Middelsmoor

Vun Wikipedia
Wesseln na: Navigatschoon, Söök
Wapen/Flagg Koort

Wapen vun Middelsmoor

Middelsmoor
Laag vun Middelsmoor in Düütschland
Basisdaten
Bundsland: Neddersassen
Landkreis: Oosterholt
Gemeen: Grasbarg
Inwahners:
Postleettall: 28879
Vörwahl: 04208
Geograafsche Laag:
Koordinaten:53° 9′ N, 9° 2′ O
53° 9′ N, 9° 2′ O

Middelsmoor (hoochdüütsch Mittelsmoor) is en Dörp in de Gemeen Grasbarg in’n Landkreis Oosterholt, Neddersassen.

Geografie[ännern | Bornkood ännern]

De Oort liggt in dat Korte Moor, wat en Utlöper von dat Düvelsmoor is. Dat Water ut dat Rebeed warrt över Gravens na de Wörp hen afföhrt.

De Naveröörd sünd Huxfeld in’n Noorden, Rutendorp in’n Süden, Wienkoopsmoor in’n Süüdwesten un Meinershusen in’n Westen.

Historie[ännern | Bornkood ännern]

Middelsmoor is 1792 as 1,5 Kilometer lang Stratendörp un findörpsche Moorkolonie grünnt worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hu’e in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Moorvaagdie Grasdörp in dat Amt Otterbarg tohöört un von 1852 bet 1885 to dat Amt Leendaal. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort hett bet 1929 en egen Gemeen billt. In dat Johr is Middelsmoor en Deel von de Gemeen Huxfeld worrn. De Gemeen Huxfeld wedder is an’n 1. März 1974 mit de Gemeenreform in Neddersassen Deel von de Gemeen Grasbarg worrn.

Inwahnertall[ännern | Bornkood ännern]

Johr Inwahners
1812-00-00 1812[1] 38
1824-00-00 1824[2] 11 Füürsteden
1848-00-00 1848[3] 80 Lüüd. 14 Hüüs
1871-12-011. Dezember 1871[4] 104 Lüüd. 16 Hüüs
1885-12-011. Dezember 1885[5] 116 Lüüd. 19 Hüüs
1905-12-011. Dezember 1905[6] 134 Lüüd. 18 Hüüs
1910-12-011. Dezember 1910[7] 142

Religion[ännern | Bornkood ännern]

Middelsmoor is evangeelsch-luthersch präägt un höört to dat Kaspel von de Findörp-Kark in Grasbarg.

För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.

Weertschop un Infrastruktur[ännern | Bornkood ännern]

För Middelsmoor is de freewillige Füürwehr Huxfeld mit tostännig.

Verkehr[ännern | Bornkood ännern]

Middelsmoor is in’n Süden anbunnen an de Landsstraat 154, de in’n Noordwesten na Falkenbarg bi Leendaal geiht un in’n Oosten an Hu’e langs över Quelkhoorn na Otterbarg. In’n Westen geiht de K 10 an Middelsmoor langs un in’n Oosten de K 25.

De nächsten Autobahnen sünd de A 1 (Afsnidd HamborgBremen) un de A 27 (Afsnidd BremenWasra). De Opfohrten 50 Stuckenbossel un 52 Eiten op de A 1 doot all beid so 16 Kilometer wied weg liggen un de Opfohrt 19 Horn-Leh op de A 27 15 Kilometer wied weg in’n Süüdwesten.

De nächste Bahnhoff is so bi ölven Kilometer wied weg in’n Süden de Bahnhoff Sao’ern an de Bahnlien Hamborg–Bremen. Op de Bahnlien Bremen–Tarms hett dat von 1900 bet 1956 Personenverkehr geven. De Bahnhoff Grasbarg weer in düsse Tied fiev Kilometer in’n Noordwesten.

Scholen[ännern | Bornkood ännern]

De Kinner ut Middelsmoor gaht na de Grundschool Grasbarg.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 410
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 166
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142
  7. Inwahnertallen op gemeindeverzeichnis.de