Tüchten

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Tucht.

Wapen/Flagg Koort
hett keen Wapen
Tüchten
Laag vun Tüchten in Düütschland
Basisdaten
Bundsland: Neddersassen
Landkreis: Veern
Gemeen: Eiten
Inwahners:
Postleettall: 28876
Vörwahl: 04297
Geograafsche Laag:
Koordinaten:53° 4′ N, 9° 8′ O
53° 4′ N, 9° 8′ O

Tüchten (hoochdüütsch Tüchten) is en Dörp in de Gemeen Eiten in’n Landkreis Veern, Neddersassen. Binnen de Gemeen Eiten höört de Oort to de polietsche Oortschop Bassen.

Geografie[ännern | Bornkood ännern]

De Oort liggt op’n Rand von de Achem-Veerner Geest hen na dat Moor. Dat Water flütt över Gravens na de Wümm hen af.

De Naveröörd sünd Brammer un Kasshoope in’n Noorden, Wümmingen un Rootlook in’n Noordoosten, Middeldörp in’n Oosten, Schanzendörp un Giersdörp in’n Süüdoosten, Bauermoor un Groten Hollen in’n Süüdwesten un Bassen in’n Westen.

Historie[ännern | Bornkood ännern]

In Tüchten sünd üm 1930 rüm ünner annern 75 Urnengräver ut de Iesentied funnen worrn.

De Hoff von de Ridders von Dube weer fröher en Eddelhoff.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Oostvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.

De Oort weer von öllers Deel von de Gemeen Bassen. Bassen is an’n 1. Juli 1972 mit de Gemeenreform in Neddersassen Deel von de Gemeen Eiten worrn. Sietdem höört Tüchten binnen de Gemeen to de Oortschop Bassen.

Inwahnertall[ännern | Bornkood ännern]

Johr Inwahners
1791-00-001791[2] 5 Füürsteden
1812-00-001812[3] 50
1824-00-001824[4] 5 Füürsteden
1848-00-001848[5] 49 Lüüd. 9 Hüüs
1871-12-011. Dezember 1871[6] 45 Lüüd. 8 Hüüs
1885-12-011. Dezember 1885[7] 43 Lüüd. 9 Hüüs
1905-12-011. Dezember 1905[8] 54 Lüüd. 9 Hüüs

Religion[ännern | Bornkood ännern]

Tüchten is evangeelsch-luthersch präägt un höört to dat Kaspel von de Petrus-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.

För de Kathoolschen is de St.-Matthias-Kark in Achem tostännig.

Weertschop un Infrastruktur[ännern | Bornkood ännern]

För Tüchten is de freewillige Füürwehr Bassen mit tostännig.

Verkehr[ännern | Bornkood ännern]

Tüchten is över lüttjere Straten anbunnen an de L 168 in’n Noordwesten, de L 155 in’n Noordoosten un de K 5 in’n Süüdwesten.

De nächste Autobahn is de Autobahn 1 (Afsnidd HamborgBremen), de weniger as een Kilometer in’n Noorden von’n Oort langslöppt. De Opfohrt 51 Posthusen liggt so veer Kilometer in’n Noordoosten von Tüchten an de L 155.

De nächste Bahnhoff is so bi fiev Kilometer wied weg in’n Noorden de Bahnhoff Otterbarg an de Bahnlien Hamborg–Bremen.

Literatur[ännern | Bornkood ännern]

Footnoten[ännern | Bornkood ännern]

  1. Johannes Grote: 800 Jahre Oyten. Besiedlung und Entwicklung eines Geestdorfes. Heimatvereen Eiten, 2013, Sied 13
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 230
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 604
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2