Fohrendaal
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27442 | |
| Geograafsche Laag: | Koordinaten:53° 25′ N, 9° 3′ O53° 25′ N, 9° 3′ O | |
|
| ||
Fohrendaal (hoochdüütsch Fahrendahl) is en Dörp in de Gemeen Gnarrenborg in’n Landkreis Rodenborg, Neddersassen.
Geografie
[ännern | Bornkood ännern]Fohrendaal liggt in’t Düvelsmoor. In’n Noordwesten von’n Oort löppt de Fohrendörper Kanaal langs.
De Naveröörd sünd Fohrendörp un Sprekens in’n Noordoosten, Klenkendörp in’n Oosten, Langenhusen un Friedrichsdörp in’n Süden, Oosterweed un Brillitermoor in’n Süüdwesten un Öös un Poggmöhlen in’n Noordwesten.
Historie
[ännern | Bornkood ännern]Fohrendaal is 1782 as Stratendörp un Moorkolonie grünnt worrn.
In de Franzosentied von 1810 bet 1814 hett de Oort to de Mairie Gnarrenborg in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Bremervöör tohöört. Na 1885 weer dat in’n Kreis Bremervöör. 1932 is dat Deel von’n ne’en, grötteren Kreis Bremervöör worrn un 1977 von’n Landkreis Rodenborg.
1929 is Fohrendaal mit Fohrendörp to een Gemeen tohoopleggt worrn un an’n 8. April 1974 bi de Gemeenreform in Neddersassen denn mit de Gemeen Gnarrenborg.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 13 Füürsteden |
| 1812[2] | 75 |
| 1824[3] | 13 Füürsteden |
| 1848[4] | 83 Lüüd, 13 Hüüs |
| 1. Dezember 1871[5] | 130 Lüüd, 18 Hüüs |
| 1. Dezember 1910[6] | 102 |
Religion
[ännern | Bornkood ännern]Fohrendaal is evangeelsch-luthersch präägt un höört to dat Kaspel von de Paulus-Kark in Gnarrenborg.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Kultur
[ännern | Bornkood ännern]Verenen
[ännern | Bornkood ännern]Fohrendaal hett en egen Schüttenvereen, de 1914 grünnt worrn is.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Fohrendaal löppt de Kreisstraat 102, de in’n Noordoosten över Fohrendörp un Sprekens na Bremervöör an de Bundsstrat 71/74 ran geiht un in’n Süüdwesten över Langenhusen un Barkhusen na Gnarrenborg an de Landsstraat 122 ran. An dat Süüdenn von Fohrendaal geiht na Westen de K 102 na Oosterweed af un na Noordoosten en Straat na Klenkendörp.
De nächste Autobahn is de Autobahn 1. De Opfohrt 48 Elsdörp liggt so 35 Kilometer in’n Süüdoosten von Fohrendaal.
De nächste Bahnhoff is so bi negen Kilometer wied weg in’n Noordoosten in Bremervöör an de Bahnlien Buxthu–Bremerhoben.
Scholen
[ännern | Bornkood ännern]De Kinner ut Fohrendaal gaht na de Grundschool Klenkendörper Möhl in Oosterweed.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden. 1791, Sied 72: https://books.google.de/books?id=jN5QAAAAcAAJ&pg=RA1-PA72
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 103: http://books.google.de/books?id=Q 5OAAAAcAAJ&pg=PA103
- ↑ C. H. Jansen: Statistisches Handbuch des Königreichs Hannover. 1824, Sied 180: http://books.google.de/books?id=tG0AAAAAcAAJ&pg=PA180
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144: https://books.google.de/books?id=qTZDAQAAMAAJ&pg=RA2-PA144
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm