Bassenerwümm
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28876 | |
| Vörwahl: | 04293 | |
| Geograafsche Laag: | Koordinaten:53° 6′ N, 9° 5′ O53° 6′ N, 9° 5′ O | |
|
| ||
Bassenerwümm (hoochdüütsch Bassenerwümme) is en lütten Oort in de Gemeen Eiten in’n Landkreis Veern, Neddersassen. Binnen de Gemeen höört de Oort to de polietsche Oortschop Bassen.
Geografie
[ännern | Bornkood ännern]De Oort liggt in dat siede Rebeed twüschen den Süüdarm un den Noordarm von de Wümm.
De Naveröörd sünd de Breednau in’n Noorden, Kamp un Otterbarg in’n Noordoosten, Otterbarg-Bahnhoff in’n Oosten, Nadah, Egypten un Brillkamp in’n Süüdoosten, Köbens un Bre’enmoor in’n Süden, Möhlendoor, Booköss un Sao’ern in’n Süüdwesten un Baaksbarg un Hu’e in’n Noordwesten.
Historie
[ännern | Bornkood ännern]Bassenerwümm is as Harderhuus anleggt worrn, in dat de Harder leevt hett, de op dat Veh oppasst hett, dat de Lüüd von de Geest hier op de Weiden an de Wümm lopen harrn.[1] 250 Johr lang hett de Familie Rechten op’n Hoff leevt.[1]
Verwaltungsgeschicht
[ännern | Bornkood ännern]De Oort hett vör 1852 to de Oostvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.
De Oort hett von öllers bi de Gemeen Bassen mit bihöört. De Gemeen Bassen is an’n 1. Juli 1972 mit de Gemeenreform in Neddersassen Deel von de Gemeen Eiten worrn.
Inwahnertall
[ännern | Bornkood ännern]| Johr | Inwahners |
|---|---|
| 1848[2] | 8 Lüüd, 1 Huus |
| 1. Dezember 1871[3] | 5 Lüüd, 1 Huus |
| 1. Dezember 1885[4] | 6 Lüüd, 1 Huus |
| 1. Dezember 1905[5] | 5 Lüüd, 1 Huus |
Religion
[ännern | Bornkood ännern]Bassenerwümm is evangeelsch-luthersch präägt un höört to dat Kaspel von de Petrus-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.
För de Kathoolschen is de St.-Matthias-Kark in Achem tostännig.
Weertschop un Infrastruktur
[ännern | Bornkood ännern]För Bassenerwümm is de freewillige Füürwehr Bassen mit tostännig.
Verkehr
[ännern | Bornkood ännern]In’n Westen löppt de Kreisstraat 2 dör Baaksbarg, de in’n Noorden na Hu’e un Quelkhoorn un dor an de Landsstraat 154 ran geiht un in’n Süüdwesten över Sao’ern na Eiten an de Landsstraten L 168 un L 167. De L 154 föhrt von Quelkhoorn in’n Noordwesten na Leendaal un in’n Oosten na Otterbarg, Söttmer un Rodenborg. De L 167 geiht von Eiten in’n Süden na Achem.
De nächste Autobahn is de Autobahn 1 (Afsnidd Bremen–Hamborg). De Opfohrt 52 Eiten liggt so negen Kilometer in’n Süüdwesten von Bassenerwümm an de L 167.
De nächste Bahnhoff is so bi fiev Kilometer wied weg in’n Süüdwesten de Bahnhoff Sao’ern an de Bahnlien Hamborg’Bremen.
Scholen
[ännern | Bornkood ännern]De Kinner ut Bassenerwümm gaht na de Grundschool Bassen. Ok ganz fröher al sünd de Kinner in Bassen na de Volksschool gahn.
Footnoten
[ännern | Bornkood ännern]- ↑ a b Johannes Grote: 800 Jahre Oyten. Besiedlung und Entwicklung eines Geestdorfes. Heimatvereen Eiten, 2013, Sied 10
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
Baaksbarg | Bassen | Bassener Bre’enmoor | Bassenergrund | Bassenerkamp | Bassenerwümm | Bornmoor | Brammer | Brillkamp | Dohm | Egypten | Groten Hollen | Heinsbarg | Hoffstall | Kasshoope | Lüttjen Hollen | Nadah | Petershollen | Tüchten
