Mairie Hu’e (Kanton Otterbarg)

Vun Wikipedia
Zur Navigation springen Zur Suche springen

De Mairie Hu’e weer in de Franzosentied (1810 bet 1813) een von de veer Mairien, in de de Kanton Otterbarg indeelt weer. De Seet weer in Hu’e. Se harr 1902 Inwahners.[1]

Historie[ännern | Bornkood ännern]

De Ümgegend von Hu’e hett vör de Franzosentied to dat Amt Otterbarg in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Hu’e een von de 13 Mairien in’n Kanton Otterbarg von’n Distrikt Bremervöör, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Hu’e weer nu een von de veer Mairien in’n Kanton Otterbarg, Distrikt Bremen, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de veer Mairien Hu’e, Otterst, Smalenbeek un Heidbarg (all veer in’n Kanton Otterbarg) höört harrn. De Mairien Otterst un Heidbarg sünd blots deelwies an de Mairie Hu’e fullen. De annere Deel von de Mairie Otterst is an de Mairien Otterbarg un Horß kamen un von de Mairie Heidbarg an de Mairie Leendaal.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd Deel von de Gemenen Otterbarg un Grasbarg un de Samtgemeen Tarms.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 97
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 18