Bre’enmoor

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Bre’enmoor
Laag vun Bre’enmoor in Düütschland
Basisdaten
Bundsland: Neddersassen
Landkreis: Veern
Gemeen: Eiten
Inwahners:
Postleettall: 28876
Vörwahl: 04207
Geograafsche Laag:
Koordinaten:53° 5′ N, 9° 4′ O
53° 5′ N, 9° 4′ O

Bre’enmoor (hoochdüütsch Breitenmoor) is en lütten Oort in de Gemeen Eiten in’n Landkreis Veern, Neddersassen. Binnen de Gemeen höört de Oort to de polietschen Oortschoppen Bassen un Schaaphusen.

Geografie[ännern | Bornkood ännern]

De Oort liggt an’n Rand von de Achem-Veerner Geest un dat Moor an de Wümm. Dat Water ut dat Rebeed flütt över’n Bassener Möhlengraven na’n Süüdarm von de Wümm hen af.

De Naveröörd sünd Baaksbarg un Hu’e in’n Noorden, Nadah, Köbens, Egypten, Brammer un Brillkamp in’n Oosten, Bassen un Bassenergrund in’n Süden, Schaaphusen in’n Süüdwesten un Möhlendoor, Booköss un Sao’ern in’n Westen.

Historie[ännern | Bornkood ännern]

De Oort Bre’enmoor kummt in dat 19. Johrhunnert toeerst in ole Böker vör.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Oostvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.

De Hööv von Bre’enmoor weren opdeelt op de veer Gemenen Bassen, Sao’ern, Eiten un Schaaphusen un hebbt dormit de veer Oortsdelen Bassener Bre’enmoor, Eiter Bre’enmoor, Sao’erner Bre’enmoor un Schaaphuser Bre’enmoor billt.

Eiter Bre’enmoor weer en Exklaav un nich direkt mit dat Rebeed von Eiten verbunnen. Dorüm is düsse Oortsdeel 1926 in de Gemeen Bassen wesselt. Eiter Bre’enmoor warrt vondaag ok Bornmoor nöömt.

Sao’ern is 1963 Deel von de Gemeen Eiten worrn un Schaaphusen 1968. Mit de Gemeenreform in Neddersassen an’n 1. Juli 1972 sünd de Gemenen Bassen un Eiten denn in de Gemeen Eiten tohoopgahn. Sietdem höört Bre’enmoor binnen de Gemeen to de Oortschoppen Bassen un Schaaphusen. Dat Sao’erner Bre’enmoor höört vondaag to de Oortschop Schaaphusen mit to.

Inwahnertall[ännern | Bornkood ännern]

Bre’enmoor (allens tohoop):

Johr Inwahners
1812-00-001812[1] 104

Bassener Bre’enmoor:

Johr Inwahners
1848-00-001848[2] 2 Lüüd. 1 Huus
1871-12-011. Dezember 1871[3] 8 Lüüd. 1 Huus
1885-12-011. Dezember 1885[4] 24 Lüüd. 4 Hüüs
1905-12-011. Dezember 1905[5] 6 Lüüd. 1 Huus

Eiter Bre’enmoor:

Johr Inwahners
1848-00-001848[6] 63 Lüüd. 10 Hüüs
1871-12-011. Dezember 1871[7] 42 Lüüd. 9 Hüüs
1885-12-011. Dezember 1885[8] 55 Lüüd. 9 Hüüs
1905-12-011. Dezember 1905[9] 57 Lüüd. 9 Hüüs

Sao’erner Bre’enmoor:

Johr Inwahners
1848-00-001848[10] 53 Lüüd. 10 Hüüs
1871-12-011. Dezember 1871[11] 53 Lüüd. 11 Hüüs
1885-12-011. Dezember 1885[12] 55 Lüüd. 10 Hüüs
1905-12-011. Dezember 1905[13] 49 Lüüd. 9 Hüüs

Religion[ännern | Bornkood ännern]

Bre’enmoor is evangeelsch-luthersch präägt un höört to dat Kaspel von de Petrus-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.

För de Kathoolschen is de St.-Matthias-Kark in Achem tostännig.

Weertschop un Infrastruktur[ännern | Bornkood ännern]

För Bre’enmoor sünd de freewillige Füürwehrn Bassen un Eiten tostännig.

Verkehr[ännern | Bornkood ännern]

Bre’enmoor is in’n Süden an de Landsstraat 168 anbunnen, de in’n Westen na Eiten un na de Bremer Oortsdelen Oosterholt un Hemeln geiht un in’n Noordoosten na Bassen un Otterbarg. In’n Noorden is Bre’enmoor verbunnen mit de Kreisstraat 2, de wiedergeiht na Hu’e un Quelkhoorn an de L 154.

De nächste Autobahn is de Autobahn 1 (Afsnidd BremenHamborg). De Opfohrt 52 Eiten liggt so fiev Kilometer in’n Süüdwesten von Bre’enmoor an de L 167.

De nächste Bahnhoff is knapp fiev Kilometer wied weg in’n Noordwesten de Bahnhoff Sao’ern an de Bahnlien Hamborg–Bremen.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
  6. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 143
  7. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
  9. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3
  10. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 143
  11. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
  12. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
  13. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3