Barkhusen (Gnarrenborg)
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 3,46 km² | |
| Inwahners: | 281 (31. Dezember 2011) | |
| Inwahnerdicht: | 81,2 Inwahners pro km² | |
| Postleettall: | 27442 | |
| Vörwahl: | 04763 | |
| Geograafsche Laag: | Koordinaten:53° 23′ N, 9° 1′ O53° 23′ N, 9° 1′ O | |
 | ||
|
| ||
Barkhusen (hoochdüütsch Barkhausen) is en Dörp in de Gemeen Gnarrenborg in’n Landkreis Rodenborg, Neddersassen.
Geografie
[ännern | Bornkood ännern]Barkhusen liggt in’t Düvelsmoor.
De Naveröörd sünd Gnarrenborg in’n Noordwesten, Langenhusen un Friedrichsdörp in’n Noordoosten, Augussendorp in’n Oosten, Korlshöben mit Korlshöbenerbarg in’n Süden un Findörp, Kolheim un Dahldörp in’n Süüdwesten.
Historie
[ännern | Bornkood ännern]Barkhusen is 1784 as Moorkolonie von Jürgen Christian Findörp in’t Düvelsmoor grünnt worrn. De Oort liggt langs dat Oostöver von’n Oost-Hamm-Kanaal un hett sien Naam von de Barken, de fröher in’t Moor wüssen un von’n olen Barkhoopsee, de hier in’t Moor weer.
Toeerst is de Deel von Dörp grünnt worrn, de langs den Kanaal liggt, de twete weer dat Klooster na Oosten to un de drüdde 1823 Oberbarkhusen in’n Süüdoosten.[1]
An’n 8. April 1974 bi de Gemeenreform in Neddersassen mit de Gemeen Gnarrenborg tohoopleggt worrn. Sietdem billt de Oort binnen de Gemeen Gnarrenborg en polietsche Oortschop mit en egen Oortsvörsteiher.
Inwahnertall
[ännern | Bornkood ännern]| Johr | Inwahners |
|---|---|
| 1824[2] | 20 Füürsteden |
| 1848[3] | 133 Lüüd, 21 Hüüs |
| 1. Dezember 1910[4] | 230 |
| 1925[5] | 222 |
| 1933[5] | 224 |
| 1939[5] | 201 |
| 31. Dezember 2005 | 286 |
| 31. Dezember 2008 | 286 |
| 31. Dezember 2011[6] | 281 |
Religion
[ännern | Bornkood ännern]Barkhusen is evangeelsch-luthersch präägt un höört to dat Kaspel Gnarrenborg.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Oortsvörsteihers
[ännern | Bornkood ännern]- –2014: Johann Bargmann
- 2014–: Jürgen Wehrs
Wapen
[ännern | Bornkood ännern]Dat Wapen wiest op sülvern Grund en Bark in natürliche Klören (gröne Bläder un sülvern Stamm mit swarte Placken) un in’n Achtergrund twee rode Neddersassenhüüs.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Barkhusen liggt an de Kreisstraat 102, de in’n Noordoosten över Langenhusen un Fohrendaal na Bremervöör geiht. In’n Süüdwesten löppt de K 102 över Findörp bi Noordsood an de Landsstraat 165 ran. An’t Noordenn von Barkhusen geiht na Noordwesten de Straat An’n Karkendamm af, de na Gnarrenborg föhrt, un an’t Süüdenn krüüzt de L 122 de K 102. De L 122 geiht na Gnarrenborg un na Korlshöben.
Blangen de K 102, de in’n Oort den Stratennaam Barkhusen driggt, gifft dat noch twee annere Straten, de Oberbarkhusener Straat un de Kloosterstraat, de all beid na Süüdoosten von de K 102 afgaht un as Sackstraten in’t Moor ennt.
Footnoten
[ännern | Bornkood ännern]- ↑ http://books.google.de/books?id=BGVTAAAAcAAJ&pg=PA215
- ↑ C. H. Jansen: Statistisches Handbuch des Königreichs Hannover. 1824, Sied 38: http://books.google.de/books?id=tG0AAAAAcAAJ&pg=PA38
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ a b c http://www.verwaltungsgeschichte.de/bremervoerde.html
- ↑ http://www.gnarrenburg.de/default.cfm?mid=32742
Weblenken
[ännern | Bornkood ännern]
Barkhusen (Gnarrenborg). Mehr Biller, Videos oder Audiodateien to’t Thema gifft dat bi Wikimedia Commons.
Augustendorp | Barkhusen | Brillit | Findörp | Fohrendörp | Glinst | Gnarrenborg | Klenkendörp | Korlshöben | Kuhs | Kuhstermoor | Langenhusen