Lüüd, 33 Hüüs |
| 1. Dezember 1885[6] | 245 Lüüd, 35 Hüüs |
| 1. Dezember 1905[7] | 291 Lüüd, 42 Hüüs |
| 1. Dezember 1910[8] | 280 |
| 1933[9] | 398 |
| 1939[9] | 383 |
Religion[ännern | Bornkood ännern]
Huxfeld is evangeelsch-luthersch präägt un höört to dat Kaspel von de Findörp-Kark in Grasbarg.
För de Kathoolschen is de Goden-Hirt-Kark in Leendaal tostännig, de 1961 grünnt worrn is un siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. In Weyerbarg gifft dat tosätzlich noch de Maria-Freden-Kapell von 1975.
Wapen[ännern | Bornkood ännern]
Dat Wapen von Huxfeld wiest vörn op swarten Grund över en sülvern Balken en sülvern Jägersmann mit gröön Hoot un Jack, blangen em en gollen Flunk. Achtern wiest dat Wapen op en Drüddel op grönen Grund en sülvern Wellenbalken.
Kultur[ännern | Bornkood ännern]
Dat Dörphuus in Huxfeld is 1984 in de fröhere School inricht worrn.
Verenen[ännern | Bornkood ännern]
De Schüttenvereen Huxfeld is 1876 grünnt worrn.
Weertschop un Infrastruktur[ännern | Bornkood ännern]
Huxfeld hett en egene freewillige Füürwehr.
Verkehr[ännern | Bornkood ännern]
De Dörpstraat dör Huxfeld is de Kreisstraat 25, de in’n Noordwesten an de K 10 ran geiht un in’n Süüdoosten över Rutendorp na Quelkhoorn-Willemshusen an de Landsstraat 154. De L 154 föhrt von dor in’n Oosten wieder na Otterbarg. De K 10 föhrt in’n Noordwesten na Grasbarg un Worpsweed.
De nächste Autobahn is de Autobahn 1 (Afsnidd Hamborg–Bremen). De Opfohrten 52 Eiten un 50 Stuckenbossel doot all beid so bi 15 Kilometer wied weg liggen.
De nächste Bahnhoff is so bi ölven Kilometer wied weg in’n Süden de Bahnhoff Sao’ern an de Bahnlien Hamborg–Bremen. Op de Bahnlien Bremen–Tarms hett dat von 1900 bet 1956 Personenverkehr geven. De Bahnhoff Grasbarg weer in düsse Tied fiev Kilometer in’n Noordwesten.
Scholen[ännern | Bornkood ännern]
De eerste School in Huxfeld is 1830 grünnt worrn. 1978 müss düsse Volksschool dichtmaken. De Kinner güngen denn na de Grundschool Rutendorp un de Grundschool Grasbarg. Nadem de Grundschool Rutendorp 2013 dichtmaakt hett, gaht de Kinner nu all in Grasbarg na School.
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 119
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 312
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 166
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142
- ↑ Inwahnertallen op gemeindeverzeichnis.de
- ↑ a b Inwahnertallen op verwaltungsgeschichte.de
