Gemeen Gnarrenborg

Vun Wikipedia
Wapen/Flagg Koort

Wapen vun Gnarrenborg

Gnarrenborg
Laag vun Gnarrenborg in Düütschland
Basisdaten
Bundsland: Neddersassen
Landkreis: Rodenborg
Flach: 122,91 km²
Inwahners: 9205 (31. Dezember 2022)
Hööchd: 10 m över de See
Postleettall: 27442
Vörwahl: 04763
Geograafsche Laag:
Koordinaten:53° 23′ N, 9° 0′ O
53° 23′ N, 9° 0′ O
Grenzen bi OSM: 1050510 1050510
Gemeenslötel: 03 3 57 016
Öörd in de Gemeen: 12
Börgermeester: Axel Renken (SPD)
Websteed: www.gnarrenburg.de
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Gemeen Gnarrenborg in’n Landkreis Rodenborg (Koort lett sik anklicken)
Dat Raadhuus von de Gemeen in de Bahnhoffstraat

Gnarrenborg (hoochdüütsch Gnarrenburg) is en Gemeen (Eenheitsgemeen) in’n Landkreis Rodenborg in Neddersassen mit 9205 Inwahners (Stand 31. Dezember 2022).

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Geografie[ännern | Bornkood ännern]

Dat Rebeet vun de Eenheitsgemeen liggt an’n Noordrand vun dat Düvelsmoor un stellt dorüm ok en Swoorpunkt för den Tourismus dor, de sik üm dat Moor afspeelt. Gnarrenborg is ok en Holltpunkt op de Iesenbahnlien „Moorexpress“, de Oosterholt-Scharmbeek un Bremervöör mitenanner verbinnt un vundaag tomeist blots noch för de Tourismus föhrt. Dat Gemeenrebeet warrt vun den Hamm-Oost-Kanaal dörtogen, de de beiden Strööm verbinnt un fröher för dat Belevern vun Bremen un Hamborg mit Törf dacht weer.

De Navergemenen sünd Basdaal un Örel in’n Noorden, Bremervöör in’n Noordoosten, Sandbossel un Sürsen in’n Oosten, Oostereis un Rhaar in’n Süüdoosten, Breddörp un Worpsweed in’n Süden, Vollerso in’n Süüdwesten, Holste in’n Westen un Beverst in’n Noordwesten.

Historie[ännern | Bornkood ännern]

De Gemeen Gnarrenborg is an’n 1. März 1974 ut de olen Gemenen Gnarrenborg, Barkhusen un Findörp tohoopleggt worrn. An’n 8. April 1974 kemen dor tosätzlich noch Brillit, Glinst, Korlshöben, Kuhs (mit den Oort Kuhstermoor, dat dor siet 1. März 1974 tohöört hett) un Langenhusen (mit de Öörd Augustendorp, Fohrendörp un Klenkendörp, de dor siet 1. März 1974 tohöört hebbt) to.

Inwahnertall[ännern | Bornkood ännern]

Johr Inwahners
1987-12-3131. Dezember 1987[1] 8.438
1992-12-3131. Dezember 1992[1] 8.749
1997-12-3131. Dezember 1997[1] 9.199
2002-12-3131. Dezember 2002[1] 9.473
2007-12-3131. Dezember 2007[1] 9.513
2012-12-3131. Dezember 2012[1] 9.179

Politik[ännern | Bornkood ännern]

De Eenheitsgemeen besteiht ut 12 Oortschoppen, de fröher enkelte Gemenen ween sünd, aver an’n 8. April 1974 bi de Gemeenreform in Neddersassen tohopenleggt worrn sünd.

Oortschoppen[ännern | Bornkood ännern]

Koort von de Oortschoppen, in de de Gemeen indeelt is

De Tallen geevt de Inwahnertallen an (Stand vun’n 1. Januar 2011):

Gemeenraad[ännern | Bornkood ännern]

Gemeenraad
Johr \ Partei Tall CDU SPD FDP WFB enkelt
2001 26 12 13 - 1 .
2006 24 10 11 1 2 -
2011 24 9 13 - 2 -
2016 24 9 11 1 2 1
Liddmaten
  • 2011:
    As Börgermeester: Axel Renken
    CDU: Kurt Buck, Roland Caillé, Detlef Cordes, Christina Gieschen, Hinrich Kackmann, Detlef Kück, Udo Poppe, Sven Riemstädt, Martin Wilshusen
    SPD: Heino Böttjer, Wiebke Düßmann-Kühn, Volker Kullik, Norbert Loock, Hans-Günther Lorenz, Hans Murken, Rosine Nolte, Hans-Martin Pingel, Stefan Prüß, Arnold Renken, Ralf Rimkus, Dieter Wellbrock
    WFB: Rainer Müller, Erwin Murken
    ahn Frakschoon: Johann Steffens (bet 2014 bi de SPD)

Börgermeesters[ännern | Bornkood ännern]

Tied Naam Partei
~1986 Adolf Otte
–2006 Ernst Bayer CDU
2006– Axel Renken SPD

Wapen un Flagg[ännern | Bornkood ännern]

Dat Wapen vun de Gemeen Gnarrenborg wiest en root zinnte Muer mit en Zinnentoorn över sülverne Bülgen. Dorünner is en twölfarmige Lilienhaspel to sehn.

Dat Wapen is vun den Stoder Synodl Klein plaant un vörleggt worrn un weer an’n 24. April 1978 vun’n Gemeenraat annahmen. De Annahm is an’n 23. Januar 1979 vun’n Landkreis Rodenborg bestätigt worrn.

De Muer över de Bülgenlien düüd op de Gnarrenborg hen, de an de Waterscheed legen hett un den Naam för de Oortschap un de Gemeen hergeven hett. De twölfarmige Lilienhaspel steiht för de twölf Gemenen, ut de sik de hüdige Eenheitsgemeen tohopensett. De Lilie warrt faken in de Volkskunst vun de Landschap verwennt, wo de Öört an’n Rand vun’n Moor oder as Folg vun de Moorkoloniseeern as Inseln in’t Moor leegt.

Partnerschoppen[ännern | Bornkood ännern]

De Gemeen hett siet 1990 en Partnerschop mit Baalberge in Sassen-Anholt.

Weertschop un Infrastruktur[ännern | Bornkood ännern]

Luftbild von dat Törfwark Gnarrenborg (2013)

De Hauptoord Gnarrenborg gellt na dat Regionale Ruumordnungsprogramm as Grundzentrum för de Öörd in de Ümgegend.

In de Gemeen Gnarrenborg befindt sik ünner annern de Zentraal vun den groten europääschen Lüchtenhersteller Brilliant. In Gnarrenborg liggt ok en Törf- un Humuswark, dat to dat Ünnernehmen Meiners ut Bössel höört.

Verkehr[ännern | Bornkood ännern]

Dör de Gemeen löppt de B 74, de Oosterholt-Scharmbeek mit Bremervöör verbinnt. De Gemeen warrt eenmol vun Glinst över Karlshöben un Gnarrenborg bit Kuhs vun de L 122 dörtogen, de na Süüdosten in de Samtgemeen Sürsen föhrt un wieter in’n Noorden an de B 71 ranlöppt.

Scholen[ännern | Bornkood ännern]

In de Gemeen gifft dat söss Kinnergoorns un Kinnerdaagsteden. Bito gifft dat de dree Grundscholen Koarlshöm, Kuhs un de Klenkendörper Möhl. In Gnarrenborg steiht de Oberschool Oost-Hamm-School.

Sport[ännern | Bornkood ännern]

In Gnarrenborg gifft dat en Dreefachhall för sportliche Aktivitäten. In’t Gemeenrebeet gifft dat butendem wietere veer Turnhallen, en Sportplatz un fief Footballplätz. In Koarlshöm besteiht op den öörtlich Flaagplatz (Flegerplatz Korlshöben) de Mööglichkeit för Sportflegeree. De Bahn is 700 m lang.

Footnoten[ännern | Bornkood ännern]

  1. a b c d e f http://www.nls.niedersachsen.de/

Weblenken[ännern | Bornkood ännern]

Gemeen Gnarrenborg. Mehr Biller, Videos oder Audiodateien to’t Thema gifft dat bi Wikimedia Commons.