Friedrichsdörp (Landkreis Rodenborg)

Wapen/Flagg	Koort
Basisdaten
Bundsland: Neddersassen Landkreis: Rodenborg Gemeen: Gnarrenborg
Inwahners:
Postleettall:	27442
Vörwahl:	04763
Geograafsche Laag:	53° 24′ N, 9° 2′ O

Friedrichsdörp (hoochdüütsch Friedrichsdorf) is en Dörp in de Gemeen Gnarrenborg in’n Landkreis Rodenborg, Neddersassen.

Geografie

Friedrichsdörp liggt in’t Düvelsmoor. De Oost liggt so bi fiev Kilometer in’n Oosten von’n Oort.

De Naveröörd sünd Fohrendaal un Klenkendörp in’n Noordoosten, Langenhusen in’n Oosten, Augussendorp in’n Süüdoosten, Barkhusen in’n Süden, Gnarrenborg in’n Süüdwesten, Rübehorst un Hasselhorst in’n Westen un Brillitermoor in’n Noordwesten.

Historie

Friedrichsdörp is 1784 as Moorkolonie un Stratendörp langs den Oost-Hamm-Kanaal grünnt worrn (mit Langenhusen, wat 1800 grünnt worrn is, as Paralleldörp an de anner Siet von’n Kanaal). Nöömt worrn is de Oort na Friedrich August, den tweten Söhn von König Georg III. von Hannover, de de Moorkolonien in’t Düvelsmoor 1782 besöcht harr.

1929 is Friedrichsdörp mit Langenhusen to een Gemeen tohoopleggt worrn un an’n 8. April 1974 bi de Gemeenreform in Neddersassen denn mit de Gemeen Gnarrenborg.

Inwahnertall

Johr	Inwahners
1824-00-001824	18 Füürsteden
1848-00-001848	126 Lüüd, 18 Hüüs
1910-12-011. Dezember 1910	247

Religion

Friedrichsdörp is evangeelsch-luthersch präägt un höört to dat Kaspel von de Paulus-Kark in Gnarrenborg.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur

En Denkmaal för de Fullenen ut Friedrichsdörp un Langenhusen ut de twee Weltkrieg’ steiht an de Dörpstraat.

Verenen

De Schützenvereen Friedrichsdörp is 1921 grünnt worrn un hett sik 1998 mit den Vereen ut Langenhusen tohoopslaten un heet nu Schützenvereen Langenhusen/Friedrichsdörp un Ümgegend. De Freewillige Füürwehr Langenhusen, bi de Friedrichsdörp mit bihöört, is 1929 grünnt worrn.

Weertschop un Infrastruktur

Verkehr

Friedrichsdörp liggt an de Straat Friedrichsdörp, de an dat annere Över von’n Oost-Hamm-Kanaal parallel to de Kreisstraat 102 löppt, de in’n Noordoosten över Fohrendaal, Fohrendörp un Sprekens na Bremervöör löppt un in’n Süüdwesten över Findörp na Korlshöbenermoor. An’t Süüdenn von Friedrichsdörp krüüzt de Landsstraat 122 de K 102, de von dor na Noordwesten över Gnarrenborg na Kuhs an de Bundsstraat 74 ran löppt un in’n Süüdoosten över Korlshöben, Glinst, Rhaar, Oostereis na Zeven an de B 71 ran. An’t Noordenn von Friedrichsdörp geiht de K 104 na Westen von de K 102 af un löppt bi Brillit an de B 74. Na Oosten geiht de K 103 von de K 102 af un löppt na Augussendorp.

De nächsten Autobahnen sünd de A 27 un de A 1, de all beid so bi 35 Kilometer weg sünd. Wenn in Tokumst de plaante A 20 trech warrt, is de so bi 17 Kilometer weg.

De nächste Bahnhoff is de Bahnhoff Bremervöör an de Bahnlien Bremervöör–Bremerhoben, wat so bi twölv Kilometer weg is.

Scholen

De eerste School för Friedrichsdörp un Langenhusen is 1822 boot worrn. De School hett aver later dichtmaakt. Vondaag gaht de Kinner ut Friedrichsdörp na de Grundschool Klenkendörper Möhl in Oosterweed.

Literatur

• Rainer Brandt: Langenhausen, Friedrichsdorf: Eine Dorfchronik; getrennte Vergangenheit, gemeinsame Zukunft. Volksbank Gnarrenborg, 1982
• 200 Jahre Friedrichsdorf: 1784 - 1984. Stelljes, 1984