Söttmer

Vun Wikipedia
Wapen/Flagg Koort

Wapen vun Söttmer

Söttmer
Laag vun Söttmer in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Söttmer
Flach: 28,58 km²
Inwahners: 6692 (31. Dezember 2022)
Hööchd: 20 m över de See
Postleettall: 27367
Vörwahl: 04264
Geograafsche Laag:
Koordinaten:53° 7′ N, 9° 13′ O
53° 7′ N, 9° 13′ O
Grenzen bi OSM: 965603 965603
Gemeenslötel: 03 3 57 045
Öörd in de Gemeen: 3
Börgermeester: Christa Kirchhof (SPD)
Websteed: www.sottrum.de
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Söttmer in’n Landkreis Rodenborg (Koort lett sik anklicken)

Söttmer is en Oort un Gemeen in de Samtgemeen Söttmer in’n Landkreis Rodenborg (Wümm) mit 6692 Inwahners (Stand 31. Dezember 2022). To de Gemeen tellt blangen den Karnoort Söttmer sülvst ok de Oortsdelen Evernhusen un Stuckenborstel.

Geografie[ännern | Bornkood ännern]

De Gemeen Söttmer billt den Karnoort vun de Samtgemeen Söttmer. Westlich vun Söttmer liegt de Oortsdeel Stuckenborstel und dorvon wieter na Süüdwesten de Oortsdeel Evernhusen. De Gemeen liggt an’n süüdwestlichen Rand vun’n Landkreis un grenzt in’n Westen an’n Flecken Otterbarg an, de to’n Landkreis Veern höört. De wieteren Navergemenen höört to de Samtgemeen Söttmer. Na Noorden is dat Reeßen un Hassendörp na’n Oosten hen. In’n Süüden vun Söttmer liggt de Gemeen Hellweeg.

De Landschop warrt prägt dör de beiden Strööm Wümm un Wiest un bargt veel Moorland un Wooldrebeden. Dat Sietland vun de Wiest is siet eenige Tiet sünners ok för den Tourismus vun Bedüden.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

Söttmer weer 1205 in en Överinkamen ünner den Naam Suthrem as Archidiakonat vun’t Veerner Doomkapitel nöömt. Dat is de öllste bekannte schriftliche Opteken vun den Oort. Man kann aver dorvun utgahn, dat de Oort al veel öller is. Wohrschienlich weer Söttmer al üm 800 rüm bewahnt un vermodt warrt ok, dat sik dor en Thingsteed befunnen hett. De Entwickeln vun den Oort is stark mit de Historie vun de Kark verbunnen. As in Söttmer üm 1200 rüm al en Synodalkark stahn hett, warrt vun Historikers glöövt, dat dor – blangen Scheeßl – een vun de eersten Karken in’t Sassenland boet worrn is.

De Naam Söttmer geiht op dat Woort suthar torüch, dat „süüdlich“ bedüden deit. Dat weer also de Oort de süüdlich liggen de. As dorto hören nöördliche Wahnsteed warrt dat negen Kilometer wieter nöördliche Narbn (Nartum) ansehn.

Dat Hannoberaner Land, to dat Söttmer höört hett, weer 1801 vun de Preußen besett. Twee Johren later keem aver Napoléon mit sien Truppen na Söttmer. Sien hööchsten Offizeeren harrn hier jemehr Hööftquarteer. 1806 hett Napoléon Hannober aver wedder an Preußen torüchgeven. Ut de Gegend vun Söttmer sünd dormols vele junge Lüüd dwangswies in de Armee vun Napoléon intogen worrn un müssen 1812 mit na Russland inmarscheeren. Vun 1811 bit 1814 höör dat Rebeet vun de hüütige Gemeen to Frankriek un de Inwahners gelln as Franzosen. Dör de Befre’enskriegen (1813-1815) güng dat Land aver wedder torüch an Hannober, wat in de Twüschentiet en Königriek worrn is. An’n 3. Oktober 1866 is dat Königriek aver annekteert un oplööst worrn un dat Rebeet weer wedder preußisch.

Politik[ännern | Bornkood ännern]

Gemeenraat[ännern | Bornkood ännern]

De Gemeenraat vun Söttmer besteiht ut 19 Lüüd, de sik siet de letzten Kommunalwahl vun’n September 2011 as folgt tohopensett:

Partei 2016 2011 2006
CDU 9 7 6
SPD 4 5 5
Bündnis 90/De Grönen 3 5 3
FDP 3 2 3

Börgermeester[ännern | Bornkood ännern]

De Börgermeester vun de Gemeen Söttmer is Christa Kirchhof vun de SPD. Ehr eerste Viez is Jan-Christoph Oetjen vun de FDP, de tweete Viez is Siegfried Gässler, de bi de CDU is.

Wapen[ännern | Bornkood ännern]

Dat Wapen vun Söttmer hett de folgen Blasoneeren: De Wapenschild is root un wiest in de rechten Bövereck en swart Nagelkrüüz op sülvern Grund. Dorünner is to Hillige Georg in en golden Rüsttüüch un golden Lanz op’n sülvern Peerd mit golden Hoof un golden Toom to sehn, as he jüst en grönen Lindworm doodsteken deit.

De Samtgemeen Söttmer hett 1970 Verlööf kregen, dat Wapen vun de Gemeen Söttmer to övernehmen.

Gemeenpaatschoppen[ännern | Bornkood ännern]

Söttmer ünnerhollt Paatschoppen mit Sauveterre de Guyenne in Frankriek un mit Lubasz in Polen.

Kultur[ännern | Bornkood ännern]

In de Gemeen gifft dat en grote Tall an kulturelle un sportliche Verenen för de Freetietgestalten. För den Sport gifft dat in Söttmer en beheizt Freebad un en Sporthall. Blangen de DLRG-Oortsgrupp Söttmer gifft dat ü.a. den Rietvereen Söttmer un ümto, en Schüttenvereen, den Söttmerer Tennisclub e.V., en Kegelsportvereen, den Skaatclub Wiest-Trümp, de Angelgemeenschop Stuckenborstel, as ok de Bredensportverenen TV Söttmer un TSV Stuckenborstel.

Wietere kulturelle Verenen sünd to’n Bispeel de Dörpsvereen Stuckenborstel, de Ferienstrolche, de Freewillige Füerwehren in Söttmer un Stuckenborstel, de Jagdhoornbläsergrupp Sottrum un ümto, en Schachclub un de Frünnen vun olle Landmaschienen. To’n TV Sottrum höört butendem ok en Laientheatergrupp, de dat al siet 1946 gifft un de jeed Johr Anfang November wat vörspeelt.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör dat Rebeet vun de Gemeen Söttmer verlöppt de A 1, de mit de Opfohrt 50 Stuckenbossel en Anlusssteed hett. Vun dor is dat nich mehr wiet bit na Bremen, un na Noorden hen kummt een so ok gau na Hamborg. De Bahnlien Hamborg–Bremen warrt ok vun de Iesenbahn bedeent, de in Söttmer den Bahnhoff Söttmer hett.

Wiedere Stratenverbinnen in de Gemeen sünd de B 75, de vun Rodenborg (Wümm) kummt un dör Söttmer bit an de Anslussteed Stuckenbossel föhrt. Op den annern Siet vun de Autobahn föhrt de Straat as L 168 wieter na Otterbarg un över Bassen un Eiten wieder bit na Bremen. Vun Söttmer ut föhrt butendem de K 205 in Richt na Süden bit na Hellweeg un binnen Söttmer de K 201, de denn as K 204 wieder na Noorden na de Gemeen Reeßen verlöpt.

Scholen[ännern | Bornkood ännern]

Söttmer is de Standoort vun de Oberschool Söttmer, de Grundschool an’n Eekkamp un en Schoolzentrum mit de Morgenstern-Grundschool un dat Gymnasium Söttmer.

Ünnernehmens[ännern | Bornkood ännern]

Söttmer is de Seet von de Volksbank Wümm-Wiest.

Weblenken[ännern | Bornkood ännern]

Söttmer. Mehr Biller, Videos oder Audiodateien to’t Thema gifft dat bi Wikimedia Commons.