Stuckenbossel

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Stuckenbossel
Laag vun Stuckenbossel in Düütschland
Basisdaten
Bundsland: Neddersassen
Landkreis: Rodenborg
Samtgemeen: Söttmer
Gemeen: Söttmer
Flach: 2,90 km²
Inwahners:
Hööchd: 15 m över NN
Postleettall: 27367
Vörwahl: 04264
Geograafsche Laag:
Koordinaten:53° 6′ N, 9° 11′ O
53° 6′ N, 9° 11′ O

Watermöhl in Stuckenbossel

Stuckenbossel (hoochdüütsch Stuckenborstel) is en Dörp in de Gemeen Söttmer (Samtgemeen Söttmer) in’n Landkreis Rodenborg, Neddersassen.

Geografie[ännern | Bornkood ännern]

An’n Süüdrand von’n Oort flütt de Wiest langs. De Loop von de Wiest is as Naturschuulrebeed Wiestdaal schuult.

De Naveröörd sünd Reeßen un Clüversbossel in’n Noordoosten, Söttmer un de Barkhoff in’n Oosten, Evernhusen in’n Süden, Hemelbarg un Dodenbarg in’n Süüdwesten, Otterbarg in’n Westen un Eckstever un Otterst in’n Noordwesten.

Historie[ännern | Bornkood ännern]

De Oort kummt in dat 13. Johrhunnert as stutenburstolt toeerst in de Oorkunnen vör. De Naam von’n Oort schall woll von stuke (Stubben) un -bossel kamen. In dat Dörp leeg ok dat Good Stuckenbossel.

De Watermöhl Stuckenbossel is toeerst 1631 boot worrn, de hüdige Möhl is von 1790.

De Bahnlien Hamborg–Bremen is in de Tied 1870 bet 1873 boot worrn. De Boarbeiden för de Autobahn 1 bi Stuckenbossel hebbt 1934 anfungen. To’n 25. Juli 1936 is de Afsnidd von Eiten bet Zittens denn inwieht worrn. De Opfohrt in Stuckenbossel is aver eerst in’n November 1938 trech worrn.[1]

In de Franzosentied von 1810 bet 1814 hett de Oort to de Mairie Horß in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to dat Amt Otterbarg tohöört un is 1859 denn in dat Amt Rodenborg wesselt. Na 1885 weer dat in’n Kreis Rodenborg. 1977 is dat Deel von’n ne’en, grötteren Kreis Rodenborg worrn.

De Gemeen Stuckenbossel is 1969 Maat von de Samtgemeen Söttmer worrn. Mit de Gemeenreform in Neddersassen an’n 1. März 1974 is Stuckenbossel tohoop mit Evernhusen Deel von de Gemeen Söttmer worrn.

In’n Eersten Weltkrieg sünd 9 Soldaten ut Stuckenbossel fullen oder vermisst un in’n Tweten Weltkrieg 28.[2]

Inwahnertall[ännern | Bornkood ännern]

Johr Inwahners
1812-00-001812[3] 65
1824-00-001824[4] 18 Füürsteden
1848-00-001848[5] 116 Lüüd. 23 Hüüs
1871-12-011. Dezember 1871[6] 152 Lüüd. 28 Hüüs
1910-12-011. Dezember 1910[7] 196
1925-00-001925[8] 186
1933-00-001933[8] 197
1939-00-001939[8] 206

Religion[ännern | Bornkood ännern]

Stuckenbossel is evangeelsch-luthersch präägt un höört to dat Kaspel von de Georg-Kark in Söttmer.

Börgermeesters[ännern | Bornkood ännern]

[9]

  • –1853: Friedrich Scheele
  • 1853–1868: Philipp Hinrich Meyer
  • 1868–1880: Johann Sackmann
  • 1880–1919: Diedrich Johann Dohrmann
  • 1919–1923: Diedrich Lindes
  • 1923–1945: Johann Köhnken
  • 1945–1949: Heinrich Röhrs
  • 1949–1964: Johann Sackmann
  • 1964–1974: Karl-Heinz Buthmann

Kultur[ännern | Bornkood ännern]

In’n Oort steiht en Denkmaal för de Fullenen ut de twee Weltkrieg’. Dat Denkmaal för de Fullenen ut’n Eersten Weltkrieg is 1920 opstellt worrn.[10]

Verenen[ännern | Bornkood ännern]

Stuckenbossel hett en egene freewillige Füürwehr, de 1936 grünnt worrn is, nadem dat vörher blots en Plichtfüürwehr geven hett. De Dörpvereen Stuckenbossel is an’n 11. April 2007 grünnt worrn.

Weertschop un Infrastruktur[ännern | Bornkood ännern]

Elektrischen Stroom hett de Oort 1920 kregen.[10]

Verkehr[ännern | Bornkood ännern]

Dör Stuckenbossel löppt de Landsstraat 168, de in’n Westen na Otterbarg löppt un in’n Oosten in de Bundsstraat 75 övergeiht, de na Söttmer un Rodenborg föhrt. Ans gifft dat Straten na Hemelbarg un Reeßen.

Direkt an’n Oort langs löppt de Autobahn 1. De Opfohrt 50 driggt den Naam Stuckenbossel un liggt direkt bi’n Oortsingang in’n Oosten von dat Dörp.

De nächste Bahnhoff is so bi fiev Kilometer wied weg in’n Süüdoosten in Söttmer an de Bahnlien Hamborg–Bremen.

Scholen[ännern | Bornkood ännern]

De Kinner ut Stuckenbossel gaht na de Grundschool Söttmer. Na de 4. Klass wesselt de Kinner op de Oberschool Söttmer oder op dat Gymnasium Söttmer.

Fröher harr de Oort en egen Volksschool. De weer eerst en Wannerschool ümschichtig in de Buurnhüüs un later op dat Good Stuckenbossel ünnerbrocht. In’n Oktober 1908 is denn dat eerste egene Schoolhuus in dat Dörp trech worrn. De School is 1975 en Butensteed von de Grundschool Söttmer worrn un hett in de Johren 1980 ganz dichtmaakt. Sietdem mööt de Kinner ut Stuckenbossel in Söttmer na School. In de fröhere Volksschool in Stuckenbossel is vondaag en Kinnergoorn ünnerbrocht.

Lüüd[ännern | Bornkood ännern]

De plattdüütsche Schriever Gustav Könsen is 1905 na Stuckenbossel tagen un hett dor in de Tied von’n Tweten Weltkrieg bet to sien Dood 1957 ok wedder leevt. Na em is ok de Gustav-Könsen-Straat in dat Dörp nöömt worrn.

Footnoten[ännern | Bornkood ännern]

  1. http://www.stuckenborstel.de/dorf/historie/bau-der-autobahn/
  2. http://www.denkmalprojekt.org/dkm_deutschland/sottrum-stuckenborstel_wk1u2_ns.htm
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 97: http://books.google.de/books?id=Q 5OAAAAcAAJ&pg=PA97
  4. C. H. Jansen: Statistisches Handbuch des Königreichs Hannover. 1824, Sied 586: http://books.google.de/books?id=tG0AAAAAcAAJ&pg=PA586
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168: https://books.google.de/books?id=qTZDAQAAMAAJ&pg=RA2-PA168
  7. http://www.gemeindeverzeichnis.de/gem1900/gem1900.htm?hannover/rotenburg.htm
  8. a b c http://www.verwaltungsgeschichte.de/rotenburg.html
  9. http://www.stuckenborstel.de/dorf/persoenlichkeiten/
  10. a b http://www.ff-stuckenborstel.de/der_ort_stuckenborstel.htm

Weblenken[ännern | Bornkood ännern]