Gymnasium Söttmer

Vun Wikipedia
Zur Navigation springen Zur Suche springen

Dat Gymnasium Söttmer is en School in de Schillerstraat 11 in Söttmer. Dreger von dat Gymnasium is de Samtgemeen Söttmer.

Dor gaht Schölers ut de ganze Samtgemeen Söttmer hen.

Historie[ännern | Bornkood ännern]

Dat Gymnasium is 2004 grünnt worrn. Vörher güngen de Schölers ut de Samtgemeen Söttmer na dat Raadsgymnasium Rodenborg. In’t Schooljohr 2004/2005 füng de School mit acht Klassen in de 5., 6. un 7. Klass an. De School weer toeerst as Middelstufengymnasium utleggt. Later hett denn de Schoolutschuss von’n Landkreis Rodenborg ok en Oberstufe genehmigt. Na de Oberstufe gaht ok Schölers von dat Middelstufengymnasium Otterbarg. De Opbophaas von de Middelstufe weer in dat Schooljohr 2007/2008 toenn. Siet dat Schooljohr 2014/2015 doot an de School 50 Schoolmeesters üm un bi 550 Schölers ünnerrichten. De 5. bet 10. Klass hebbt dree Klassen. De Oberstufe is so breed opstellt, dat Wahlmööglichkeiten bestaht, de ok gröttere Gymnasien anbeedt (ünner annern Leistungskurse in Latien, Geschicht, Religion oder Chemie un Physik).

Ünnerricht[ännern | Bornkood ännern]

Dat Gymnasium büddt de Frömdspraken Engelsch, Latien, Franzöösch un Spaansch an.

De School hett Fachrüüm för de Fächer Physik, Chemie, Biologie, Kunst un Musik un en Computerruum mit 18 PCs. De School hett tosätzlich dree mobile Medienstatschonen, de in de Klassenrüüm insett warrn köönt. De Bibliothek warrt von Öllern un Schölers bedreven un ünnerstütt.

Schöleruttuusch[ännern | Bornkood ännern]

In dat Fach Franzöösch gifft dat twee Uttuuschprogramme mit Scholen in St. Amarin (Frankriek) un Québec (Kanada).

Fördervereen[ännern | Bornkood ännern]

De Fördervereen för dat Gymnasium is al in’n Februar 2004 grünnt worrn, noch bevör de School ehren Bedriev opnahmen hett. De Vereen ünnerstütt Schoolprojekte, Klassenfohrten un de Bibliothek.

Gebüüd[ännern | Bornkood ännern]

Dat Gebüüd von de School is 2001 för de Orientierungsstufe un de Grundschool Söttmer Süüd (nu Morgenstern-Grundschool) boot worrn. In’n Harvst 2004 is de Fachruumtrakt trech worrn. De Klassentrakt is in’n Sommer 2005 üm veer Klassenrüüm vergröttert worrn un to dat Schooljohr 2007/2008 sünd an dat Schoolgebüüd veer Klassenrüüm, en Cafeteria, en Kiosk un en grote Pausenhall (Forum) mit en lüttje Bühn anboot worrn.

Schoolbaas[ännern | Bornkood ännern]

  • 2004–31. Juli 2014: Franz Wenzl
  • 1. August 2014–: Ferdinand Pals

Weblenken[ännern | Bornkood ännern]


Koordinaten:53° 6′ N, 9° 15′ O