Petershollen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28876 | |
| Vörwahl: | 04297 | |
| Geograafsche Laag: | Koordinaten:53° 4′ N, 9° 6′ O53° 4′ N, 9° 6′ O | |
|
| ||
Petershollen (hoochdüütsch Petershollen) is en lütten Oort in de Gemeen Eiten in’n Landkreis Veern, Neddersassen. Binnen de Gemeen Eiten höört de Oort to de polietsche Oortschop Bassen.
Geografie[ännern | Bornkood ännern]
De Oort liggt op de Achem-Veerner Geest. Dat Water ut dat Rebeed flütt över’n Bassener Möhlengraven na de Wümm hen af.
De Naveröörd sünd Brammer un Kasshoope in’n Noorden, Tüchten in’n Oosten, Schanzendörp un Giersdörp in’n Süüdoosten, Groten Hollen un Bauermoor in’n Süden, Lüttjen Hollen un Üserdicken in’n Süüdwesten un Bassen in’n Noordwesten.
Historie[ännern | Bornkood ännern]
De eersten Hüüs von Petershollen sünd in dat 19. Johrhunnert boot worrn.
Verwaltungsgeschicht[ännern | Bornkood ännern]
De Oort hett bet 1885 to dat Amt Achem tohöört. Na 1885 weer dat in’n Kreis Achem. 1932 is dat Deel von’n Kreis Veern worrn.
De Oort weer von öllers Deel von de Gemeen Bassen. Bassen is an’n 1. Juli 1972 mit de Gemeenreform in Neddersassen Deel von de Gemeen Eiten worrn. Sietdem höört Petershollen binnen de Gemeen to de Oortschop Bassen.
Inwahnertall[ännern | Bornkood ännern]
| Johr | Inwahners |
|---|---|
| 1. Dezember 1885[1] | 24 Lüüd, 4 Hüüs |
| 1. Dezember 1905[2] | 32 Lüüd, 5 Hüüs |
Religion[ännern | Bornkood ännern]
Petershollen is evangeelsch-luthersch präägt un höört to dat Kaspel von de Petrus-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.
För de Kathoolschen is de St.-Matthias-Kark in Achem tostännig.
Weertschop un Infrastruktur[ännern | Bornkood ännern]
För Petershollen is de freewillige Füürwehr Bassen mit tostännig.
Verkehr[ännern | Bornkood ännern]
An Petershollen langs löppt de Kreisstraat 5, de in’n Süüdoosten över Schanzendörp, Giersdörp un Middeldörp na Postdörp an de L 155 geiht un in’n Westen an de Landsstraat 156 ran. De L 156 föhrt in’n Noorden na Bassen an de L 168 ran un in’n Süüdwesten na Üsen an de L 158 un von dor wieder na Thänhusen. De L 168 wedder löppt von Bassen in’n Noordoosten na Otterbarg un Stuckenbossel un von dor as Bundsstraat 75 wieder na Söttmer un Rodenborg un in’n Westen över Schaaphusen na Eiten un na de Bremer Oortsdelen Oosterholt un Hemeln.
De nächste Autobahn is de Autobahn 1 (Afsnidd Bremen–Hamborg), de direkt an Petershollen langs löppt. De Opfohrt 52 Eiten liggt aver so söven Kilometer wied weg in’n Westen an de L 167. Dichter bi is de Opfohrt 24 Achem-Oost op de A 27 (Afsnidd Bremen–Wasra), de blots söss Kilometer in’n Süüdwesten liggt.
De nächsten Bahnhööv sünd de Bahnhoff Achem so bi acht Kilometer wied weg in’n Süüdwesten an de Bahnlien Bremen–Wunsdörp un de Bahnhoff Otterbarg söven Kilometer in’n Noordoosten an de Bahnlien Hamborg–Bremen.
Literatur[ännern | Bornkood ännern]
- Christel Barning, Elisabeth Schnakenberg: Bassen – Geschichte und Geschichten von 1259 bis heute. Atelier im Bauernhaus, Hu’e 2013, ISBN 978-3881321075
Footnoten[ännern | Bornkood ännern]
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
Baaksbarg | Bassen | Bassener Bre’enmoor | Bassenergrund | Bassenerkamp | Bassenerwümm | Bornmoor | Brammer | Brillkamp | Dohm | Egypten | Groten Hollen | Heinsbarg | Hoffstall | Kasshoope | Lüttjen Hollen | Nadah | Petershollen | Tüchten