Booköss
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 4,30 km² | |
| Inwahners: | 1.037 (30. Juni 2016) | |
| Inwahnerdicht: | 241,2 Inwahners pro km² | |
| Postleettall: | 28876 | |
| Vörwahl: | 04207 | |
| Geograafsche Laag: | Koordinaten:53° 4′ N, 9° 2′ O53° 4′ N, 9° 2′ O | |
 | ||
|
| ||
Booköss (hoochdüütsch Bockhorst) is en Dörp in de Gemeen Eiten in’n Landkreis Veern, Neddersassen. Binnen de Gemeen billt de Oort en egen polietsche Oortschop.
Geografie
[ännern | Bornkood ännern]De Oort liggt op’n Rand von de Achem-Veerner Geest na dat Moor langs de Wümm, de mit ehren Süüdarm dree Kilometer in’n Noorden langsflütt. Dat Water ut dat Rebeed flütt över Gravens na de Wümm hen af.
De Naveröörd sünd Bre’enmoor, Hu’e un de Baaksbarg in’n Noordoosten, Köbens, Bornmoor un dat Bookösser Möhlendoor in’n Oosten, Schaaphusen in’n Süüdoosten, Eitermöhlen in’n Süden, Eiten in’n Süüdwesten un Sao’ern in’n Noordwesten.
Historie
[ännern | Bornkood ännern]De Oort kummt 1236 toeerst in en Oorkunn vör, in de de Greev von Stotel Gerbert den Teegden in Booköss an dat Klooster Leendaal överdriggt.[1] De Naam kummt von Book- (as in Bookecker för den Bökenboom) un -horst.
To dat Dörp höört de lüttjeren Oortsdelen Bookösser Wümm, Bookösser Möhlendoor un Eitermöhlen mit to.
In’n Eersten Weltkrieg sünd teihn Soldaten ut Booköss fullen oder vermisst un in’n Tweten Weltkrieg 13.[2]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Oostvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.
De Oort hett in dat 19. Johrhunnert mit de Hüüs an de Bookösser Wümm un dat Bookösser Möhlendoor tohoop en Buurschop billt un later en egenstännige Gemeen. De Gemeen is an’n 1. Januar 1963 Deel von de Gemeen Eiten worrn. Dat Rebeed billt nu binnen de Gemeen Eiten en Oortschop mit egen Oortsvörsteiher.
Inwahnertall
[ännern | Bornkood ännern]| Johr | Inwahners |
|---|---|
| 1791[3] | 10 Füürsteden |
| 1812[4] | 130 |
| 1824[5] | 10 Füürsteden |
| 1848[6] | 130 Lüüd, 21 Hüüs |
| 1. Dezember 1871[7] | 122 Lüüd, 19 Hüüs |
| 1. Dezember 1885[8] | 137 Lüüd, 24 Hüüs |
| 1. Dezember 1905[9] | 137 Lüüd, 21 Hüüs |
| 1. Dezember 1910[10] | 236* |
| 1925[11] | 259* |
| 1933[11] | 254* |
| 1939[11] | 247* |
- * tohoop mit Bookösser Wümm, Bookösser Möhlendoor un Eitermöhlen
Religion
[ännern | Bornkood ännern]Booköss is evangeelsch-luthersch präägt un höört to dat Kaspel von de Petrus-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.
För de Kathoolschen is de St.-Matthias-Kark in Achem tostännig.
Oortsvörsteihers
[ännern | Bornkood ännern]- –2001: Günter Bischoff
- 2001–: Bernhard Barning
- opstunns: Johann Bollmann
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Eiten bi de Kark.
Weertschop un Infrastruktur
[ännern | Bornkood ännern]För Booköss is de freewillige Füürwehr Eiten mit tostännig.
Verkehr
[ännern | Bornkood ännern]Booköss is in’n Westen an de Kreisstraat 2 anbunnen, de in’n Noordoosten över Sao’ern un Hu’e na Quelkhoorn an de Landsstraat 154 ran löppt un in’n Süden na Eiten an de Landsstraten L 168 un L 167. De L 168 geiht in’n Westen na de Bremer Stadtdelen Oosterholt un Hemeln un in’n Noordoosten na Schaaphusen, Bassen un Otterbarg. De L 167 föhrt in’n Süden över Emßen na Achem.
De nächste Autobahn is de Autobahn 1 (Afsnidd Bremen–Hamborg). De Opfohrt 52 Eiten liggt so dree Kilometer in’n Süden von Booköss an de L 167.
De nächste Bahnhoff is so bi dree Kilometer wied weg in’n Noordwesten de Bahnhoff Sao’ern an de Bahnlien Hamborg–Bremen.
Scholen
[ännern | Bornkood ännern]De Kinner ut Booköss gaht deelwies na de Grundschool Sao’ern, deelwies na de Grundschool Bassen.
Footnoten
[ännern | Bornkood ännern]- ↑ Johannes Grote: 800 Jahre Oyten. Besiedlung und Entwicklung eines Geestdorfes. Heimatvereen Eiten, 2013, Sied 13
- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 27
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 66
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
[ännern | Bornkood ännern]
Bassen | Booköss | Eiten-Noord | Eiten-Süüd | Eiterdamm | Meyerdamm | Sao’ern | Schaaphusen