Hu’e (Landkreis Veern)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Hu’e

Hu’e
Laag vun Hu’e in Düütschland
Basisdaten
Bundsland: Neddersassen
Landkreis: Veern
Gemeen: Otterbarg
Flach: 37,94 km²
Inwahners: 3.195
Inwahnerdicht: 84,2 Inwahners pro km²
Hööchd: 8 m över NN
Postleettall: 28870
Vörwahl: 04293
Geograafsche Laag:
Koordinaten:53° 7′ N, 9° 3′ O
53° 7′ N, 9° 3′ O

Buurnhuus in Hu’e

Hu’e (hoochdüütsch Fischerhude) is en Dörp in de Gemeen Otterbarg in’n Landkreis Veern, Neddersassen. Binnen de Gemeen Otterbarg billt Hu’e en polietsche Oortschop.

To Hu’e höört ok de Oortsdelen Breednau un Ebbensiek mit to.

Geografie[ännern | Bornkood ännern]

De Oort liggt op en lüttje Geestinsel twüschen de Arms von de Wümm. Dat Land ümto is allens sied Masch- un Moorland. In’n Süüdwesten liggt dat Naturschuulrebeed Hu’er Wümmdaal.

De Naveröörd sünd Willemshusen in’n Noorden, Suurheid un Quelkhoorn in’n Noordoosten, Breednau, Kamp un Otterbarg in’n Oosten, Bassen, Booköss un Sao’ern in’n Süden, Ebbensiek in’n Westen un Seebargen un Rutendorp in’n Noordwesten.

Historie[ännern | Bornkood ännern]

Hu’e kummt an’n 27. September 1124 as Widagheshude toeerst in en Oorkunn von Paapst Calixt II. vör, in de he bestätigt, dat de Oort Besitt von dat Klooster Rastäe is.

De Oort weer lange Tied en Fischerdörp. Dorüm is de Oort ok Fischerhu’e nöömt worrn, üm den Ünnerscheed to maken to Ridderhu’e an de Hamm.

To Anfang von dat 20. Johrhunnert hebbt sik veel Künstlers in Hu’e un in de Breednau dallaten un dor hett sik de Künstlerkolonie Hu’e billt.

Verwaltungsgeschicht[ännern | Bornkood ännern]

In de Franzosentied von 1810 bet 1814 weer de Oort Seet von de Mairie Hu’e in’n Kanton Otterbarg. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Amtsvaagdie Wilst in dat Amt Otterbarg tohöört un denn von 1859 bet 1885 to dat Amt Achem. Na 1885 weer dat in’n Kreis Achem, de 1932 Deel von’n Kreis Veern worrn is.

De Oort is 1968 mit Quelkhoorn to een Gemeen tohoopgahn. Düsse ne’e Gemeen is an’n 1. Juli 1972 mit de Gemeenreform in Neddersassen Deel von de Gemeen Otterbarg worrn. Sietdem is Hu’e en polietsche Oortschop mit egen Oortsraad un Oortsbörgermeester.

Inwahnertall[ännern | Bornkood ännern]

Johr Inwahners
1791-00-001791[1] 42 Füürsteden
1812-00-001812[2] 444
1824-00-001824[3] 95 Füürsteden
1848-00-001848[4] 601 Lüüd. 107 Hüüs
1871-12-011. Dezember 1871[5] 710 Lüüd. 124 Hüüs
1885-12-011. Dezember 1885[6] 703 Lüüd. 125 Hüüs
1905-12-011. Dezember 1905[7] 697 Lüüd. 138 Hüüs
1910-12-011. Dezember 1910[8] 781
1925-00-001925[9] 860
1933-00-001933[9] 876
1939-00-001939[9] 843

Religion[ännern | Bornkood ännern]

Kark in Hu’e

Hu’e is evangeelsch-luthersch präägt un billt mit de Leevfroon-Kark en egen Kaspel. De Kark is 1494 as Kapell anleggt worrn. De Oort hett aver noch bet 1859 to dat Kaspel von de Petri-Kark in Wilst tohöört.

För de Kathoolschen is de St.-Matthias-Kark in Achem tostännig.

De eerste Karkhoff in Hu’e is 1825 üm de Kapell rüm anleggt worrn. Vörher sünd de Lüüd bi de Kark in Wilst begraven worrn. Later hebbt se denn en ne’en Karkhoff an’n Brügghoff anleggt.

Wapen[ännern | Bornkood ännern]

Dat Wapen von Hu’e wiest baven op gollen Grund twee swarte Peerköpp as Gevelsmuck un ünnen op blauen Grund en sülvern Fisch.

Dat Wapen hett de Gemeen Hu’e 1955 kregen.

Oortsraad[ännern | Bornkood ännern]

Oortsraad
Johr \ Partei Tall CDU SPD Gröne FGBO
2011 7 2 2 2 1
2016 7 3 1 1 2

Oortsbörgermeesters[ännern | Bornkood ännern]

  • 2011–: Wilfried Mittendorf (FGBO)

Kultur[ännern | Bornkood ännern]

Otto-Modersohn-Museum in Hu’e
Sommer in Hu’e, maalt von August Haake
Hoff in Hu’e, maalt von Wilhelm Heinrich Rohmeyer

In’n Oort gifft dat en Reeg Museums, Galerien un Ateliers to de Künstlerkolonie Hu’e.

Verenen[ännern | Bornkood ännern]

De Schüttenvereen Hu’e is 1923 grünnt worrn.

Weertschop un Infrastruktur[ännern | Bornkood ännern]

De freewillige Füürwehr Hu’e is 2009 mit de Füürwehr Quelkhoorn tohoopgahn un billt nu de Füürwehr Hu’e-Quelkhoorn.

Verkehr[ännern | Bornkood ännern]

Dör Hu’e löppt de Kreisstraat 2, de in’n Noorden in Willemshusen an de Landsstraat 154 ran geiht un in’n Süüdwesten över Sao’ern na Eiten an de L 168 ran. De L 154 geiht in’n Noordwesten över Rutendorp un Seebargen na Falkenbarg bi Leendaal un in’n Oosten över Otterbarg un Söttmer na Rodenborg.

De nächste Autobahn is de Autobahn 1 (Afsnidd HamborgBremen). De Opfohrt 52 Eiten liggt so teihn Kilometer in’n Süüdwesten von Hu’e an de L 167.

De nächste Bahnhoff is so bi fiev Kilometer wied weg in’n Süüdwesten de Bahnhoff Sao’ern an de Bahnlien Hamborg–Bremen.

Scholen[ännern | Bornkood ännern]

De Kinner gaht na de Grundschool Hu’e. Na de 4. Klass wesselt se in de Regel op de Oberschool Wümmschool in Otterbarg oder op dat Gymnasium Otterbarg.

Lüüd[ännern | Bornkood ännern]

To de Künstlers ut Hu’e, kiek in’n Artikel to de Künstlerkolonie Hu’e.

Literatur[ännern | Bornkood ännern]

  • Johann-Günther König: Fischerhude. Die Geschichte eines Dorfes. Brockkamp Verlag, Bremen 1982, rutgeven von: Freundeskreis Fischerhude e. V., ISBN 3922496407
  • Jürgen Schultze (Rutgever), Johann-Günther König, Günter Busch, Gerhard Gerkens: Künstler in Fischerhude. Brockkamp Verlag, Bremen 1984, ISBN 3922496601

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 75
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 186
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Hu’e (Landkreis Veern). Mehr Biller, Videos oder Audiodateien to’t Thema gifft dat bi Wikimedia Commons.